ՄՆԱՑՈՐԴԱՑ ԱՌԱՋԻՆ 14:2 - Գրաբար Աստվածաշունչ (1895)

² Եւ ծանեաւ Դաւիթ եթէ պատրաստեաց զնա Տէր՝՝ ի վերայ Իսրայելի. վասն զի աճեաց ի բարձրութիւն թագաւորութիւն նորա, վասն ժողովրդեան իւրոյ Իսրայելի։

ՄՆԱՑՈՐԴԱՑ ԱՌԱՋԻՆ 14:2 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 7:16

Հաւատարիմ լիցի անուն նորա եւ արքայութիւն նորա առաջի իմ՝՝ մինչեւ ցյաւիտեան, եւ աթոռ նորա կացցէ կանգուն առաջի իմ՝՝ մինչեւ ցյաւիտեան։

ԹԱԳԱՒՈՐՈՒԹԵԱՆՑ ԵՐԿՐՈՐԴ 7:8

Եւ արդ այսպէս ասասցես ցծառայ իմ Դաւիթ. Այսպէս ասէ Տէր ամենակալ. Առի ես զքեզ ի վանաց հօտից լինել քեզ յառաջնորդ ի վերայ ժողովրդեան իմոյ Իսրայելի.

ԹԱԳԱՒՈՐՈՒԹԵԱՆՑ ԵՐՐՈՐԴ 10:9

Եւ եղիցի Տէր Աստուած քո օրհնեալ որ հաճեցաւ ընդ քեզ տալ զքեզ յաթոռդ Իսրայելի. վասն սիրելոյ Տեառն զԻսրայէլ հաստատել յաւիտեան. եւ կացոյց զքեզ արքայ ի վերայ նոցա, առնել իրաւունս եւ արդարութիւն յատեանս նոցա՝՝։

ՄՆԱՑՈՐԴԱՑ ԱՌԱՋԻՆ 14:1

Եւ առաքեաց Քիրամ արքայ Տիւրոսի հրեշտակս առ Դաւիթ, եւ փայտս մայրս, եւ շինօղս որմոց եւ հիւսունս փայտից՝ շինել նմա տուն։

ՄՆԱՑՈՐԴԱՑ ԱՌԱՋԻՆ 14:3

Եւ ա՛ռ Դաւիթ այլ եւս կանայս յԵրուսաղէմ, եւ ծնան նմա այլ եւս ուստերք եւ դստերք։

ՄՆԱՑՈՐԴԱՑ ԱՌԱՋԻՆ 17:17

եւ ոչ փոքրկացան՝՝ այսոքիկ առաջի քո, Աստուած. եւ խօսեցար յաղագս տան ծառայի քո յերկարագոյն, եւ հայեցար դու յիս տեսլեամբ մարդոյ. բարձրացուցեր դու զիս՝՝, Տէր Աստուած։

ՄՆԱՑՈՐԴԱՑ ԵՐԿՐՈՐԴ 2:10

Եւ գործօնէիցն որք հատանեն զփայտն՝ ի կերակուր ետու հաց ռոճիկ ծեռայից քոց, քսան հազար քոռ ցորենոյ, եւ քսան հազար քոռ գարւոյ, եւ քսան հազար չափ գինւոյ, եւ ձէթ քսան հազար չափ։

ՄՆԱՑՈՐԴԱՑ ԵՐԿՐՈՐԴ 2:11

Եւ ասաց Քիրամ արքայ Տիւրոսի գրով, եւ արձակեաց առ Սողոմոն. Վասն սիրելոյ Տեառն զժողովուրդ իւր՝ ետ զքեզ ի վերայ դոցա թագաւոր։

ԹԻՒՔ 24:7

Եւ ելցէ այր ի զաւակէ նորա, եւ տիրեսցէ ազգաց բազմաց՝՝. եւ բարձրասցի քան զԳովգայ թագաւորութիւն՝՝ նորա, եւ աճեսցէ թագաւորութիւն նորա։

ԵՐԿՐՈՐԴՈՒՄՆ ՕՐԻՆԱՑ 28:1

Եւ եղիցի եթէ լսելով լուիցէք ձայնի Տեառն Աստուծոյ մերոյ, զգուշանալ եւ առնել զամենայն պատուիրանս նորա, զոր ես պատուիրեմ ձեզ այսօր, տացէ զքեզ Տէր Աստուած քո ի վեր քան զամենայն ազգս երկրի։