ՄՆԱՑՈՐԴԱՑ ԱՌԱՋԻՆ 14:15 - Գրաբար Աստվածաշունչ (1895)

¹⁵ Եւ եղիցի ի լսել քո զձայն շարժման ծայրից տանձեացն, յայնժամ ելցես ի պատերազմել, վասն զի ելցէ Աստուած առաջի քո հարկանել զբանակ այլազգեացն։

ՄՆԱՑՈՐԴԱՑ ԱՌԱՋԻՆ 14:15 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:23

Եւ եհարց Դաւիթ ի Տեառնէ։ Եւ ասէ, եթէ՝ Ելի՞ց ի վերայ այլազգեացն, եւ մատնեսցե՞ս զնոսա ի ձեռս իմ։ Եւ ասէ Տէր. Մի՛ ելաներ ընդդէմ նոցա, դարձիր ի նոցանէն, եւ եկեսցես ի թեւէ նոցա մօտ ի Լալօնսն՝՝.

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:7

Ահա ես տաց ի նա այս, եւ լուիցէ գոյժ, եւ դարձցի յերկիր իւր, եւ կործանեցից զնա սրով յերկրի իւրում։

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:6

զի Տէր հնչեցոյց ի բանակն Ասորւոց շաչիւն կառաց եւ բարբառ զօրու մեծի. եւ ասեն այր ցեղբայր իւր. Արդ ի վարձու կալաւ ի վերայ մեր արքայն Իսրայելի զթագաւորս Քետացւոց, եւ զթագաւորս Եգիպտացւոց։

ՄՆԱՑՈՐԴԱՑ ԱՌԱՋԻՆ 14:14

Եւ եհարց Դաւիթ դարձեալ զԱստուած. եւ ասաց ցնա Աստուած. Ոչ երթիցես զկնի նոցա. դարձիր ի նոցանէ, եւ թողցես զնոսա մերձ ի տանձիսն՝՝։

ՄՆԱՑՈՐԴԱՑ ԱՌԱՋԻՆ 14:16

Եւ արար որպէս պատուիրեաց նմա Աստուած, եւ եհար զբանակ այլազգեացն ի Գաբաւոնէ մինչեւ ի Գազերա։

ՄԱՐԳԱՐԷՈՒԹԻՒՆ ԵՍԱՅԵԱՅ 13:4

Ձայն ազգաց բազմաց ի վերայ լերանց՝ ի նմանութիւն ազգաց բազմաց, ձայն թագաւորաց եւ ազանց միահամուռ ժողովելոց. Տէր զօրութեանց հրաման ետ ազգաց սպառազինաց,

ՂԵՒՏԱԿԱՆ 26:36

Եւ ի վերայ մնացելոցն ի ձէնջ ածից դողումն ի սիրտս նոցա յերկրի թշնամեացն իւրեանց. եւ հալածեսցէ զնոսա ձայն տերեւոյ խարխափելոյ, եւ փախիցեն որպէս որ փախչիցին ի պատերազմէ, եւ անկանիցին առանց ուրուք հալածելոյ։

ԳՈՐԾՔ ԱՌԱՔԵԼՈՑ 2:2

Եւ եղեւ յանկարծակի հնչիւն յերկնից՝ եկեալ իբրեւ սաստիկ հողմոյ, եւ ելից զամենայն տունն յորում նստէին։

ԵՐԿՐՈՐԴՈՒՄՆ ՕՐԻՆԱՑ 20:4

զի Տէր Աստուած մեր երթայ առաջի ձեր ընդ ձեզ՝ տալ պատերազմ վասն ձեր ընդ թշնամիս ձեր, ապրեցուցանել զձեզ։

ԴԱՏԱՒՈՐՔ 4:14

Եւ ասէ Դեբովրա ցԲարակ. Արի, զի այս օր է՝ յորում մատնեաց Տէր զՍիսարա ի ձեռս քո. զի ահա Տէր է առաջի քո։ Եւ էջ Բարակ ի լեռնէն Թաբովրայ, եւ տասն հազար արանց զհետ նորա։

ԴԱՏԱՒՈՐՔ 7:15

Եւ եղեւ իբրեւ լուաւ Գեդէոն զպատմութիւն երազոյն եւ զմեկնութիւն նորա, երկիր եպագ Տեառն, եւ դարձաւ անդրէն ի բանակն Իսրայելի, եւ ասէ. Արիք, զի մատնեաց Տէր զբանակն Մադիամու ի ձեռս մեր։

ԴԱՏԱՒՈՐՔ 7:9

Եւ եղեւ ի գիշերին յայնմիկ եւ ասէ ցնա Տէր. Արի էջ աստի վաղվաղակի ի բանակն, զի մատնեցի զնա ի ձեռս քո։