ՄՆԱՑՈՐԴԱՑ ԱՌԱՋԻՆ 18:11 - Գրաբար Աստվածաշունչ (1895)

¹¹ Եւ զայնոսիկ սրբեաց Դաւիթ Տեառն ընդ արծաթոյն եւ ոսկւոյն զոր ա՛ռ յամենայն ազգացն, յԵդովմայ եւ ի Մովաբայ եւ յորդւոցն Ամոնայ եւ յայլազգեացն եւ յԱմաղեկայ։

ՄՆԱՑՈՐԴԱՑ ԱՌԱՋԻՆ 18:11 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:51

Եւ բովանդակեցաւ ամենայն գործն զոր արար արքայ Սողոմոն զտանն Տեառն. եւ տարաւ արքայ Սողոմոն զսրբութիւնսն Դաւթի հօր իւրոյ եւ զամենայն սրբութիւնս Սողոմոնի՝՝ զարծաթ եւ զոսկի եւ զկահ՝ ետ ի գանձս տանն Տեառն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:18

Եւ ա՛ռ Յովաս արքայ Յուդայ զամենայն զսրբութիւնսն զոր սրբեաց Յովսափատ եւ Յովրամ եւ Ոքոզիա հարք նորա եւ թագաւորք Յուդայ, եւ զիւր սրբութիւնսն եւ զամենայն արծաթ գտեալ ի գանձս տան Տեառն եւ ի տան թագաւորին, եւ առաքեաց Ազայելի արքայի Ասորւոց, եւ գնաց յԵրուսաղեմէ։

ՄՆԱՑՈՐԴԱՑ ԱՌԱՋԻՆ 18:10

Եւ առաքեաց զԱդուրամ զորդի իւր առ արքայ Դաւիթ հարցանել զնմանէ ի խաղաղութիւն, եւ օրհնել զնա. վասն զի պատերազմ տայր ընդ նմա Ադրազար, եւ եհար զնա. քանզի այր թշնամի էր Թովու Ադրազարայ. եւ ամենայն անօթք ոսկեղէնք եւ արծաթեղէնք ի ձեռս նորա։

ՄՆԱՑՈՐԴԱՑ ԱՌԱՋԻՆ 18:12

Եւ Աբեսսա որդի Շարուհեայ եհար զԵդովմ ի հովտին Աղովնայ ութուտասն հազար։

ՄՆԱՑՈՐԴԱՑ ԱՌԱՋԻՆ 22:14

Եւ ահա ես ըստ աղքատութեան իմում պատրաստեցի ի տուն Տեառն ոսկի տաղանդս հարեւր հազար, եւ արծաթ տաղանդս հազար հազար, եւ պղինձ եւ երկաթ որոյ ոչ գոյ թիւ, վասն զի բազում է յոյժ, եւ փայտ եւ քարինս պատրաստեցի, եւ դու յաւելցես յայդ բազմութեամբ՝

ՄՆԱՑՈՐԴԱՑ ԱՌԱՋԻՆ 26:20

Եւ Ղեւտացիքն եղբարբք իւրեանց հանդերձ՝՝ ի վերայ գանձին տանն Տեառն, եւ ի վերայ գանձին սրբոյն սրբոց։

ՄՆԱՑՈՐԴԱՑ ԱՌԱՋԻՆ 29:14

Ո՞ եմ ես, եւ ո՞ է ժողովուրդ քո, զի կարացաք յօժարամիտ լինել քեզ յայսմ ամենայնի. վասն զի քո է ամենայն ինչ, եւ ի քոյոցդ տուաք քեզ։

ՄՆԱՑՈՐԴԱՑ ԵՐԿՐՈՐԴ 5:1

Եւ կատարեցաւ ամենայն գործն զոր արար Սողոմոն ի տանն Տեառն, եւ տարաւ ի ներքս Սողոմոն զսրբութիւնսն Դաւթի հօր իւրոյ. եւ զարծաթն եւ զոսկին եւ զսպասն ետ ի գանձս տանն Տեառն։

ԵԼՔ 35:5

Առէք ի ձէնջ հաս Տեառն. ամենայն ոք զիարդ եւ յօժարեսցէ ի սրտի իւրում, բերցեն պտուղ Տեառն, ոսկի եւ արծաթ, պղինձ,

ՄԱՐԳԱՐԷՈՒԹԻՒՆ ՄԻՔԻԱՅ 4:13

Կանգնեաց եւ կաս զնոսա, դուստր Սիոնի, զի զեղջեւրս քո արարից երկաթիս, եւ զկճղակս քո պղնձիս, եւ մանրեսցես զժողովուրդս բազումս, եւ փշրեսցես նոքօք զազգս. եւ մատուսցես Տեառն զբազմութիւն նոցա, եւ զզօրութիւն նոցա Տեառն՝՝ ամենայն երկրի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:19

Ամենայն ոսկի եւ արծաթ եւ պղինձ եւ երկաթ եղիցի սուրբ Տեառն. ի գանձ Տեառն մտցէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:24

Եւ քաղաքն այրեցաւ հրով եւ ամենայն ինչ որ ի նմա էր, բաց յոսկւոյ եւ յարծաթոյ եւ ի պղնձոյ եւ յերկաթոյ զոր ետուն ի գանձ Տեառն մուծանել։

ԹԱԳԱՒՈՐՈՒԹԵԱՆՑ ԱՌԱՋԻՆ 30:13

Եւ ասէ ցնա Դաւիթ. Ո՞յր ես դու, եւ ուստի՞ ես։ Եւ ասէ պատանեակն. Եգիպտացի եմ ես ծառայ առն Ամաղեկացւոյ, եւ եթող զիս տէր իմ. զի նքողեցայ ես այս երրորդ օր.

ԹԱԳԱՒՈՐՈՒԹԵԱՆՑ ԱՌԱՋԻՆ 30:20

Եւ ա՛ռ Դաւիթ զամենայն հօտս եւ զանդեայս, եւ տանէր առաջի աւարին. եւ աւարին անուն կոչէր՝՝ թէ՝ Այս աւար Դաւթի է։