Zakari 8:9 - Kazambale lé Sebe Sauunu 1979

⁹ Lai sunyanu lé Gakelebale léma: Balelayemunu lé wo bɔra lai sunyanu lé Gakelebale lé kɔn gane vɔbléyi va, yé wo léé, ’wo dan yee kɔn ’ko dɔ lɛ, ka lé ka wo dére ’ma kyɔ, ’ka bɛ dɔ plɛplɛ.

Zakari 8:9 ပူးပေါင်းရင်းမြစ်များ

Minwiinzannu lé Wezuofe Sɛbɛ 22:13

Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

2 Minwiinmunu lé Wezuofe Sɛbɛ 15:7

Amalé, ’kaa, ’kabo dɔ gligli; té ka bɛ é kɛlɛ tɔɔtɔɔ lo, naa, ka dan ka kɛlɛwenu ma ban ye lɛ.

Ezidras 6:14

Juifimi segelenu lé kɔn dɔle nyian wo, balelayezan Agajé valé Ido be Zakari lé balelawefele yɛrama; wo kɔn dɔ yé a lɛ sɔɔ, Izraɛl lé Bale koo, Sirus koo, Darius koo, Pɛɛs minwiinzan blɛn Aatazɛɛsɛ koo, wo dére ta.

Ézai 35:3

Munu lé wo bɛ ke é zanale wo ma, ’ka wo bɛ dɔ plɛplɛ; Munu lé wo powuo wɔlɛ gi nyaa wo ma, ’ka wo powuo dɔ gligli.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Agajé 1:1

Darius plale mi nwiin lɛɛ fiézan lé moné suiɛdozan lé yi vininzan nya, Gakelebale we fe balelayezan Agajé lɔlu nya, Séaltiɛl be Zorobabɛl lé é ke gbɔrɔnama nya Juda tɛrɛ la, a lɛ, ’bɛ valé Balebanmunu ’lɛzan Josadak be Jozué lɛ, yé é léma:

Agajé 1:12

Séaltiɛl be Zorobabɛl koo, Balebanmunu ’lɛzan Josadak be Jozué koo, mi pɔnénu koo, wo ’wolé Bale Gakelebale dére ’ma, yé we lé Gakelebale wolé Bale balelayezan Agajé pa zia a fena, wa ’ma. Yé kana zén munu gi é baba Gakelebale ’lɛ.

Agajé 2:18

Ka gi dan doo; we lé é vo kɛlɛna fɔɔ kyɔ, é sia yian nya lé wo Gakelebale lé kɔn gane vɔ fɔɔ yé é bɔ moné sɔraziɛnzan lé yi yɔ do wɔlɛ ziɛnzan ma, ka gi dan ’bɛ ma doo.

Agajé 2:21

Bé fe Zorobabɛl lé é ke Juda tɛrɛ la gbɔrɔnama nya bɛ, a lɛ léma: Maa dan tɛrɛ valé la ma nyɔɔn lɛ.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Zakari 8:18

Lai sunyanu lé Gakelebale we fe an lɛ yé é léma:

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

Jozué 1:6

’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Jozué 1:8

Té bélidɔwe lé sɛbɛ ’ko é si i lɔ ma baa lo; bé bɔrɔ i bɔn‐in bladi nyanadi, wenu faa lé wa gyɛ a gi, ilé wo kɛlɛle yarapalale nya we ma; ’bɛ zo lé, we lé bé kɛlɛle pélisia, a nyian é dan wo lɛ yé i dan a ’wuoplana ye lɛ.