ՄՆԱՑՈՐԴԱՑ ԱՌԱՋԻՆ 12:18 - Գրաբար Աստվածաշունչ (1895)

¹⁸ Եւ զօրացոյց Հոգին զԱմեսսա՝ զիշխան երեսնիցն, եւ ասէ. Երթ, Դաւիթ, որդի Յեսսեայ եւ զօրդ քո՝՝, խաղաղութիւն քեզ, եւ խաղաղութիւն օգնականաց քոց. վասն զի օգնեաց քեզ Աստուած քո։ Եւ ընկալաւ զնոսա Դաւիթ, եւ կացոյց զնոսա իշխանս զօրացն։

ՄՆԱՑՈՐԴԱՑ ԱՌԱՋԻՆ 12:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:21

Պատասխանի ետ Եթթի արքայի եւ ասէ. Կենդանի է Տէր, եւ կենդանի է տէր իմ արքայ, զի ի տեղւոջ ուր տէր իմ արքայ իցէ, ե՛ւ ի մահու ե՛ւ ի կեանս՝ անդ եղիցի եւ ծառայ քո։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:25

Եւ զԱմեսայի կացոյց Աբիսողոմ փոխանակ Յովաբայ ի վերայ զօրուն. եւ Ամեսայի որդի էր առն որում անուն էր Յոթոր Յեզրայելացի. նա եմուտ առ Աբիգեա դուստր Յեսսեայ՝ քոյր Շարուհեայ մօր Յովաբայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:13

Եւ ցԱմեսայի ասասջիք. Ո՞չ ոսկր իմ եւ մարմին իմ ես դու, եւ արդ օն եւ օն արասցէ ինձ Աստուած եւ օն եւ օն յաւելցէ, եթէ ոչ իշխան զօրուն լինիցիս առաջի իմ զամենայն աւուրս փոխանակ Յովաբայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:2

Եւ յերէկն եւ յեռանդ մինչ էր Սաւուղ թագաւոր ի վերայ մեր, դու էիր որ մուծանէիր եւ հանէիր զԻսրայէլ. եւ ասաց քեզ Տէր. Դու հովուեսցես ժողովրդեան իմոյ Իսրայելի, եւ դու լիցիս առաջնորդ ի վերայ Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 9:22

Եւ յորդւոցն Իսրայելի ոչ ետ Սողոմոն ի հանդերձաւորութիւն՝՝. զի նոքա արք պատերազմօղք էին, եւ ծառայք նորա եւ իշխանք նորա եւ սպառազէնք նորա եւ հեծեալք նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:15

Եւ գնաց անտի, եւ եգիտ զՅովնադաբ որդի Ռեքաբայ ընդ առաջ իւր, եւ օրհնեաց զնա. եւ ասէ ցնա Յէու. Եթէ իցէ՞ սիրտ քո ուղիղ իբրեւ զսիրտ իմ ընդ սրտի քում։ Եւ ասէ Յովնադաբ. Է։ Եւ ասէ Յէու. Եթէ իցէ՝ տուր ցիս զձեռն քո։ Եւ ետ զձեռն իւր, եւ եհան զնա առ իւր ի կառսն.

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:5

Եւ առաքեցին ի տանէն եւ ի քաղաքէն՝՝ եւ ծերքն եւ դայեակք առ Յէու եւ ասեն. Ծառայք քո եմք մեք, եւ զոր ինչ ասասցես մեզ՝ արասցուք. եւ ոչ թագաւորեցուսցուք զոք, այլ որ ինչ բարին է առաջի քո՝ արասցուք։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:32

Եւ՝՝ ամբարձ զերեսս իւր ի պատուհանն եւ ասէ. Ո՞վ ես դու. էջ առ իս՝՝։ Եւ հայեցան ի խոնարհ առ նա երկու ներքինիք։

ՄՆԱՑՈՐԴԱՑ ԱՌԱՋԻՆ 11:11

Եւ այս թիւ զօրաւորացն Դաւթի. Իզբաամ որդի Աքամանի, առաջին յերիցն. նա ձգեաց զսուրն իւր միանգամ ի վերայ երեք հարեւր վիրաւորացն՝՝ ի միում ժամանակի։

ՄՆԱՑՈՐԴԱՑ ԱՌԱՋԻՆ 12:17

Եւ Դաւիթ ել ընդ առաջ նոցա, եւ ասէ ցնոսա. Եթէ խաղաղութեամբ եկիք առ իս, եղիցի սիրտ իմ ընդ ձեզ. ապա թէ մատնել զիս թշնամեաց իմոց եկիք, ոչ ճշմարտութեամբ ձեռին՝՝, տեսցէ Աստուած հարցն մերոց եւ յանդիմանեսցէ։

ՄՆԱՑՈՐԴԱՑ ԱՌԱՋԻՆ 2:17

Եւ Աբիգեա ծնաւ զԱմեսայի. եւ հայր Ամեսեայ՝ Յեթրի Իսմայելացի։

ՄԱՐԳԱՐԷՈՒԹԻՒՆ ԵՍԱՅԵԱՅ 59:17

Եւ զգեցաւ իբրեւ զրահս զարդարութիւն, եւ եդ ի գլուխ իբրեւ զսաղաւարտ զփրկութիւն, եւ արկաւ զիւրեւ հանդերձ եւ պատմուճան վրէժխնդրութեան՝ հատուցանել զհատուցումն.

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:23

Այսպէս ասէ Տէր ամենակալ. Յաւուրսն յայնոսիկ, բուռն հարկանիցեն արք տասն յամենայն լեզուաց ազգաց, բուռն հարկանիցեն զդրօշակէ առն Հրէի եւ ասասցեն. Երթիցուք մեք ընդ քեզ, զի լուաք թէ Աստուած ընդ քեզ է։

Մատթեոսի Աւետարան 12:30

Որ ոչ ընդ իս է՝ հակառակ իմ է, եւ որ ոչ ժողովէ ընդ իս՝ ցրուէ։

ԱՌ ԳԱՂԱՏԱՑԻՍ ԹՈՒՂԹ 6:16

Եւ որ միանգամ այսմ կանոնի միաբան լինին, խաղաղութիւն ի վերայ նոցա եւ ողորմութիւն, եւ ի վերայ Իսրայելին Աստուծոյ։

ԴԱՏԱՒՈՐՔ 13:25

Եւ սկսաւ Հոգի Տեառն շրջել ընդ նմա ի բանակին Դանայ, ի մէջ Սարաայ եւ ի մէջ Եսթաւուղայ։

ԴԱՏԱՒՈՐՔ 3:10

Եւ եղեւ ի նմա Հոգի Տեառն, եւ դատեաց զԻսրայէլ. եւ ել ի պատերազմ ընդ Քուսարսաթեմայ՝՝. եւ մատնեաց Տէր ի ձեռս նորա զՔուսարսաթեմ արքայ Ասորւոց. եւ սաստկացաւ ձեռն նորա ի վերայ Քուսարսաթեմայ։

ԴԱՏԱՒՈՐՔ 6:34

Եւ Հոգի Տեառն զօրացոյց զԳեդէոն՝՝, եւ եհար փող եղջերեաւն. եւ խրախոյս եբարձ Աբիեզեր զկնի նորա։

ՀՌՈՒԹ 1:16

Եւ ասէ Հռութ. Մի՛ պատահեսցէ ինձ՝՝ թողուլ զքեզ եւ դառնալ ի քէն. զի ուր դու երթայցես՝ երթայց, եւ ուր հանգչիցիս՝ հանգեայց. ժողովուրդ քո՝ ժողովուրդ իմ, եւ Աստուած քո՝ Աստուած իմ.

ԹԱԳԱՒՈՐՈՒԹԵԱՆՑ ԱՌԱՋԻՆ 16:4

Եւ արար Սամուէլ զամենայն զոր խօսեցաւ ընդ նմա Տէր, եւ եկն ի Բեթղեհեմ։ Եւ զարհուրեցան ծերք քաղաքին ի պատահել նմա, եւ ասեն. Խաղաղութի՞ւն իցէ մուտդ քո, տեսանօղդ։

ԹԱԳԱՒՈՐՈՒԹԵԱՆՑ ԱՌԱՋԻՆ 16:5

Եւ ասէ. Խաղաղութիւն է. զոհել Տեառն եկի. սրբեցարուք եւ ուրախ լերուք ընդ իս այսօր՝՝։ Եւ սրբեաց զՅեսսէ եւ զորդիս նորա, եւ կոչեաց զնոսա ի զոհն։

ԹԱԳԱՒՈՐՈՒԹԵԱՆՑ ԱՌԱՋԻՆ 22:7

Եւ խօսեցաւ Սաւուղ ընդ ծառայսն իւր որ կային շուրջ զնովաւ, եւ ասէ ցնոսա. Լուարուք որդիք Բենիամինի, թէ արդարեւ ամենեցուն ձեզ տացէ՞ որդին Յեսսեայ անդս եւ այգեստանս, եւ զամենեսեան զձեզ առնիցէ՞ հազարապետս եւ հարիւրապետս,

ԹԱԳԱՒՈՐՈՒԹԵԱՆՑ ԱՌԱՋԻՆ 24:12

Եւ տես, հայր իմ, ահա տտուն լօդկի քո ի ձեռին իմում. ես հատի զտտուն հանդերձի քո, եւ ոչ սպանի զքեզ. եւ ծանիր եւ տես այսօր, զի ոչ գոյ ի ձեռին իմում չարութիւն եւ ոչ արհամարհութիւն եւ ոչ ամպարշտութիւն, եւ ոչ մեղայ ինչ քեզ. եւ դու պաշարես զանձն իմ առնուլ զնա։

ԹԱԳԱՒՈՐՈՒԹԵԱՆՑ ԱՌԱՋԻՆ 24:13

Դատ արասցէ Տէր ընդ իս եւ ընդ քեզ. եւ առցէ Տէր զվրէժ իմ ի քէն, եւ ձեռն իմ մի՛ եղիցի ի քեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 24:16

Եղիցի Տէր դատաւոր եւ իրաւարար ընդ իս եւ ընդ քեզ. տեսցէ Տէր եւ դատեսցի զդատաստանս իմ, եւ արասցէ ինձ իրաւունս ի ձեռաց քոց։

ԹԱԳԱՒՈՐՈՒԹԵԱՆՑ ԱՌԱՋԻՆ 8:12

եւ կացուսցէ զնոսա իւր հազարապետս եւ հարիւրապետս, եւ հնձել զհունձս նորա եւ կթել զկութս նորա՝՝, եւ առնել նմա զէնս եւ անօթս կառաց։