Rɔman’gɨ 3:10 - Ta lǝ Luwǝ Kunmindɨ kɨ Sigɨ

¹⁰ Tokɨ makitu lə Luwə el’n ene: «De kare be kɨ kadɨ in de kɨ dana goto.

Rɔman’gɨ 3:10 ပူးပေါင်းရင်းမြစ်များ

Matiye 15:19

Ngarme’de ə in lo kɨ mərta’gɨ kɨ majel isɨ tei’tɨ, kɨ tɔl nan, kɨ kuwə marum, kɨ kaya kɨ ra, kɨ ɓogɨ, kɨ mannajɨ kɨ ngom, kɨ kelta kɨ majel dɔnan’tɨ.

Markɨ 10:18

Jeju el’ə ene: «Tadɔ ri ə ɓarɨ’m de kɨ majɨ wa? De kare kɨ majɨ goto, nan Luwə kɨ kar’ne ba par ə in de kɨ majɨ.

Rɔman’gɨ 11:8

Nje me ngan tokɨ makitu lə Luwə el’n ene: «Luwə adɨ hangal’de oy njum, Adɨ kum’de oo lo el, Ningə adɨ mbi’de boy ndəngirə tɔ. Nya kin ra nya bitɨ ɓone.»

Rɔman’gɨ 3:11

De kare be kɨ kadɨ gər nya goto, De kare be kɨ kadɨ sangɨ Luwə goto. Pətɨ inyəi row kɨ majɨ, ndəmi row.

Rɔman’gɨ 3:23

de’gɨ pətɨ in njeramajel’gɨ, adɨ tɔɓar lə Luwə nal’de.

Rɔman’gɨ 3:4

Luwə a yətɨ ndu’ne el jagɨ! Ningə majɨ kadɨ de’gɨ gəri tokɨ Luwə in nje kelta kɨ rɔta’tɨ, ə de’gɨ pətɨ in nje kelta kɨ ngom, tokɨ ndangi me makitu’tɨ eyina: «Majɨ kadɨ de’gɨ gəri kɨ ra dana lə’i me ta keli’tɨ, A re awi kadɨ gangɨ ta dɔ’i’tɨ ə, Kadɨ ta uwəi el, kadɨ in te me’tɨ to nje tətɨ rɔ.»

Titɨ 3:3

Tadɔ j’inɓe kaa, kete dɔ’je goto, j’in nje təl rɔ go ta’tɨ el, jɨ ndəm row, j’in ginn tɔgɨ’tɨ lə nyənn’gɨ lə darɔ, kɨ k’oo majirɔ’gɨ kɨ dangɨ dangɨ. J’isi ta ra me ndul’tɨ kɨ ta ndingə nya’tɨ, de’gɨ mbeti’je taa j’inɓe kaa jɨ mbətɨ nan tɔ.

1 Piyər 1:16

Tadɔ Makitu lə Luwə el ene: «A in de’gɨ kɨ k’ar njay, tadɔ m’in kɨ k’Ar Njay.»

Ta Nya’gɨ kikiyə kɨ tekidɔa 21:8

Nga ningə, nje ɓol’gɨ, njekunme’gɨ el, kɨ nje ra nya kɨ low’ə’tɨ el, kɨ nje tɔl de’gɨ, kɨ njera kaya’gɨ kɨ njera mboli’gɨ, kɨ nje kaw non kagɨ yo’gɨ’tɨ, kɨ nje ngom’gɨ, pətɨ, lo lə’de in me dilə por’tɨ, kɨ in por kɨ on rigɨ rigɨ. Lo kin ə, in koy kɨ nja joo.»

Ta Nya’gɨ kikiyə kɨ tekidɔa 22:15

Ningə kadɨ de’gɨ kɨ nje ra kulə lə busɨ’gɨ, ai gidɨ ɓebo’tɨ, nan’tɨ kɨ de’gɨ kɨ nje mboli, kɨ de’gɨ kɨ nje sangɨ nan kaya’tɨ, kɨ de’gɨ kɨ njetɔlde’gɨ, kɨ de’gɨ kɨ nje kaw non kagɨ yo’gɨ’tɨ, kɨ de’gɨ kɨ ndigɨ ngom in njekelta kɨ ngom tɔ.