ՄՆԱՑՈՐԴԱՑ ԱՌԱՋԻՆ 15:16 - Գրաբար Աստվածաշունչ (1895)

¹⁶ Եւ ասէ Դաւիթ ցիշխանս Ղեւտացւոցն. Կացուցէք զեղբարսն ձեր որք երգեն զսաղմոսս՝ նուագարանօք երգոցն, քնարօք եւ սրնգօք եւ ծնծղայիւք, ամբառնալ զձայնս ի բարձունս ուրախութեան ձայնիւ։

ՄՆԱՑՈՐԴԱՑ ԱՌԱՋԻՆ 15:16 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 13:8

Եւ Դաւիթ եւ ամենայն Իսրայէլ խաղային առաջի Աստուծոյ ամենայն զօրութեամբ, երգովք սաղմոսաց, տաւղօք եւ քնարօք եւ թմբկօք եւ ծնծղայիւք եւ փողովք։

ՄՆԱՑՈՐԴԱՑ ԱՌԱՋԻՆ 15:12

եւ ասէ ցնոսա. Դուք էք իշխան տոհմից Ղեւտացւոց, դուք սրբեցարուք եւ եղբարք ձեր, եւ հանէք զտապանակն Աստուծոյ Իսրայելի ի տեղին զոր պատրաստեցի նմա։

ՄՆԱՑՈՐԴԱՑ ԱՌԱՋԻՆ 16:42

եւ ընդ նոսա փողք եւ ծնծղայք, նուագել քնարօք՝՝ երգոցն Աստուծոյ, եւ որդիքն Իդիթունայ ի դրանն։

ՄՆԱՑՈՐԴԱՑ ԱՌԱՋԻՆ 16:5

ԶԱսափ առաջնորդ, եւ երկրորդ նմա Զաքարիաս, զՅեէլ, զՍամիրամովթ, զՅեքիէլ, զՄատաթիաս, զԵղիաբ, զԲանեա, զԱբդեդովմ եւ զԵիէլ, նուագարանօք տաւղաց եւ քնարաց. եւ Ասափ ծնծղայիւք նուագէր,

ՄՆԱՑՈՐԴԱՑ ԱՌԱՋԻՆ 23:5

եւ չորք հազարք դռնապանք, եւ չորք հազարք օրհնիչք Տեառն՝ նուագարանօքն որովք արարին՝՝ օրհնել զՏէր։

ՄՆԱՑՈՐԴԱՑ ԱՌԱՋԻՆ 6:16

Որդիք Ղեւեայ՝ Գերսոն, Կահաթ եւ Մերարի։

ՄՆԱՑՈՐԴԱՑ ԵՐԿՐՈՐԴ 20:19

Եւ յարեան Ղեւտացիքն յորդւոցն Կահաթու եւ յորդւոցն Կորխայ օրհնել զՏէր Աստուած ձայնիւ մեծաւ ի բարձունս։

ՄՆԱՑՈՐԴԱՑ ԵՐԿՐՈՐԴ 30:12

Եւ ի Յուդաս եւս եղեւ ձեռն Տեառն տալ նոցա սիրտս՝ ի գալ եւ՝՝ առնել ըստ հրամանի թագաւորին եւ իշխանացն բանիւ Տեառն։

ՄՆԱՑՈՐԴԱՑ ԵՐԿՐՈՐԴ 5:12

եւ Ղեւտացիքն սաղմոսանուագք, ամենեքեան յորդւոցն Ասափայ եւ Եմանայ եւ Իդիթունայ, եւ յորդւոցն նոցա եւ յեղբարցն նոցա, որք զգեցեալ էին զպատմուճանս բեհեզեղէնս, եւ տաւղօք եւ քնարօք եւ սրընգօք կային յարեւելից կողմանէ սեղանոյն, եւ ընդ նոսա քահանայք հարեւր եւ քսան՝ հարկանէին փողս.)

ՄՆԱՑՈՐԴԱՑ ԵՐԿՐՈՐԴ 5:13

եւ եղեւ միանգամայն ձայն ի հարկանել զփողսն եւ յերգել զսաղմոսն եւ ամբառնալ զձայնսն միաբան ասելով. Խոստովան եղերուք եւ օրհնեցէք զՏէր։ Եւ բարձրացուցին զձայնսն փողովքն եւ ծնծղայիւք եւ գործեօք երգոյն, եւ ասացին. Խոստովան եղերուք Տեառն. զի բարի է, զի յաւիտեան է ողորմ նորա։ Եւ տունն լցաւ ամպով փառացն Տեառն.

ՄՆԱՑՈՐԴԱՑ ԵՐԿՐՈՐԴ 7:6

Եւ քահանայքն ըստ պահպանութեանն իւրեանց կացին, եւ Ղեւտացիքն նուագարանօք երգոցն Տեառն եւ Դաւթայ արքայի, խոստովան լինել առաջի Տեառն՝ զի յաւիտեան է ողորմութիւն նորա. օրհնութեամբքն Դաւթայ ի ձեռն նոցա. եւ քահանայքն հարկանէին փողս առաջի նոցա. եւ ամենայն Իսրայէլ յոտն կայր։

ԳԻՐՔ ՆԷԵՄԵԱՅ 12:27

Եւ ի նաւակատիս պարսպին Երուսաղեմի, խնդրեցին զՂեւտացիսն ի տեղիս իւրեանց՝ ածել զնոսա յԵրուսաղէմ, եւ առնել զնաւակատիս ուրախութեամբ հանդերձ եւ գոհութեամբ եւ երգովք նուագարանօք, ծնծղայիւք եւ թմբկօք եւ սաղմոսարանօք եւ ի ձայն եղջեր փողոյ՝՝։

ԳԻՐՔ ՆԷԵՄԵԱՅ 12:36

Եւ եղբարք նոցա Սամէիա եւ Եզրիէլ օրհնէին զերգս եւ զսաղմոսս Դաւթի առնն Աստուծոյ զոր նուագեաց։ Եւ Եզրաս գրիչ երթայր առաջի նոցա ի վերայ դրանցն, եւ որք երգէինն երթային ընդդէմ նորա։

ԳԻՐՔ ՆԷԵՄԵԱՅ 12:43

Եւ զոհեցին յաւուր յայնմիկ զոհս մեծամեծս, եւ ուրախ եղեն յոյժ. վասն զի Աստուած արար ուրախ զնոսա յուրախութիւն մեծ. եւ կանայք նոցա եւ որդիք նոցա ուրախ եղեն, եւ լսելի եղեւ ուրախութիւն նոցա յԵրուսաղեմէ՝՝ մինչեւ ի հեռաւոր տեղիս։

ԳԻՐՔ ՍԱՂՄՈՍԱՑ 100:1

Յողորմութիւն եւ յիրաւունս օրհնեցից զքեզ, Տէր. սաղմոս ասացից.

ԳԻՐՔ ՍԱՂՄՈՍԱՑ 149:3

Օրհնեսցեն զանուն նորա օրհնութեամբ, սաղմոսիւք եւ օրհնութեամբ սաղմոս ասասցեն նմա։

ԳԻՐՔ ՍԱՂՄՈՍԱՑ 150:5

Օրհնեցէք զնա ի բանս քաղցունս, օրհնեցէք զնա ի բարբառ լսելի. օրհնեցէք զնա ի ձայն գոհութեան։

ԳԻՐՔ ՍԱՂՄՈՍԱՑ 81:1

Աստուած եկաց ի ժողովս աստուածոց, եւ ի միջի նոցա՝՝ դատէր զնոսա։

ԳԻՐՔ ՍԱՂՄՈՍԱՑ 81:3

Դատ արարէք որբոյն եւ այրւոյ, իրաւունս արարէք տնանկին եւ խոնարհի։

ԳԻՐՔ ՍԱՂՄՈՍԱՑ 87:7

Եդիր զիս ի գբի ներքնումն, ի խաւարի եւ ի ստուերս մահու։

ԳԻՐՔ ՍԱՂՄՈՍԱՑ 95:1

Օրհնեցէք զՏէր յօրհնութիւն նոր. օրհնեցէք զՏէր ամենայն երկիր։

ԵԼՔ 15:20

Եւ առ Մարիամ մարգարէ քոյրն Ահարոնի զթմբուկն ի ձեռն իւր, եւ ելին ամենայն կանայք զհետ նորա թմբկօք եւ պարուք։

ՄԱՐԳԱՐԷՈՒԹԻՒՆ ԵՍԱՅԵԱՅ 49:23

Եւ եղիցին թագաւորք դայեակք քո, եւ կանայք նոցա մանկակալք քո. ի վերայ երեսաց երկրի երկիր պագանիցեն քեզ, եւ զհող ոտից քոց լիզեսցեն. եւ ծանիցես թէ ես եմ Տէր. եւ ոչ ամաչեսցեն ոյք սպասեն ինձ։

ՄԱՐԳԱՐԷՈՒԹԻՒՆ ԵՐԵՄԵԱՅ 33:11

ձայն ուրախութեան եւ ձայն ցնծութեան, ձայն փեսայի եւ ձայն հարսին, որք ասիցեն՝՝. Գոհացարուք զՏեառնէ ամենակալէ զի քաղցր է, զի յաւիտեան է ողորմ նորա. բերցեն պատարագս օրհնութեան ի տուն Տեառն. զի դարձուցից զգերութիւն երկրիդ այդորիկ՝ ըստ առաջնոյն, ասէ Տէր։

ՄԱՐԳԱՐԷՈՒԹԻՒՆ ԱՄՈՎՍԱՅ 6:5

որ կայթս հարկանէիք ընդդէմ սրնգաց. զորս իբրեւ հաստատունս համարեցայք, եւ ոչ անցաւորս.

ԳՈՐԾՔ ԱՌԱՔԵԼՈՑ 14:23

Եւ շրջեալ ընդ Պիսիդիայ եկին ի Պամփիւլիա։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:2

Եւ զոր լուար յինէն բազում վկայիւք՝ զայն աւանդեսցես հաւատարիմ մարդոց, որք բաւական իցեն եւ զայլս ուսուցանել։

ԱՌ ՏԻՏՈՍ ԹՈՒՂԹ 1:5

Վասն այնորիկ իսկ թողի զքեզ ի Կրետէ, զի որ ինչ միանգամ պակաս իցէ՝ ուղղեսցես, եւ կացուսցես ըստ քաղաքաց երիցունս, որպէս եւ ես քեզ պատուիրեցի.