ՄՆԱՑՈՐԴԱՑ ԱՌԱՋԻՆ 12:19 - Գրաբար Աստվածաշունչ (1895)

¹⁹ Եւ ի Մանասէէ դիմեցին առ Դաւիթ ի գալ այլազգեացն ի վերայ Սաւուղայ ի պատերազմ, եւ ոչ օգնեաց նոցա. վասն զի խորհրդիւ եղեւ զօրագլխացն այլազգեաց, որք ասացին եթէ՝ Գլխովք արանցդ այդոցիկ դառնայ դա առ տէր իւր Սաւուղ։

ՄՆԱՑՈՐԴԱՑ ԱՌԱՋԻՆ 12:19 ပူးပေါင်းရင်းမြစ်များ

ԾՆՈՒՆԴՔ 43:23

Եւ ասէ ցնոսա. Խաղաղութիւն ընդ ձեզ, մի՛ երկնչիք. Աստուածն ձեր եւ հարցն ձերոց ետ ձեզ գանձս յամանս ձեր. այլ իմ զձեր արծաթն առեալ եւ հաճեալ եմ։ Եւ եհան առ նոսա զՇմաւոն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:25

Եւ զԱմեսայի կացոյց Աբիսողոմ փոխանակ Յովաբայ ի վերայ զօրուն. եւ Ամեսայի որդի էր առն որում անուն էր Յոթոր Յեզրայելացի. նա եմուտ առ Աբիգեա դուստր Յեսսեայ՝ քոյր Շարուհեայ մօր Յովաբայ։

ՄՆԱՑՈՐԴԱՑ ԱՌԱՋԻՆ 12:20

Ի գնալն նորա ի Սիկեղակ՝ դիմեցին առ նա ի Մանասէէ, Եդնա, Յովզաբադ եւ Եղիու եւ Սաղթի, իշխանք հազարացն որք էին Մանասէի.

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:2

Նախանձեցայ վասն Երուսաղեմի եւ՝՝ վասն Սիոնի նախանձ մեծ, եւ բարկութեամբ մեծաւ նախանձեցայ վասն նորա։

ԴԱՏԱՒՈՐՔ 6:34

Եւ Հոգի Տեառն զօրացոյց զԳեդէոն՝՝, եւ եհար փող եղջերեաւն. եւ խրախոյս եբարձ Աբիեզեր զկնի նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 29:10

Եւ արդ կանխեա դու ընդ առաւօտն, դու եւ ծառայք տեառն քո որ եկեալ են ընդ քեզ, եւ երթայք ի տեղին յորում կացուցի զձեզ. եւ բան ինչ յոռութեան մի՛ դիցես ի սրտի քում, զի հաճոյ ես դու առաջի իմ.՝՝ եւ վաղայարոյց լինիցիք ի ճանապարհ եւ լուսասցի ձեզ եւ գնասջիք։