Zakari 4:7 - Kazambale lé Sebe Sauunu 1979

⁷ Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!

Zakari 4:7 ပူးပေါင်းရင်းမြစ်များ

Ezidras 3:10

Nyanamapazannu a Gakelebale lé kɔn gane vɔna bléyian va, ’té Balebanmunu ana, wolé balebansɔ nya wo ta, wo koo, bélifɛnzannu koo, Lévinu koo, Azafa benu lé kɔanu ke wo lee, ’bɛnu koo, wo faa ana Gakelebale tɔ kɛlɛle blɛn we gi, Izraɛl nwiinzan blɛn David déretawenu yɛrama.

Lɛrɛvɔ Sɛbɛ 114:4

Gɔblɛnnu fɔrɔ bélé ’blagɔnénu zo, Gɔpanénu fɔrɔ bélé ’blanénu zo.

Lɛrɛvɔ Sɛbɛ 114:6

Gɔblɛnnu, mɛ ɛ kɛlɛ ka lɛ yé ka ke fɔrɔna bélé ’blagɔnénu zoo? Gɔpanénu, mɛ ɛ kɛlɛ ka lɛ yé ka ke fɔrɔna bélé ’blanénu zoo?

Lɛrɛvɔ Sɛbɛ 118:22

Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 41:15

Ka ye, maa i kɛlɛ bélé gɔ fun‐an mazin dɛrɛ Suiɛ zo; I dan gɔ blɛnnu fun‐an lɛ, Yé i dan gɔpanénu kɛlɛ lɛ bélé ’sapɛɛ zo.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Misé 1:4

Gɔnu ’yi a bona a wuo, ’Té gɔ woronanu lɛ éé soo a wuo, Bélé kyɛ éé wele ’yiboo fɛan zo, a zo, Bélé ’yi éé yoroan gɔ zunna fɛan zo, a zo.

Misé 4:1

Bléyi voéla gi, é dan kɛlɛ lɛ léé, Gɔ lé Gakelebale lé kɔn ke a nwiin, É dan mini lɛ gɔ blɛnnu ta, É dan nwa lɛ gɔpanénu ta loru, Yé munu é dan yoro lɛ a vazia.

Abaku 3:6

Éé dɔa; yé éé tɛrɛ daan é yuɛ nya, Éé bɛngɔnɔnu naginian, yé wo ma éé nyɔɔn‐an. Gɔnu lé wo lɛɛ ’ka lɛɛ va lo, woo ’wiié, Gɔpanénu lé wo namɔn, wo ta éé zanaan; Vinin la zinu éé plaan a ’lɛ.

Zakari 4:8

Gakelebale lé an lɛ léma:

Zakari 4:9

Zorobabɛl kɔn ’ko gane vɔ yé é dan a béli vɔ lɛ, yé i dan a gi dɔɔ lɛ léé, lai sunyanu lé Gakelebale ɛ an pa zia ka va.

Matio 21:21

Jézu lé wo lɛ léé: Maa lé ka lɛ webozen nya léé, dé ka bli ’ka kɛlɛ lɛ fié lo, dé ka bli pa a gi, we lé maa a kɛlɛ bɔrɔyili lɛ, yee duo lé ka dan a kɛlɛ lɛ, yé é ziin, dé ka fe gɔ ’ko lɛ léé: ’I si ’ko, yé ibo vuli wɛyi va, é dan a kɛlɛ lɛ a zo.

Matio 21:42

Jézu lé wo lɛ léé: Dére lé wa gyɛ Kazambale lé sɛbɛ gi, ka ’ka tan a ta fe lɛ monomono loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya. We ’ko si Mizambale va, Yé é a givuruwe nya ko yuɛ gi.

Maak 12:10

Dére ’ko lé wa gyɛ Kazambale lé sɛbɛ gi, ka ’ka tan a ta fe lɛ loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

WENÉNÉ LÉ LUK A GYE (Évangile selon Luc) 20:17

Naa, Jézu wo nagini yé é léé: We lé wa gyɛ sɛbɛ gi léé: Gɔlɛ lé kɔndɔmunu sɔn vɔ a ma É kɛlɛ kɔnsungɔlɛ nya, ’bɛ gi lé nɔɔ?

WENÉNÉ LÉ LUK A GYE (Évangile selon Luc) 3:5

Gɔ woronanu faa é dan fan lɛ, Gɔ blɛn valé gɔpané faa ta é dan zana lɛ; Zi lé é ke é plinle é dan drɔ lɛ, Yé zi zɛozɛonu é dan kɛlɛ lɛ é yɔrɔyɔrɔ,

Kelewenu 4:11

Gɔlɛ lé ’kaa kɔndɔzannu sɔn vɔ a ma, É kɛlɛ kɔnsungɔlɛ nya, Jézu a ’bɛ nya.

Rom munu 11:6

Naa, dé Bale wo si a va élé zin yɛrama, ’té kɛlɛwenu ’ka a va é dɛrɛ lo; dé ’bɛ kaan lo, ’té zin ’ka zin nya é dɛrɛ lo.

Éfez munu 2:20

Ka a é dɔle kɔngane lé é ke nwunvɔmunu valé balelayezannu nya, wo ta, yé Jézu Krist bozen ɛ ke kɔnsungɔlɛ nya.

1 Piɛri 2:7

’Kaa lé ka bli vo Jézu lɛ, é a fɛwezan nya ka lee, naa, Kazambale lé sɛbɛ léma: Gɔlɛ lé kɔndɔzannu sɔn vɔ a ma, É kinin kɔnsungɔlɛ nya,

Wegɔɔnle 16:20

Wɛyi worona tɛrɛnu faa fwi yé wo ’ka gɔnu ye lɛ é dɛrɛ lo.