Zakari 4:6 - Kazambale lé Sebe Sauunu 1979

⁶ Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Zakari 4:6 ပူးပေါင်းရင်းမြစ်များ

Wepélisiananu 41:16

Jozɛfu lé Faraɔn lɛ léé: Maa kaan lo. Kazambale ɛ dan a gi fe lɛ Faraɔn lɛ é zima.

1 Minwiinzannu 19:12

Tɛrɛ ma nyɔɔnle zuo, kyɛ kɛlɛ; Gakelebale ’ka kyɛ gi lo. Kyɛ é zuo gun gyɛle néné drɔɔ do da.

2 Minwiinmunu lé Wezuofe Sɛbɛ 14:11

Gakelebale Étiopinu gyɛ Azanu valé Judanu ’lɛ, yé Étiopinu vɔ fli gi.

Ezidras 2:2

Jozué koo, Néémi koo, Séraja koo, Réɛlaja koo, Maadosé koo, Bilsan koo, Misipaa koo, Bigivai koo, Réum koo, Baana koo, woonu ɛ go Zorobabɛlnu nya. Izraɛlnu ’léé lé ke ’ko:

Ezidras 3:10

Nyanamapazannu a Gakelebale lé kɔn gane vɔna bléyian va, ’té Balebanmunu ana, wolé balebansɔ nya wo ta, wo koo, bélifɛnzannu koo, Lévinu koo, Azafa benu lé kɔanu ke wo lee, ’bɛnu koo, wo faa ana Gakelebale tɔ kɛlɛle blɛn we gi, Izraɛl nwiinzan blɛn David déretawenu yɛrama.

Ezidras 5:2

Yé Séaltiɛl be Zorobabɛl valé Josadak be Jozué nwa yé wo kun Bale lé kɔn dɔle ma Jérusalɛm. ’Té Bale lé balelayezannu a wo va, ’té ’bɛnu é bɔa wo va.

Lɛrɛvɔ Sɛbɛ 33:16

Gulidanzannu kiɛre boen, wo ’ka minwiinzan sié we gi lo, Plɛplɛbozen é ’ka guliwuovolɛzan sié munu lee lo,

Bale Lé We Gifezan 9:11

Maa ye é ziin tɛrɛ la léé, vlanburuzan baba ’ka bɔraan é vinin vlan za kɛlɛna lo; yé guliwuo ’ka vo nyanazan lɛ lo; wedɔɔzannu ’ka fɛblele yé lo, yé gikinizannu ’ka fua blé lo, yé ’wuoatazan ’ka wezin yé lo; ’bɛ faa éé sié azé bléyi valé a ziwenu va.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 34:16

’Ka Gakelebale lé sɛbɛ gi gini, ’ka a ta fe. Wi ’konu faa é dan kɛlɛ lɛ ana, a do kpen ’ka dan vuru lɛ ana ma lo; naa, Gakelebale ɛ fe; yee ɛ dan wo zén lɛ ékema.

Ézai 59:19

Kanale Gakelebale lee é dan sia lɛ yirivɔnazia; kanale alé fuasan lee é dan sia lɛ yirinwanazia. É dan da lɛ bélé ’yiyoro plɛplɛ lé Gakelebale lé fu é go a nya, a zo.

Daniɛl 2:34

I a ana ginina tɔɔn yé gɔlɛ do fee so é ma, ’té mi do bɛ ’ka é kunle a ma lo, yé miyili ganelaanu lé wo ke foliɛwɔlɛ valé bɔtɛrɛ nya é vɔɔle, gɔlɛ ’ko duun wo lɛ yé é wo wii.

OZÉ (Osée) 1:7

Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

Agajé 1:1

Darius plale mi nwiin lɛɛ fiézan lé moné suiɛdozan lé yi vininzan nya, Gakelebale we fe balelayezan Agajé lɔlu nya, Séaltiɛl be Zorobabɛl lé é ke gbɔrɔnama nya Juda tɛrɛ la, a lɛ, ’bɛ valé Balebanmunu ’lɛzan Josadak be Jozué lɛ, yé é léma:

Agajé 2:21

Bé fe Zorobabɛl lé é ke Juda tɛrɛ la gbɔrɔnama nya bɛ, a lɛ léma: Maa dan tɛrɛ valé la ma nyɔɔn lɛ.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

Mi Nɔnɔle 27:16

Gakelebale, mi faa lélinu lé Bale, ’é mi do dɔ mununwiinzan nya ma,

Éfez munu 6:17

Yé é ziin, ka silewegi lé é ke kanakoro nya, ’ka a sia, é valé Kazambale Léli lé gwɔun lé é ke Kazambale dére nya bɛ, a nya.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:47

Yé mi gbau ’ko faa é dan a gi dɔɔ lɛ léé, Gakelebale ’ka mi sié we gi gwɔun valé din nya lo. Guliwuo éé voo Gakelebale lɛ. Yé é dan ka pa lɛ ko lee.