ՄՆԱՑՈՐԴԱՑ ԱՌԱՋԻՆ 14:11 - Գրաբար Աստվածաշունչ (1895)

¹¹ Եւ ել Դաւիթ ի Բաաղփարասիմ, եւ եհար զնոսա Դաւիթ. եւ ասէ Դաւիթ. Խրամատեաց Աստուած զթշնամիս իմ ձեռամբ իմով, իբրեւ զխրամատութիւն ջրոյ։ Յաղագս այնորիկ կոչեաց զանուն տեղւոյն այնորիկ Խրամատութիւն Փարասինայ՝՝։

ՄՆԱՑՈՐԴԱՑ ԱՌԱՋԻՆ 14:11 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:20

Եւ եկն Դաւիթ ի վերուստ խրամատիցն՝՝, եւ կոտորեաց անդ զայլազգիսն. եւ ասէ Դաւիթ. Տէր խրամատեաց զթշնամիս իմ առաջի իմ, որպէս խրամատիցին ջուրք. վասն այնորիկ կոչեցաւ անուն տեղւոյն այնորիկ Ի վերայ խրամատից՝՝։

ՄՆԱՑՈՐԴԱՑ ԱՌԱՋԻՆ 14:10

Եւ եհարց Դաւիթ ցԱստուած եւ ասէ, եթէ՝ Ելի՞ց ի վերայ այլազգեացն, եւ տացե՞ս զնոսա ի ձեռս իմ։ Եւ ասէ ցնա Տէր. Ել, եւ տաց զնոսա ի ձեռս քո։

ՄՆԱՑՈՐԴԱՑ ԱՌԱՋԻՆ 14:12

Եւ թողին անդ զաստուածս իւրեանց. եւ ասաց Դաւիթ այրել զնոսա հրով։

ԳԻՐՔ ՅՈԲԱՅ 30:14

նետիւք իւրովք խոցոտեաց զիս, մատուցեալ որպէս եւ կամի։

ԳԻՐՔ ՍԱՂՄՈՍԱՑ 144:1

Բարձր առնեմ զքեզ, Աստուած իմ եւ Թագաւոր իմ, եւ օրհնեմ զանուն քո յաւիտեան եւ յաւիտեանս յաւիտենից։

ԳԻՐՔ ՍԱՂՄՈՍԱՑ 144:10

Խոստովան եղիցին առ քեզ, Տէր, ամենայն գործք քո, եւ սուրբք քո օրհնեսցեն զքեզ։

ԳԻՐՔ ՍԱՂՄՈՍԱՑ 44:3

Գեղեցիկ տեսանելով քան զամենայն որդիս մարդկան. սփռեցան շնորհք ի շրթանց քոց, վասն այսորիկ օրհնեաց զքեզ Աստուած յաւիտեան։

ԵԼՔ 14:28

Եւ դարձուցեալ զջուրսն՝ ծածկեաց զկառս եւ զհեծեալս եւ զամենայն զօրութիւն փարաւոնի, որ մտեալ էին զհետ նոցա ի ծով անդր. եւ ոչ մնաց ի նոցանէ եւ ոչ մի։

ՄԱՐԳԱՐԷՈՒԹԻՒՆ ԵՍԱՅԵԱՅ 28:21

Յարիցէ Տէր ի ձորն Գաբաւոնացւոց լի բարկութեամբ, գործեսցէ զգործ իւր գործ դառնութեան. զի սրտմտութիւն նորա օտարաբար դատեսցի, եւ դառնութիւն նորա օտարաբար հասցէ։

Մատթեոսի Աւետարան 7:27

իջին անձրեւք, յարեան գետք, շնչեցին հողմք, հարին զտունն, եւ անկաւ. եւ էր կործանումն նորա մեծ յոյժ։