ՄՆԱՑՈՐԴԱՑ ԱՌԱՋԻՆ 12:39 - Գրաբար Աստվածաշունչ (1895)

³⁹ Եւ էին անդ աւուրս երիս, ուտէին եւ ըմպէին. վասն զի պատրաստեցին նոցա եղբարքն իւրեանց։

ՄՆԱՑՈՐԴԱՑ ԱՌԱՋԻՆ 12:39 ပူးပေါင်းရင်းမြစ်များ

ԾՆՈՒՆԴՔ 26:30

Եւ արար նոցա խրախութիւն, կերան եւ արբին։

ԾՆՈՒՆԴՔ 31:54

Եւ եզեն Յակոբ զենլիս ի լերինն, եւ կոչեաց զեղբարս իւր ուտել հաց. կերան եւ արբին, եւ ագան ի լերին անդ։

ԾՆՈՒՆԴՔ 49:10

Մի՛ պակասեսցէ իշխան ի Յուդայ, եւ մի՛ պետ յերանաց նորա, մինչեւ եկեսցեն նմա հանդերձեալքն՝՝, եւ նա է ակնկալութիւն հեթանոսաց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:42

Եւ պատասխանի ետ այր Յուդայ առն Իսրայելի եւ ասէ. Քանզի մերձաւոր իսկ է իմ արքայ. եւ ընդէ՞ր դժկամակ եղեր վասն բանիս այսորիկ. միթէ ուտելով կերա՞ք ինչ յարքայէ, կամ թէ պարգե՞ւ ետ մեզ, կամ թէ զբե՞ռն ինչ եբարձ զմեր։՝՝

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:19

Եւ բաշխեաց ամենայն ժողովրդեանն, յամենայն զօրութեան Իսրայելի ի Դանայ մինչեւ ցԲերսաբէէ,՝՝ յառնէ մինչեւ ցկին, իւրաքանչիւր ումեք բլիթ մի հացի, եւ պատառ մի ի կասկարայից, եւ քաքար մի ի տապակէ. եւ գնաց ամենայն ժողովուրդն իւրաքանչիւր ոք ի տուն իւր։

ՄՆԱՑՈՐԴԱՑ ԱՌԱՋԻՆ 11:10

Եւ սոքա իշխանք էին զօրացն Դաւթի, որք զօրանային ընդ նմա ի թագաւորութեան նորա, ընդ ամենայն Իսրայելի, որք թագաւորեցուցանէին զնա ըստ բանին Տեառն ի վերայ Իսրայելի։

ՄՆԱՑՈՐԴԱՑ ԱՌԱՋԻՆ 12:38

Ամենեքեան նոքա արք պատերազմօղք կարգեալք ի մարտ. խաղաղական անձամբ եկին ի Քեբրոն թագաւորեցուցանել զԴաւիթ ի վերայ Իսրայելի. եւ այլ մնացորդքն Իսրայելի իբրեւ զանձն մի՝ թագաւորեցուցանել զԴաւիթ։

ՄՆԱՑՈՐԴԱՑ ԱՌԱՋԻՆ 12:40

Եւ սահմանակիցք նոցին, մինչեւ յԻսաքար եւ ի Զաբուղոն եւ ի Նեփթաղիմ բերէին նոցա ուղտուք եւ իշովք եւ ջորւովք եւ եզամբք կերակուրս, ալեւր եւ թուզ եւ չամիչ եւ գինի եւ ձէթ, եւ զուարակս եւ ոչխարս բազումս. վասն զի ուրախութիւն էր յԻսրայելի։