Zakari 3:9 - Kazambale lé Sebe Sauunu 1979

⁹ Bé ye, gɔlɛ lé maa pla Jozué ’lɛ, yuɛ sɔrafié a gɔlɛ do ’ko ma; lai sunyanu lé Gakelebale léma: Guru lé é a lé wa vɔ a ma, maa dan guru ’ko vɔ lɛ a ma anboan; maa dan tɛrɛ ’ko lé wenyané si lɛ é ma yi do kpen.

Zakari 3:9 ပူးပေါင်းရင်းမြစ်များ

1 Minwiinzannu 1:20

Anzan minwiinzan, Izraɛl faa yuɛ a i lɛ, dé mi kyɛn ɛ dan nyana lɛ anzan minwiinzan lé webleblin ta a pa gii? yé wa dɔɔ.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

Lɛrɛvɔ Sɛbɛ 103:12

Fɛan zo lé yirivɔna ke é sile yirinwana ma baa, A zo lé éé kolé bélidɔwe sɛrɛlenu sié ko ma baa.

Lɛrɛvɔ Sɛbɛ 118:22

Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

Fwile 28:11

I dan Izraɛl benu tɔnu guru vɔ lɛ gɔlɛfee fié ta, woo guru vɔa gɔlɛnu valé bɛmazéné ta fɛan zo, a zo; i dan kyan vɔ lɛ wo zi.

Fwile 28:21

Wo dan kɛlɛ lɛ vu ta fié, Izraɛl benu tɔnu yɛrama; i dan wo ta guru vɔ lɛ bélé bɛmazéné zo, bɛn vu ta fié tɔ a wo ta do do ’é guru vɔle nya.

Fwile 28:36

I dan kyan tegele gyɛ lɛ lɛlɛné, yé i dan a ta guru vɔ lɛ bélé bɛmazéné ta guru vɔle zo, léé, Gakelebale sauun zé lé.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Zakari 3:4

Yé lanje we fe munu lé wo ke a ’lɛ, wo lɛ léé: ’Ka sɔ tiridɔle si a ta. ’Bɛ zuo é lé Jozué lɛ léé: Bé ye, maa ilé weplenu si i ma, yé maa fɛtikɛlɛsɔ zén i ta.

Zakari 4:10

Munu lé woo nyé yélié we pélisiale dɛrɛ kiéné ma, dé wo kɔndɔma nivoo ye Zorobabɛl lee, wo gi é dan nana lɛ. Fɛ sɔrafié ’ko, wa Gakelebale yuɛ sɔrafié lé woo dɔwoo tɛrɛ faa la, wo nya.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

Kelewenu 4:11

Gɔlɛ lé ’kaa kɔndɔzannu sɔn vɔ a ma, É kɛlɛ kɔnsungɔlɛ nya, Jézu a ’bɛ nya.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

2 Korɛnt Munu 1:22

yee ɛ fɛ dɔ ko ma é ziin, yee ɛ fɛ pla ko ta é Léli nya.

2 Korɛnt Munu 3:3

’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.