ՄՆԱՑՈՐԴԱՑ ԱՌԱՋԻՆ 18:4 - Գրաբար Աստվածաշունչ (1895)

⁴ Եւ ա՛ռ Դաւիթ զնորա հազար կառս եւ եւթն հազար ձիոց եւ քսան հազար արանց հետեւակաց. եւ քակեաց Դաւիթ զամենայն զկառսն, եւ եթող ի նոցանէ հարեւր կառս։

ՄՆԱՑՈՐԴԱՑ ԱՌԱՋԻՆ 18:4 ပူးပေါင်းရင်းမြစ်များ

ԾՆՈՒՆԴՔ 49:6

Ի խորհուրդս նոցա մի՛ մտցէ անձն իմ, եւ ժողովս նոցա ոչ հաճեսցին միտք իմ. զի սրտմտութեամբ իւրեանց սպանին զարս, եւ ցանկութեամբ իւրեանց կարթակոտոր արարին զցուլս։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:4

Եւ առ զնորա Դաւիթ հազար կառս, եւ եւթն հազար՝՝ հեծելոց, եւ քսան հազար հետեւակաց. եւ քակեաց Դաւիթ զամենայն կառսն, եւ եթող իւր ի նոցանէ հարեւր կառս։

ԹԱԳԱՒՈՐՈՒԹԵԱՆՑ ԵՐՐՈՐԴ 10:26

Եւ ժողովեաց Սողոմոն կառս եւ հեծեալս. եւ էին Սողոմոնի քառասուն հազար ձիք մատակք՝՝ կառաց, եւ երկոտասան հազար երիվարաց, եւ եդ զնոսա ի քաղաքս կառաց, եւ որ ընդ արքայի յԵրուսաղէմ։ Եւ էր իշխան ամենայն թագաւորաց ի Գետոյն մինչեւ ցայլազգիս, եւ մինչեւ ցսահմանս Եգիպտացւոց։՝՝

ԹԱԳԱՒՈՐՈՒԹԵԱՆՑ ԵՐՐՈՐԴ 4:2

Եւ այս էին իշխանք նորա. Ազարիա որդի Սադովկայ՝ քահանայ,

ՄՆԱՑՈՐԴԱՑ ԱՌԱՋԻՆ 18:3

Եւ եհար Դաւիթ զԱդրազար արքայ Սուբայ յԵմաթ, յերթալ նորա հաստատել զձեռն իւր ի վերայ գետոյն Եփրատայ։

ՄՆԱՑՈՐԴԱՑ ԱՌԱՋԻՆ 18:5

Եւ եկն Ասորին ի Դամասկոսէ օգնել Ադրազարայ արքայի Սուբայ. եւ եհար Դաւիթ յԱսորեացն քսան եւ երկու հազարս արանց։

ԳԻՐՔ ՍԱՂՄՈՍԱՑ 20:7

Տացես զնա յօրհնութիւն յաւիտեանս յաւիտենից, ուրախ արասցես զնա յուրախութիւն երեսաց քոց։

ԵՐԿՐՈՐԴՈՒՄՆ ՕՐԻՆԱՑ 17:16

Զի մի՛ յաճախեսցէ իւր երիվարս, եւ մի՛ դարձուսցէ զժողովուրդն յԵգիպտոս. զի Տէր ասաց, թէ՝ Մի՛ եւս յաւելուցուք դառնալ ընդ նոյն ճանապարհ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:6

Եւ ասէ Տէր ցՅեսու. Մի՛ երկնչիր յերեսաց նոցա, զի վաղիւ ի սոյն ժամու մատնեցից ես զամենեսեան զնոսա վանեալս առաջի որդւոցն Իսրայելի. զերիվարս նոցա կարթակոտորս արասցես, եւ զկառս նոցա այրեսցես հրով։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:9

Եւ արար ընդ նոսա Յեսու որպէս պատուիրեաց նմա Տէր. զերիվարս նոցա կարթակոտորս արար, եւ զկառս նոցա այրեաց հրով։