ՄՆԱՑՈՐԴԱՑ ԱՌԱՋԻՆ 15:28 - Գրաբար Աստվածաշունչ (1895)

²⁸ Եւ ամենայն Իսրայէլ հանին զտապանակ ուխտին Տեառն հռչակաւ, ձայնիւ յոբելեաւն, եւ փողով եւ ծնծղայիւք նուագելով քնարօք եւ տաւղօք։

ՄՆԱՑՈՐԴԱՑ ԱՌԱՋԻՆ 15:28 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:15

Եւ Դաւիթ եւ ամենայն տունն Իսրայելի հանին զտապանակն Տեառն հռչակաւ եւ ձայնիւ փողոյ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:5

Եւ Դաւիթ եւ որդիքն Իսրայելի խաղային առաջի Տեառն տաւղօք եւ նուագարանօք զօրութեամբ, եւ երգովք եւ քնարօք եւ սրնգօք եւ թմբկօք եւ ծնծղայիւք եւ փողովք՝՝։

ՄՆԱՑՈՐԴԱՑ ԱՌԱՋԻՆ 13:8

Եւ Դաւիթ եւ ամենայն Իսրայէլ խաղային առաջի Աստուծոյ ամենայն զօրութեամբ, երգովք սաղմոսաց, տաւղօք եւ քնարօք եւ թմբկօք եւ ծնծղայիւք եւ փողովք։

ՄՆԱՑՈՐԴԱՑ ԱՌԱՋԻՆ 15:16

Եւ ասէ Դաւիթ ցիշխանս Ղեւտացւոցն. Կացուցէք զեղբարսն ձեր որք երգեն զսաղմոսս՝ նուագարանօք երգոցն, քնարօք եւ սրնգօք եւ ծնծղայիւք, ամբառնալ զձայնս ի բարձունս ուրախութեան ձայնիւ։

ՄՆԱՑՈՐԴԱՑ ԱՌԱՋԻՆ 15:24

Եւ Սովբենիաս եւ Յովսափատ եւ Նաթանիէլ եւ Ամեսայի եւ Զաքարիաս եւ Բանեա եւ Եղիազար, քահանայքն յուսացեալք փողովք՝՝ առաջի տապանակին Աստուծոյ. եւ Աբդեդովմ եւ Յէիաս՝ դռնապանք տապանակին Աստուծոյ։

ՄՆԱՑՈՐԴԱՑ ԱՌԱՋԻՆ 15:27

Եւ Դաւիթ զգեցեալ էր պատմուճան բեհեզեղէն. եւ ամենայն Ղեւտացիքն բարձին զտապանակ ուխտին Տեառն, եւ սաղմոսանուագքն, եւ Քոնենիաս էր իշխան երգոցն որք՝՝ նուագէին. եւ Դաւիթ զգեցեալ պատմուճան բեհեզեղէն։

ՄՆԱՑՈՐԴԱՑ ԱՌԱՋԻՆ 15:29

Եւ եղեւ մինչդեռ տապանկն Աստուծոյ գայր ի քաղաքն Դաւթի, եւ Մեղքող դուստր Սաւուղայ կարկառեալ ընդ պատուհանն՝ ետես զարքայ Դաւիթ զի կաքաւէր եւ խաղայր, եւ անգոսնեաց զնա ի միտս իւր։

ՄՆԱՑՈՐԴԱՑ ԱՌԱՋԻՆ 25:1

Զորս կացոյց Դաւիթ արքայ եւ իշխանք զօրուն ի գործն, ընդ որդիսն՝՝ Ասափայ եւ Եմանայ եւ Իդիթունայ. որք երգէին տաւղօք եւ քնարօք եւ ծնծղայիւք. եւ եղեւ թիւ նոցա որք գործէին զգործս իւրեանց։

ԳԻՐՔ ՆԷԵՄԵԱՅ 12:27

Եւ ի նաւակատիս պարսպին Երուսաղեմի, խնդրեցին զՂեւտացիսն ի տեղիս իւրեանց՝ ածել զնոսա յԵրուսաղէմ, եւ առնել զնաւակատիս ուրախութեամբ հանդերձ եւ գոհութեամբ եւ երգովք նուագարանօք, ծնծղայիւք եւ թմբկօք եւ սաղմոսարանօք եւ ի ձայն եղջեր փողոյ՝՝։

ԳԻՐՔ ՍԱՂՄՈՍԱՑ 47:6

Ինքեանք տեսին այսպէս եւ զարմացան, խռովեցան, սասանեցան։

ԳԻՐՔ ՍԱՂՄՈՍԱՑ 68:25

Արկցես ի վերայ նոցա զբարկութիւն քո, եւ սրտմտութիւն բարկութեան քո հասցէ ի վերայ նոցա։