ՄՆԱՑՈՐԴԱՑ ԱՌԱՋԻՆ 12:28 - Գրաբար Աստվածաշունչ (1895)

²⁸ եւ Սադովկ մանուկ հզօր ուժով ի տանէ հօր իւրոյ, եւ իշխանք քսան եւ երկու։

ՄՆԱՑՈՐԴԱՑ ԱՌԱՋԻՆ 12:28 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:17

եւ Սադովկ որդի Աքիտովբայ եւ Աքիմելէք որդի Աբիաթարայ՝ քահանայք. եւ Ասա՝ դպրապետ.

ԹԱԳԱՒՈՐՈՒԹԵԱՆՑ ԵՐՐՈՐԴ 1:8

Եւ Սադովկ քահանայ եւ Բանեա որդի Յովիդայեայ եւ Նաթան մարգարէ եւ Սեմէի եւ Ռէի, եւ որդիք զօրաւորք Դաւթի չէին զհետ Ադոնիայ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:35

Եւ ետ արքայ զԲանեա որդի Յովիդայեայ փոխանակ նորա ի զօրավարութիւն. եւ թագաւորութիւնն ուղղէր յԵրուսաղէմ.՝՝ եւ զՍադովկ քահանայ ետ արքայ փոխանակ Աբիաթարու ի քահանայ առաջի Տեառն։ Եւ ետ Տէր Սողոմոնի հանճար եւ իմաստութիւն բազում յոյժ, եւ լայնութիւն սրտի իբրեւ զաւազ առ եզր ծովու. եւ բազմացաւ հանճար Սողոմոնի քան զամենայն որդւոց նախնեաց, եւ քան զիմաստնոց եգիպտացւոց։ Եւ առ զդուստրն փարաւոնի, եւ ած զնա ի քաղաքն Դաւթի, մինչեւ ցկատարել նորա զտունն իւր։ Եւ նախ զտունն Տեառն եւ զպարիսպն Երուսաղեմի շուրջանակի՝ զեւթն ամ արար եւ կատարեաց։ Եւ էին Սողոմոնի եւթանասուն հազար բեռնակրաց, եւ ութսուն հազար քարահատաց ի լերինն։ Եւ արար Սողոմոն զծովն եւ զմոյթսն եւ զաւազանսն մեծամեծսն, եւ զսիւնսն եւ զջրաբուխսն սրահին եւ զծովն պղնձի։ Եւ շինեաց զբարձաւանդակն մահարձանօք, եւ անջրպետեաց զքաղաքն Դաւթի։ Եւ ապա դուստրն փարաւոնի ել ի քաղաքէն Դաւթի ի տուն իւր զոր շինեաց նմա. եւ ապա շինեաց զբարձաւանդակն։ Եւ Սողոմոն մատուցանէր երիցս ի տարւոջ ողջակէզս եւ խաղաղականս ի վերայ սեղանոյն զոր շինեաց Տեառն, եւ արկանէր խունկս առաջի Տեառն. եւ կատարեաց զտունն։ Եւ այս են իշխանք որ կային ի վերայ գործոյն Սողոմոնի. երեք հազար եւ վեց հարեւր գործավարք ժողովրդեանն, որ գործէին զգործն։ Եւ շինեաց զԱսուր եւ զՄակդով եւ զԱզեր եւ զԲեթորոն վերին եւ զԲաղաաթ. բայց յետ շինելոյն նորա զտունն Տեառն եւ զպարիսպն Երուսաղեմի շուրջանակի՝ ապա շինեաց զքաղաքսն զայնոսիկ։

ՄՆԱՑՈՐԴԱՑ ԱՌԱՋԻՆ 11:22

Եւ Բանեա որդի Յովիդայեայ, որդի առն զօրաւորի. բազում էին գործք նորա ի Կաբեսեղայ. նա եհար զերկուս որդիսն Արիել Բանեայ՝՝. եւ նա էջ եւ եհար զառեւծն ի մէջ գբին յաւուր ձեան։

ՄՆԱՑՈՐԴԱՑ ԱՌԱՋԻՆ 11:24

Զայս արար Բանեա որդի Յովիդայեայ. եւ անուն նորա ի մէջ երից զօրաւորաց.

ՄՆԱՑՈՐԴԱՑ ԱՌԱՋԻՆ 12:27

Եւ Յուդաս առաջնորդ, եւ՝՝ յորդւոցն Ահարոնի ընդ նմա երեք հազար եւ եւթն հարեւր,

ՄՆԱՑՈՐԴԱՑ ԱՌԱՋԻՆ 15:11

Եւ կոչեաց Դաւիթ զՍադովկ եւ զԱբիաթար, զքահանայսն եւ զՂեւտացիսն, զՈւրիէլ եւ զԱսայիաս եւ զՅովէլ եւ զՍամայիաս եւ զԵղիէլ եւ զԱմինադաբ,

ՄՆԱՑՈՐԴԱՑ ԱՌԱՋԻՆ 27:5

Իշխան զօրութեան երրորդ յամսեանն երրորդի՝ Բանեա, Յովադ՝ քահանայի, իշխան. եւ յընտրութեան նորա, քսան եւ չորս հազարք։

ՄՆԱՑՈՐԴԱՑ ԱՌԱՋԻՆ 6:53

Աքիտովբ որդի նորա, Սադովկ որդի նորա. Աքիմաաս որդի նորա։

ՄՆԱՑՈՐԴԱՑ ԱՌԱՋԻՆ 6:8

Աքիտովբ ծնաւ զՍադովկ, Սադովկ ծնաւ զԱքիմաաս,

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:15

Եւ քահանայքն Ղեւտացիք՝ որդիքն Սադովկայ՝ որք պահեցին զպահպանութիւնս սրբութեանց իմոց ի մոլորել տանն Իսրայելի յինէն, նոքա մերձեսցին առ իս պաշտել զիս. եւ կացցեն առաջի երեսաց իմոց՝ մատուցանել ինձ զոհս եւ՝՝ ճարպ եւ արիւն, ասէ Տէր Աստուած։