Zakari 7:14 - Kazambale lé Sebe Sauunu 1979

¹⁴ Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.

Zakari 7:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

Lɛrɛvɔ Sɛbɛ 58:9

’Wo zamaga wo, yé wo ’yi ’é bo bélé kɔnnékɔnné zo; Té wo yiri ye lo, bélé né sɛrɛle zo.

Ézai 17:13

’Bɛnu gi éé wé bélé ’yi blɛnnu vun zo; naa, Bale bon‐ɛn wo nya, yé wo vlanburu baa. É wo bin bélé gɔ nwiin fu éé ’sapɛɛ sian fɛan zo, a zo, bélé vungoi lé barikoko a sian, a zo.

Ézai 21:1

Balelawe lé Ézai a fe wɛyi bwi lé we ma, yee lo. Fu plɛplɛ si yirinwana bɛyilazia fɛan zo, a zo lé nyanézan si kanazénmigi bwi la.

Ézai 60:15

Fɛana lé wo i za pa yé wo i vo, ’Té mi do ’ka bɔrɔwona i ta lo, ’Bɛna lé maa dan i kɛlɛ lɛ bélé mi’lɛrɛkyan zo lɛɛfaama; Ma dan i kɛlɛ lɛ mi ginanama fla nya mi kulu faa zé nya.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 12:10

’Blatabinzannu kiɛre ’wii anlé dɔrɔféi ta, Woo anlé féi zɔn‐o ’wo gane nya; Woo anlé ginanama féi kinié bwi nya, Wa kɛlɛ fɛna tété nya.

Jérémi 23:19

Ka ye, Gakelebale lé fu blɛn a giéna, a wɛwɛ dɔ; é zun wo gi bélé zagele zo. É ’wii mi nyanénu ’wuo ma bélé bɔ zo.

Jérémi 30:23

Ka ye, Gakelebale lé fu blɛn a giéna, a wɛwɛ dɔ; é zun wo gi bélé zagele zo. É ’wii mi nyanénu ’wuo ma bélé bɔ zo.

Jérémi 36:19

Minwiinzannu lé Baruk lɛ léé: ’I go, bii valé Jérémi ’é yɔɔ. Té mi do kpen é ka yɔɔna ye lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi 52:30

Nébukanɛsaa plale munu nwiin lɛɛ yɔ do wɔlɛ yaazan nya, sunyanu ’lɛzan Nébuzaradan go Juifi mi wuru yaa mi yɔ sɔrafié wɔlɛ soru nya; munu faa kɛlɛ baa fié wuru yaa.

Ézékiɛl 12:19

Bé fe ana tɛrɛlamunu lɛ léma: Jérusalɛm munu lé wo ke Izraɛl tɛrɛ la, Mizan Gakelebale wo mawe fe léma: Wo dan wolé fɛ ble lɛ wo zuru va nyɛ kinile nya, yé wo dan wolé ’yi mini lɛ di kinile nya wo gi. Naa, fɛnu faa lé é ke wolé tɛrɛ la, wo dan a faa si lɛ ana munu lé glawe kɛlɛle we ma.

Ézékiɛl 22:15

Maa dan i fwila lɛ bɛngɔnɔnu méléna; maa dan i nwɛɛn lɛ tɛrɛ kiɛre ta, yé maa dan i tiridɔwe si lɛ i lee.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Daniɛl 8:9

Yé béli kiéné do bɔra a béli ziɛn va béli do ma, yé é kɛlɛ blɛn yirinwana bɛyilazia koo, yirinwanazia koo, tɛrɛnu faa va tɛrɛ zima koo, wo vazia.

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

Joɛl 2:3

Kyɛ lé éé fɛnu blé é a wo ’lɛ, Yé kyɛnɛnɛ lé éé fɛnu waan, ’bɛ a wo zuo; É vinin ’té tɛrɛ a bélé Édɛn zianféi zo, A zuo tɛrɛ la vo yuoyuo, Fɛ do kpen ’ka soo wo lee lo.

Lévinu 26:22

Maa dan bwigiwinu nwa lɛ ka ma, yé wo dan kalé nénu si lɛ ka lee yé wo dan kalé winu kulu ga lɛ, yé wo dan ka ke si lɛ a va yé ka vo sɛné; yé kalé zinu é dan ga lɛ.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Amɔs 1:14

Maa dan kyɛ bi lɛ Raba gɔrɔ gi, yé é dan alé fuakɔnnu ble lɛ, ’té gulidanmunu éé siaan gulidanyi nya, ’té barikoko éé giéan fu plɛplɛ giéyi nya.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Abaku 3:14

I ko nyanézannu nwiinzannu ’wuo fɔn‐o ilé sawɔlɛnu nya, Wo lé, woo vlanburuwo bélé fu plɛplɛ zo ko fwilale we ma, ’Té woo siaan ginanale nya Bélé fɛan zo lé wa wenaanébɔmazan wi blena tɛkɛ ’wo yɔɔna, a zo, woo lé.

Sofoni 3:6

Maa bɛngɔnɔnu kulu ga, yé maa wolé flataginifɛnu sɛrɛ; maa wolé zinu sɛrɛ tata, giémunu ’ka é dɛrɛ lo. Wo ’wii wolé flanu ta; munu ’ka ana é dɛrɛ lo, yé a ta munu ’ka ana lo.

Zakari 2:6

Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Zakari 8:1

Lai sunyanu lé Gakelebale é dére gi bɔra ’ko zo:

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

Bélidɔwesɛbɛ Fiézan 4:27

Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.