Rɔman’gɨ 12:19 - Ta lǝ Luwǝ Kunmindɨ kɨ Sigɨ

¹⁹ Njendigɨ’m’gɨ, kadɨ inɓe’gɨ ugəi ɓangɨ majel kɨ de ra sese el, nan inyəi wongɨ lə Luwə adɨ ɔdɨ de’ə. Tadɔ Luwə el me makitu’tɨ lə’ne ene: «M’in ə m’in nje kugə ɓangɨ majel kɨ de ra kɨ madɨ’ne. De kɨ ra nya kɨ majel kɨ madɨ’ne, M’in ə m’a m’ɔj’ɔ kum’ə tor’tɨ.»

Rɔman’gɨ 12:19 ပူးပေါင်းရင်းမြစ်များ

Matiye 5:39

Nan m’in m’el’se kadɨ in tanyi rɔ nje mendul el. Re de ində dow kɔt’i kɨ kɔl ə, in yətɨ dowə kɨ gəl ad’a ində ɓay.

Rɔman’gɨ 12:14

Njangi dɔ de’gɨ kɨ nje kadɨ’se kon; njangi dɔ’de um manni’de el.

Rɔman’gɨ 12:17

Re de ra’se’i majel ə, ugə’ə ɓangɨ majel kɨ ra sə’i kin kɨ majel el nga. Indəi dɔ rɔ’se’tɨ kadɨ rai majɨ takum de’gɨ’tɨ pətɨ.

Rɔman’gɨ 13:4

Tadɔ nje konɓe in de kɨ isɨ ra kulə adɨ Luwə kadɨ kulə ra’se in kuləra kɨ majɨ. A kin ə re isɨ ra nya kɨ majel ningə, in ɓol nje konɓe, tadɔ in kare ə aw kɨ nya katɨ el. Lokɨ nje konɓe gangɨ ta dɔ de’tɨ ningə, isɨ ra kulə lə Luwə, ində ɔj’ɔ ə ɔjɨ wongɨ lə’ne dɔ de’tɨ kɨ njera nya kɨ majel ad’a gər.

Epejɨ’gɨ 4:27

Adi tarow Su kadɨ dum dɔ’se el.

1 Tesalonikɨ’gɨ 4:6

Kɨ ɔjidɔ lo kin, kadɨ de madɨ ra majel kɨ ngonnkon’ne eke kadɨ əd’ə el, tadɔ de’gɨ kɨ njera nya kɨ be kin, ban’a a uwə’de kɨ rɔ Luwə’tɨ, adɨ j’el’se kete, ə jɨ təl j’el ɓay nga.

2 Timote 4:14

Alegijandir kɨ kɔdɨ ko nya’gɨ adɨ’m kon ngayn, nan Burəɓe a ugə kigo kulə ra’a’tɨ.

Ebirə’gɨ 10:30

Tokɨ rɔta’tɨ, jɨ gər Luwə kɨ ene: «M’in ə, m’in nje dal ban num, taa nje kadɨ nya de kɨ ra ra kigo kulə ra’a’tɨ num tɔ! «Taa ilə dɔ’tɨ ɓay ene: Burəɓe a gangɨ ta dɔ de’gɨ’tɨ lə’ne.»