Zakari 8:5 - Kazambale lé Sebe Sauunu 1979

⁵ Flaworo dii é dan fan lɛ pɛniɛnu valé blɛnnu nya, ’té woo zana gya.

Zakari 8:5 ပူးပေါင်းရင်းမြစ်များ

Jérémi 31:12

Wo dan da lɛ, wo dan siaa lɛ ginanale nya Siɔn gɔ nwiin; Wo dan vlanburu lɛ Gakelebale lé fɛ zinnu zuo, ’Sa koo, dɔrɔ dɛrɛ koo, nyɔnɔ koo, ’Blanu koo, dirinu koo, wo zuo; Wo boennu é dan kɛlɛ lɛ bélé féi lé woo ’yi zén‐é a ta, a zo, Yé wo ’ka dan nyané ble lɛ é dɛrɛ lo.

Jérémi 31:13

Yé leboronénu é dan nɛnɛ bo lɛ gi nanale nya, Pɛniɛnu valé mi kwanu gi é dan nana lɛ é ziin; Maa dan wolé gyɛbole nɔla lɛ gi‐nandale baba nya, yé maa dan wo tɔrɔ paa lɛ; Yé maa dan ginanale nɔ lɛ wo lɛ wo bli kyɛdɔle pa gi.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi Lé Wuvɔ Sɛbɛ 2:19

’Ka nwa, ’ka ma dunnu wo a lɛ é béli, ’Ka bligiwenu faa bɔra yé ’ka zana Mizan lɛ; ’Ka bɛ nwa a vazia, kalé nénu lé ke gana Lɔrɔ nya zi blannu faa ta, wo vole é yuɛma we ma.

Zakari 2:4

É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

Zakari 2:8

Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.