Zakari 7:3 - Kazambale lé Sebe Sauunu 1979

³ yé wa laa lai sunyanu lé Gakelebale lé kɔn gi Balebanmunu valé balelayemunu lee léé: É a lé ko wuvɔ moné soruzan nya yé ko lɔrɔ sɔn fɛan zo lé ko kɛlɛ lɛɛ kiɛre nya, a zoo?

Zakari 7:3 ပူးပေါင်းရင်းမြစ်များ

Ezidras 3:10

Nyanamapazannu a Gakelebale lé kɔn gane vɔna bléyian va, ’té Balebanmunu ana, wolé balebansɔ nya wo ta, wo koo, bélifɛnzannu koo, Lévinu koo, Azafa benu lé kɔanu ke wo lee, ’bɛnu koo, wo faa ana Gakelebale tɔ kɛlɛle blɛn we gi, Izraɛl nwiinzan blɛn David déretawenu yɛrama.

Bale Lé We Gifezan 3:4

wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Agajé 2:11

Lai sunyanu lé Gakelebale léma: ’I bélidɔwe ’ko gi laa Balebanzannu lee:

Zakari 7:4

Yé lai sunyanu lé Gakelebale lé an lɛ léma:

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Matio 9:15

Jézu lé wo lɛ léé: Dé ledɛrɛsizan a é béénu va, wo bli kyɛ éé dɔa kaa? Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi nya lé wo dan lɔrɔ sɔn lɛ.

1 Korent munu 7:5

Dé ka dére kɛlɛ do yé ka kini ékema bléyi ke nya bazorole nya, ’bɛ do; dé ’bɛ kaan lo, té gɔné valé é na é kini ékema lo ma. ’Bɛ zuo, ’ka zén ékeva, dé ’bɛ kaan lo, dé ka ’ka bɔa kabo kunle lɛ lo, dé Satan é da ka sɛrɛ ka ke gi.

Bélidɔwesɛbɛ Fiézan 33:10

Wo ilé gɔnɔlawenu paa Jakɔb gi, Yé wo ilé bélidɔwe paa Izraɛl gi. Woo lasikɔrɔ dɔa i nyé ’léé, Yé woo winu kyɛ blé i banna ta.