Zakari 7:5 - Kazambale lé Sebe Sauunu 1979

⁵ Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Zakari 7:5 ပူးပေါင်းရင်းမြစ်များ

2 Minwiinzannu 25:23

Sunya palu nwiinzannu valé wolé munu a ’ma aan wo léé, Babilɔn nwiinzan blɛn Gédalia dɔ gbɔrɔnama nya, wo go Gédalia va Misipa, ’bɛ gi léé, Nétania be Ismaɛl koo, Karéas be Jokanan koo, Nétofazan Tanumɛt be Séraja koo, Makati mi be Jaazania koo, wo valé ’wolé munu lé.

2 Minwiinzannu 25:25

Naa, moné sɔrafiézan nya, plaminwiinmunu gɔnɔlazan do, Élisama be Nétania be Ismaɛl, é da mi vu nya é va, yé é Gédalia gyɛ yé é ga, é valé Juifinu valé Kaldémunu lé ke a va Misipa, wo nya.

Ézai 43:23

I ’ka ilé ’blanu kyɛ ble lɛ an lɛ lo, I ’ka an tɔ bɔ lɛ saraka bole nya lo; Maa ’ka i ma kyɛ dɔ lɛ léé, ’i blɛ kɛlɛ an lɛ lo, Yé maa ’ka i wɔlɛi nyaa lɛ i ma léé, ’i lasikɔrɔ kyɛ ble an lɛ lo.

Ézai 58:3

Dé ko lɔrɔ sɔn yé i ’ka a yé lo, ’bɛ tɔnɔ ɛ ke mɛ nyaa? Dé kobo kɛlɛ kiéné yé i yuɛ sia ko la, ’bɛ tɔnɔ ɛ ke mɛ nyaa? Ka ye, kalé lɔrɔsɔnyi la, ka kabo no kalé bɔn‐in bɔrɔmawenu lɛ, yé ka nyané paan kalé nyanamapazannu ta.

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 52:12

Moné soruzan lé yi vuzan nya, yee lé ke Babilɔn nwiinzan blɛn Nébukanɛsaa plale munu nwiin lɛɛ vu ta sɔraziɛnzan nya, Babilɔn nwiinzan blɛn wuozan Nébuzaradan lé ke sunyanu ’lɛzan nya, é da Jérusalɛm.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

OZÉ (Osée) 7:14

Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.

Zakari 1:12

Yé Gakelebale lé lanje we fe yé é léma: Lai sunyanu lé Gakelebale, Jérusalɛm valé Juda lé flanu lé i bli vo flina wo ma a lɛɛ yɔ yaa wɔlɛ vu lo, i nyanai é dan zén lɛ wo ta mɛ yi laa?

Zakari 7:3

yé wa laa lai sunyanu lé Gakelebale lé kɔn gi Balebanmunu valé balelayemunu lee léé: É a lé ko wuvɔ moné soruzan nya yé ko lɔrɔ sɔn fɛan zo lé ko kɛlɛ lɛɛ kiɛre nya, a zoo?

Zakari 7:4

Yé lai sunyanu lé Gakelebale lé an lɛ léma:

Zakari 7:6

Dé ka fɛ ble ’té ka fɛ minian, ’té ka‐an ka fɛ blé yé ka fɛ minian loo?

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Matio 23:5

Woo ’wolé we faa kɛla munu lé wo yele we gi. Woo sɛbɛwɔlɛ blɛn paan ’wo yarapɛla valé ’wo bɛ ma yé wolé sɔ lɛi nini a é torole;

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:2

Dé i a fɛ nɔna nyanégyɛmunu lɛ, té bé pa i lɔlu ma béli nya lo, bélé bodrɔzannu a kɛla fɛan zo, a zo lo. Woo fɛ no bazorokɔnnu gi, yé woo fɛ no vuun la, munu lé wo tɔ zin bɔle we gi. Té ka kɛlɛ wo zo lo. Maa lé ka lɛ webozen nya léé, wo ’wozé ma gooli ye.

Matio 6:5

Dé ka a bazorona, té ka we kɛlɛ bélé bodrɔzannu zo lo. É sɔ wo lɛ léé, munu ’wo nagini, amalé woo dɔa loru, ’té woo bazoroan bazorokɔnnu gi, ’té woo bazoroan flaworo dii zi blannu ta. Maa lé ka lɛ webozen nya léé, wo ’wozé gooli ye.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

2 Korɛnt Munu 5:15

yé é ga mi faa lé we ma léé, wo lé wo ke é yuɛma, té wo vo é yuɛma wobo zé nya é dɛrɛ lo, naa, ’wo vo é yuɛma mi lé é ga yé é nwa gamunu va wolé we ma bɛ, azé nya.

Kolɔs munu 3:23

We faa lé ka kɛla, ’ka kɛlɛ ka bli faa nya, bélé fɛan zo lé ka a kɛlɛna Mizan lɛ, yé ka ’ka a kɛlɛna munu lɛ lo, a zo;