Lukɨ 20:17 - Ta lǝ Luwǝ Kunmindɨ kɨ Sigɨ

¹⁷ Nan Jeju gon’de ba ningə el’de ene: «Ta kɨ makitu lə Luwə el ene “Mbal kɨ njera kəy’gɨ mbəti’ə, In ə təl mbal kɨ in tɔgɨ kəy,” kin me’ə in ri ə?

Lukɨ 20:17 ပူးပေါင်းရင်းမြစ်များ

Kuləgɨ le njekawkulə’gɨ 4:11

In mbal kɨ njera kəy’gɨ mbəti’ə, nan in ə təl mbal kɨ maj’a utə mad’a’gɨ pətɨ, in mbal kɨ nje kadɨ tɔgɨ kəy.

Matiye 21:42

Ningə Jeju el’de ene: «In tudəi me makitu’tɨ lə Luwə oyi el wa? “Mbal kɨ njera kəy’gɨ mbəti’ə, In ə təl mbal kɨ in tɔgɨ kəy. In kin in kuləra Burəɓe. In nyakɔjɨ kɨ ətɨ ɓol ə to takum’je’tɨ kin.”»

Markɨ 12:10

Ndɔ kare in tudəi ta kin me makitu’tɨ lə Luwə oyi el wa? “Mbal kɨ njera kəy’gɨ mbəti’ə, In ə təl mbal kɨ in tɔgɨ kəy.

Lukɨ 22:37

Adɨ m’el’se, majɨ kadɨ nya kɨ makitu lə Luwə el ta’a ene: “Tudəi’ə dann njeramajel’gɨ’tɨ,” kin ra nya. Ningə nya kɨ kadɨ a re dɔ’m’tɨ, a ra nya.»

Jan 15:25

Ningə, in nya kɨ ra nya be kadɨ ta kɨ ndangi me makitu Ndukun’tɨ lə Luwə ene: “Me’de majel sə’m kare be par”, kin ra nya.

Lukɨ 24:44

Ningə go’tɨ, el’de ene: «Ta’gɨ kɨ ndɔkɨ m’el’se lokɨ m’in sese ɓay ə to kin: Ndɔkɨ m’el’se tokɨ, nya’gɨ pətɨ kɨ ndangi me ndukun’tɨ lə Mojɨ ge, kɨ me ta’tɨ lə njekeltakita Luwə’tɨ, kɨ me pa kosɨ’tɨ kin, majɨ kadɨ a tɔlita’de be.»

Lukɨ 22:61

Low’ə’tɨ non, Burəɓe ilə rətɨ gon Piyər, ningə me Piyər olo dɔ ta’tɨ kɨ ndɔkɨ Burəɓe el’ə ene: «Ɓone inɓe kin, kete ɓay taa kadɨ kunə kunjə non, a manjɨ ta nja mutə ene gərɨ’m el.»

Markɨ 10:23

Jeju gon lo gugɨ dɔ’ne ningə el njendo’gɨ lə’ne ene: «A in nya kɨ ngan ngayn rɔ nje nyakingə’tɨ kadɨ ur me Konɓe lə Luwə!»

Markɨ 3:5

Jeju gon’de kɨ wongɨ, me’ə tingə dɔ’de’tɨ ngayn tadɔ me ngan lə’de. Ningə el dingəm kakin ene: «Surə ji’i». Dingəm surə ji’ne ningə, ji’ə təl to majɨ kare.

Lukɨ 19:41

Lokɨ Jeju ində dɔ ɓe kɨ Jerujalem ndəkba ə un kum’ne oo’n’ə ningə mann non re kum’ə’tɨ.

Epejɨ’gɨ 2:20

Ingɨ toi to mbal’gɨ kɨ Luwə ində’n kəy be. Ningə ngirə kəy kakin in kɨ kində dɔ njekawkulə’gɨ’tɨ kɨ njekeltakita Luwə’tɨ. Ə Kirisitɨ inɓe ə in mbal kɨ dɔ kum kəy’tɨ.

1 Piyər 2:6

Tadɔ ndangi me makitu’tɨ lə Luwə eyina: «Oyi m’mbətɨ mbal kɨ gat’a in ngayn, m’ində ɓebo Siyon’tɨ. In mbal kɨ dɔkum lo’tɨ. De kɨ un me’ne ad’a ə nya kɨ rɔsɔl a te dɔ’a’tɨ el.»