Zakari 7:12 - Kazambale lé Sebe Sauunu 1979

¹² Wo ’wo bli la dɔ plɛplɛ bélé gɔlɛ zo, léé, bélidɔwe koo, dére lé lai sunyanu lé Gakelebale a fe é Léli nya balelayemunu vininnu lɔlu nya, ’bɛ koo, té wa ’ma lo. Ana lé lai sunyanu lé Gakelebale bi wo ma bliflile blɛn nya.

Zakari 7:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

JOB (Job) 9:4

A lee lé wedɔɔle valé plɛplɛ faa ke, De ɛ dan dɔ lɛ a ma, ’té é ’ka we lɛdɔa ’bɛzan gi loo?

Lɛrɛvɔ Sɛbɛ 50:17

Biian anlé wepaale za ke i gi loo? Yé biian i an dére vuli i zuo loo?

Fwile 7:13

Faraɔn bli kɛlɛ plɛplɛ yé é ’ka é tɔné dɔ lɛ Moizi valé Arɔn lɛ lo, Gakelebale a fe fɛan zo, a zo.

Ézai 46:12

Bli plɛplɛzannu, we drɔle nyanézannu, ’Ka tɔné dɔ an lɛ.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Ézai 6:10

’I wo bli lɛ tan; ’i wo tɔné la vo, yé ’i blala pa wo yuɛ la, léé, té wo yuɛ é fɛna ye lo, té wo tɔné é we ’ma lo, té we ginin é dɔ wo gi lo, té ’wo bli nɔla yé ’wo béli lo.

Ézai 65:12

kazé é dan kɛlɛ lɛ gwɔun nya, yé ka faa é dan powuo zun lɛ yé wo ka bɔrɔ bo. Naa, maa ka laa, yé ka ’ka we lɛ an zi lo; maa we fe, yé ka ’ka tɔné dɔ lɛ an lɛ lo; naa, ka wenaané kɛlɛ an yuɛ gi. We lé é ’ka an ginanawe nya lo, yee lé ka si a va.

Jérémi 17:1

Juda munu lé wenyané a é gyɛle foliɛwɔlɛ biki nya, diaman lé wa lɛ ma bo, a nya. É a é gyɛle wo bli ta, yee valé wolé balebannanu lé bélinu ma.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 26:19

Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Jérémi 42:21

Maa a fe ka lɛ kyɔ; naa, ka ’ka tɔné dɔa Gakelebale kalé Bale dére lɛ lo, yé we faa lé é a fe an lɛ léé, maa a fe ka lɛ, ka ’ka dan dɔ lɛ a ta lo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Ézékiɛl 11:19

Maa dan wo bli kɛlɛ lɛ do, yé maa dan bli dɛrɛ pa lɛ wo gi; maa dan gɔlɛbli si lɛ wo gi, yé maa dan bli zin pa lɛ wo gi,

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

Ézékiɛl 2:4

Munu ’ko yuɛma a plɛplɛ yé wo bli a plɛplɛ; maa i pa wo lɛ zia, bé fe wo lɛ léma: Mizan Gakelebale léma:

Ézékiɛl 36:26

Maa dan bli dɛrɛ vɔ lɛ ka gi, yé maa dan léli dɛrɛ pa lɛ ka gi. Maa dan gɔlɛbli si lɛ ka gi, yé maa dan nɛbli nɔ lɛ ka lɛ.

Zakari 1:2

Gakelebale bli fli ka tranu ma é baba.

Zakari 7:7

Bléyian va lé munu a é nyanale Jérusalɛm woboma duaa, é valé é zi flanu nya, ’té munu a é nyanale yirinwana bɛyilazia fɛna pɛblɛɛna, we lé Gakelebale a fe balelayemunu vininnu lɔlu nya ’bɛ bléyi va, ka ’ka a gi dɔɔa loo?

Matio 13:15

Munu ’ko gi nyɛ ’ka kinié lo; Wo ’wo tɔné lɛ tan, dé ’wo da we ’ma ’wo tɔné nya; Wo ’wo yuɛ lɛ tan, dé ’wo da fɛ ye ’wo yuɛ nya; Wo we ’ko kɛlɛ, léé, dé ’wo da we ’ma ’wo bli gi, Dé ’wo da ’wo bli nɔla, yé maa ’wo béli.

Maak 4:12

léé, dé wa nagini, wo ’ka a yé lo; yé dé wo tɔné dɔ, wa maan, naa, wo ’ka a gi maan lo; dé wo da ’wo bli nɔla yé Bale é wo ma we vo.

WENÉNÉ LÉ LUK A GYE (Évangile selon Luc) 8:12

Wo lé wo zana zi sɔnɔ bɛ, wa munu lé woo we maan, wo nya; ’bɛ zuo yo éé dan, yé é Bale dére si wo bli gi, dé wo da wo bli vo a lɛ yé wo si we gi.

Kelewenu 28:27

Munu ’ko gi nyɛ ’ka kinié lo. Wo tɔné gi a plɛplɛ, dé wo da we ’ma wo tɔné nya. Yé wo ’wo yuɛ lɛ tan, dé wo da fɛ ye ’wo yuɛ nya. Wo we ’ko kɛlɛ, dé wo da we ’ma ’wo bli gi, Dé wo da ’wo bli nɔla, yé maa wo béli.

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.