ՄՆԱՑՈՐԴԱՑ ԱՌԱՋԻՆ 17:1 - Գրաբար Աստվածաշունչ (1895)

¹ Եւ եղեւ իբրեւ բնակեաց Դաւիթ ի տան իւրում, ասէ Դաւիթ ցՆաթան մարգարէ. Ահա ես բնակեմ ի տան մայր փայտից, եւ տապանակ ուխտին Տեառն է ընդ վրանօք։

ՄՆԱՑՈՐԴԱՑ ԱՌԱՋԻՆ 17:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:1

Եւ առաքեաց Տէր զՆաթան մարգարէ առ Դաւիթ. եւ եմուտ առ նա եւ ասէ ցնա. Արք երկու էին ի քաղաքի միում, մին մեծատուն եւ մեւսն աղքատ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:25

Եւ առաքեաց ի ձեռն Նաթանայ մարգարէի, եւ կոչեաց զանուն նորա Յեդեդի վասն Տեառն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:17

Եւ բերին զտապանակն Տեառն, եւ եդին զնա ի տեղւոջ իւրում ի մէջ խորանին զոր եհար նմա Դաւիթ. եւ մատոյց Դաւիթ ողջակէզս առաջի Տեառն եւ խաղաղականս։

ԹԱԳԱՒՈՐՈՒԹԵԱՆՑ ԵՐՐՈՐԴ 1:23

Եւ պատմեցաւ արքայի, եւ ասեն. Աւասիկ Նաթան մարգարէ։ Եւ եմուտ առաջի արքայի, եւ երկիր եպագ արքայի ի վերայ երեսաց իւրոց յերկիր.

ԹԱԳԱՒՈՐՈՒԹԵԱՆՑ ԵՐՐՈՐԴ 1:44

եւ առաքեաց ընդ նմա արքայ զՍադովկ քահանայ եւ զՆաթան մարգարէ եւ զԲանեա որդի Յովիդայեայ, եւ զՔերեթին եւ զՈփելեթին, եւ հեծուցին զնա ի ջորւոջն արքայի.

ԹԱԳԱՒՈՐՈՒԹԵԱՆՑ ԵՐՐՈՐԴ 1:8

Եւ Սադովկ քահանայ եւ Բանեա որդի Յովիդայեայ եւ Նաթան մարգարէ եւ Սեմէի եւ Ռէի, եւ որդիք զօրաւորք Դաւթի չէին զհետ Ադոնիայ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:17

Եւ եղեւ ի սրտի Դաւթի հօր իմոյ շինել տուն անուան Տեառն Աստուծոյ Իսրայելի.

ՄՆԱՑՈՐԴԱՑ ԱՌԱՋԻՆ 14:1

Եւ առաքեաց Քիրամ արքայ Տիւրոսի հրեշտակս առ Դաւիթ, եւ փայտս մայրս, եւ շինօղս որմոց եւ հիւսունս փայտից՝ շինել նմա տուն։

ՄՆԱՑՈՐԴԱՑ ԱՌԱՋԻՆ 15:1

Եւ արար իւր տունս ի քաղաքի Դաւթի, եւ պատրաստեաց զտեղի տապանակին Աստուծոյ, եւ արար նմա խորան։

ՄՆԱՑՈՐԴԱՑ ԱՌԱՋԻՆ 16:1

Եւ տարաւ ի ներքս զտապանակն Աստուծոյ, եւ հաստատեաց զնա ի մէջ խորանին՝ զոր պատրաստեաց նմա Դաւիթ. եւ մատուցին ողջակէզս եւ զփրկութեանցն առաջի Աստուծոյ։

ՄՆԱՑՈՐԴԱՑ ԱՌԱՋԻՆ 17:2

Եւ ասէ Նաթան ցԴաւիթ. Զամենայն որ ինչ է յանձին քում՝ արա. վասն զի Աստուած ընդ քեզ է։

ՄՆԱՑՈՐԴԱՑ ԱՌԱՋԻՆ 17:5

վասն զի ոչ երբեք բնակեցի ի տան յօրէ յորմէ հանի զԻսրայէլ յԵգիպտոսէ մինչեւ յօրս յայս. էի խորանաւ ի վայրաբնակս։

ՄՆԱՑՈՐԴԱՑ ԱՌԱՋԻՆ 22:6

Եւ կոչեաց զՍողոմոն զորդի իւր, եւ պատուիրեաց նմա շինել զտունն անուան՝՝ Տեառն Աստուծոյ Իսրայելի։

ՄՆԱՑՈՐԴԱՑ ԱՌԱՋԻՆ 22:7

Եւ ասէ Դաւիթ ցՍողոմոն. Որդեակ, իմ եղեւ ի մտի շինել տուն անուան Տեառն Աստուծոյ.

ՄՆԱՑՈՐԴԱՑ ԱՌԱՋԻՆ 28:2

Եւ եկաց Դաւիթ արքայ ի մէջ եկեղեցւոյն՝՝ եւ ասէ. Լուարուք ինձ, եղբարք իմ եւ ժողովուրդ իմ. ի սրտի իմում եղեւ շինել տուն հանգստեան տապանակի ուխտին Տեառն, եւ կայան ոտից Տեառն մերոյ. եւ պատրաստեցի ես ի բնակութիւնն յայն զկազմածդ զայդ, ոսկի եւ արծաթ եւ պղինձ եւ արոյր եւ երկաթ եւ փայտ բազում՝՝.

ՄՆԱՑՈՐԴԱՑ ԱՌԱՋԻՆ 29:29

Եւ մնացեալ բանք արքայի Դաւթի՝ առաջինք եւ վերջինք, գրեալ են ի բանս Սամուելի տեսանողի, եւ ի բանս Նաթանայ մարգարէի եւ ի բանս Գադայ տեսանողի,

ՄՆԱՑՈՐԴԱՑ ԵՐԿՐՈՐԴ 1:4

բայց զտապանակն Աստուծոյ եհան Դաւիթ ի քաղաքէն Կարիաթարիմայ, վասն զի պատրաստեաց նմա խորան Դաւիթ յԵրուսաղէմ.

ԵԼՔ 26:1

Եւ արասցես խորան տասնփեղկեան, ի բեհեզոյ մանելոյ եւ ի կապուտակէ եւ ի ծիրանւոյ եւ ի կարմրոյ կրկնելոյ. քերոբ՝ գործ անկուածոյ՝՝ գործեսցես զնոսա։

ՄԱՐԳԱՐԷՈՒԹԻՒՆ ԵՐԵՄԵԱՅ 22:15

Միթէ թագաւորեսցե՞ս զի զայրացար ի մայրակերտս հօր քո. մի՛ կերիցեն եւ մի՛ արբցեն, զի զիրաւունս եւ զարդարութիւն եւ զբարութիւն ոչ ծանեան,

ՄԱՐԳԱՐԷՈՒԹԻՒՆ ԱՆԳԵԱՅ 1:4

Եթէ ձե՞զ միայն իցէ ժամանակ բնակել ի տունս գմբեթեայս, եւ տունդ իմ աւեր կայ։

ՄԱՐԳԱՐԷՈՒԹԻՒՆ ԱՆԳԵԱՅ 1:9

Հայեցարուք ի բազում, եւ եղեւ սակաւ. եւ դուք ի ներքս ի տունս կրեցէք, եւ ես արտաքս փչեցի զայն. վասն այդորիկ այսպէս ասէ Տէր ամենակալ. Փոխանակ զի տունդ իմ՝՝ աւեր է, եւ դուք ճեպեալ էք յիւրաքանչիւր տուն իւր։

ԳՈՐԾՔ ԱՌԱՔԵԼՈՑ 7:46

որ եգիտ շնորհս առաջի Աստուծոյ, եւ խնդրեաց գտանել զյարկս Աստուծոյ Յակովբայ։