Zakari 3:8 - Kazambale lé Sebe Sauunu 1979

⁸ Amalé Balebanmunu ’lɛzan Jozué, ’i tɔné dɔ an lɛ, bii valé i bɔlunu lé wo ke é nyanale i ’lɛ bɛ, ’té wo ke tɛlɛ tɛlama tɔmasenu nya bɛ, wo nya. Bé ye, an leezan lé wa laama mipunla, maa dan a pa lɛ zia.

Zakari 3:8 ပူးပေါင်းရင်းမြစ်များ

Lɛrɛvɔ Sɛbɛ 71:7

Mi kiɛre gi éé vuruan anlé we ma, Yé bii, bii a an vɔzizan plɛplɛ nya.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 20:3

Yé Gakelebale léé: Fɛan zo lé an wuozan Ézai tawo é porole, ’té sawala ’ka a gane ma lo, lɛɛ yaa gi, é a tɔmase valé weyɔɔle bɔrale nya Éjipiti munu valé Étiopi munu ma we nya;

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 49:3

É léé, maa a ’é wuozan Izraɛl lé é dan ’é tɔ bɔ lɛ a ma, a nya.

Ézai 49:5

Sin, Gakelebale a wefena, Yee lé é an ma’lɛrɛ an yaabléyi va an kɛlɛle ’é wuozan nya we ma Léé, maa da Jakɔb nya ’é va é pa gi, Izraɛlnu lé wo ke é kinile ékema, an da wo nya ’é va é pa gi; Naa, an tɔ a é bɔle Gakelebale yuɛ gi, Yé anlé Bale a anlé plɛplɛ nya.

Ézai 52:13

Ka ye, we faa nyian é dan wo lɛ an wuozan ma, É dan nwa lɛ, é dan kɛlɛ lɛ blɛn, é dan kɛlɛ lɛ blɛn é baba.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 53:2

É tin Gakelebale yuɛ va bélé lutolu zo, Bélé yili lé ke fɔnna tɛrɛ gale ta, a zo; É ’ka nɔnɔmi lo, yé a yara ’ka bié yé é mi sia ana lo, A yara dɔbɛ ’ka ko gi nanama lo.

Ézai 8:18

Bé ye, maa valé nénu lé Gakelebale wo nɔ an lɛ, ko a tɔmasenu valé weyɔɔle bɔrazannu nya Izraɛlnu lɛ; lai sunyanu lé Gakelebale lé éé nyanaan Siɔn gɔ nwiin, yee ɛ ko kɛlɛ a nya.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 33:15

’Bɛ yinu la, yé ’bɛ bléyi va, David punla é dan nɛɛ lɛ mi tegele do nya. É dan we tegele valé we drɔle kɛlɛ lɛ tɛrɛ la.

Ézékiɛl 12:11

Bé fe léé: Maa a tɔmase nya ka lɛ. We lé maa a kɛlɛ, yee ɛ dan kɛlɛ lɛ ka lɛ; wo dan go lɛ Izraɛl munu nya luu gi tɛrɛ bɛ ta.

Ézékiɛl 12:6

’Ilé kɔné pla i bɛ la wo yuɛ va yé bé bɔra gunu dɔra bléyi va. ’I sɔ zén i ’wuo ma, té i tɛrɛ ye lo. Naa, é sɔ an lɛ léé, i kɛlɛ tɔmase nya Izraɛl munu lɛ.

Ézékiɛl 24:24

We faa lé é a kɛlɛ, ka dan a kɛlɛ lɛ a zo ’té. Yé dé we ’konu bɔ bléyian va, ka dan a gi dɔɔ lɛ léé, maa lé ke Mizan Gakelebale nya.

Ézékiɛl 34:29

Féi lé a tɔ ke é bɔle, maa dan a pa lɛ wo lɛ. Lɔrɔ ’ka dan wo gyɛ lɛ é dɛrɛ tɛrɛ ’ko la lo, yé bɛnnu ’ka dan serele bo lɛ wo ma é dɛrɛ lo.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

WENÉNÉ LÉ LUK A GYE (Évangile selon Luc) 1:78

Nyanai zén bli vɔ kolé Bale gi, Amalé é san bi ko la bélé bladi yiri zo,