ՄՆԱՑՈՐԴԱՑ ԱՌԱՋԻՆ 11:10 - Գրաբար Աստվածաշունչ (1895)

¹⁰ Եւ սոքա իշխանք էին զօրացն Դաւթի, որք զօրանային ընդ նմա ի թագաւորութեան նորա, ընդ ամենայն Իսրայելի, որք թագաւորեցուցանէին զնա ըստ բանին Տեառն ի վերայ Իսրայելի։

ՄՆԱՑՈՐԴԱՑ ԱՌԱՋԻՆ 11:10 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:21

Եւ ասէ Աբեններ ցԴաւիթ. Յարեայց եւ գնացից եւ ժողովեցից առ տէր իմ արքայ զամենայն Իսրայէլ, եւ ուխտեցից ընդ քեզ ուխտ, եւ թագաւորեսցես ի վերայ ամենեցուն որոց՝՝ ցանկայ անձն քո. եւ առաքեաց Դաւիթ զԱբեններ, եւ գնաց խաղաղութեամբ։

ՄՆԱՑՈՐԴԱՑ ԱՌԱՋԻՆ 11:3

Եւ եկին ամենայն ծերքն Իսրայելի առ արքայ ի Քեբրոն, եւ եդ արքայ Դաւիթ ուխտ ընդ նոսա ի Քեբրոն առաջի Տեառն. եւ օծին զԴաւիթ թագաւոր ի վերայ Իսրայելի, ըստ բանին Տեառն զոր խօսեցաւ ի ձեռն Սամուելի։

ՄՆԱՑՈՐԴԱՑ ԱՌԱՋԻՆ 12:21

եւ նոքա գումարեցան ընդ Դաւթի ի վերայ հինին. վասն զի զօրաւորք էին ուժով, ամենեքեան իշխանք ի վերայ զօրուն.

ՄՆԱՑՈՐԴԱՑ ԱՌԱՋԻՆ 12:23

Եւ այսոքիկ են անուանք իշխանաց զօրուն, որք եկին առ Դաւիթ ի Քեբրոն, դարձուցանել զթագաւորութիւնն Սաւուղայ առ նա ըստ բանին Աստուծոյ։

ՄՆԱՑՈՐԴԱՑ ԱՌԱՋԻՆ 12:24

Որդիք Յուդայ վահանակիրք եւ տիգաւորք, վեց հազար եւ ութ հարեւր զօրաւորք ի պատերազմի։

ՄՆԱՑՈՐԴԱՑ ԱՌԱՋԻՆ 12:38

Ամենեքեան նոքա արք պատերազմօղք կարգեալք ի մարտ. խաղաղական անձամբ եկին ի Քեբրոն թագաւորեցուցանել զԴաւիթ ի վերայ Իսրայելի. եւ այլ մնացորդքն Իսրայելի իբրեւ զանձն մի՝ թագաւորեցուցանել զԴաւիթ։

ՄՆԱՑՈՐԴԱՑ ԱՌԱՋԻՆ 12:39

Եւ էին անդ աւուրս երիս, ուտէին եւ ըմպէին. վասն զի պատրաստեցին նոցա եղբարքն իւրեանց։

ՄՆԱՑՈՐԴԱՑ ԱՌԱՋԻՆ 27:1

Եւ որդիք Իսրայելի իւրաքանչիւր թուոց, նահապետք ազգատոհմին հազարաւորք եւ հարիւրաւորք. եւ համարակար դպիրք որ պաշտէին ի ժողովրդեանն զամենայն համարս արքունի, ըստ իւրաքանչիւր գործոյն համարոյ ելին եւ մտին ամսոյ ամսոյ յամենայն ամիսս տարւոյն։

ՄՆԱՑՈՐԴԱՑ ԱՌԱՋԻՆ 28:1

Եւ ժողովեաց Դաւիթ զամենայն իշանսն Իսրայելի, զիշխանս դատաւորացն եւ զամենայն իշխանս օրամտիցն՝ ի սպաս անձնապահաց՝՝ թագաւորին, եւ զիշխանս հազարաւորացն եւ հարիւրաւորացն եւ գանձապահացն, որք էին ի վերայ ստացուածոցն նորա, եւ՝՝ զզօրաւորսն եւ զպատերազմօղս զօրավարացն յԵրուսաղէմ։

ԹԱԳԱՒՈՐՈՒԹԵԱՆՑ ԱՌԱՋԻՆ 16:1

Եւ ասէ Տէր ցՍամուէլ. Մինչեւ յե՞րբ սուգ առնուս ի վերայ Սաւուղայ. եւ ես անարգեցի զնա չթագաւորել ի վերայ Իսրայելի. լից զեղջեւր քո իւղով, եւ եկ առաքեմ զքեզ առ Յեսսէ մինչեւ ցԲեթղեհեմ՝՝. զի տեսի ես յորդւոցն նորա թագաւորել ինձ ի թագաւոր։