Zakari 3:2 - Kazambale lé Sebe Sauunu 1979

² Yé Gakelebale lé Satan lɛ léé: Satan, Gakelebale ’é i tadɔ ma. Gakelebale lé é Jérusalɛm si a va, ’é i tadɔ ma. Kyɛ péliné lé wa gana kyɛ va, yeean é ke bɛ loo?

Zakari 3:2 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:5

É sia yian nya lé maa anlé munu Izraɛl si Éjipiti tɛrɛ la fɔɔ kyɔ, maa ’ka fla do si lɛ a va Izraɛl bɛngɔnɔnu faa va, léé, ’wo kɔn dɔ ana an tɔ nya lo, yé an ’ka mi do si lɛ a va léé, ’é kɛlɛ anlé munu Izraɛl nwiinzan nya lo;

2 Minwiinmunu lé Wezuofe Sɛbɛ 6:6

naa, maa Jérusalɛm si a va léé, an tɔ ’é kɛlɛ ana, yé an David si a va léé, ’é pla anlé munu Izraɛl nwiin.

Lɛrɛvɔ Sɛbɛ 109:31

Naa, éé dɔa nyanégyɛzan bɛyila, Munu lé woo ga dɔa a nwiin, a sile ’bɛnu lee we gi.

Ézai 7:4

Bé fe a lɛ léma: ’I dɔ flee, té i kana we do kpen lee lo. Té nyɛ é ’wii i zuru va kyɛ pééné fié lé wo goi éé bɔa é pla, wo lee lo; ’bɛ gi léé, Rɛsɛn koo, Sirinu koo, Rémalia be koo, té nyɛ é ’wii i zuru va ’bɛnu lee lo.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Zakari 1:17

’I siaa é ziin léma: Lai sunyanu lé Gakelebale léma: Anlé flanu é dan fan lɛ fɛ zinnu nya é ziin; Gakelebale é dan Siɔn tɔrɔ paa lɛ é ziin, yé é dan Jérusalɛm si lɛ a va.

Zakari 2:12

Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

Maak 1:25

Jézu we gyɛ a lɔlu la yé é léé: ’I tadɔ; ’i si mi ’ko gi.

Maak 9:25

Jézu a ye aan wo léé, mi faa a dana ’é va, é siaa yo tiridɔle ta, yé é léé: Bii bobogyɛ yo lé i mi gya bobo nya ’té i mi tɔné ’wiié, ’i si né ’ko gi, té i wɔra a gi é dɛrɛ lo.

WENÉNÉ LÉ LUK A GYE (Évangile selon Luc) 22:32

Naa, an bazoro ilé we ma, léé, té i blipale ta é zana lo; yé bii, dé i bli nɔla yian ma, ’i i bwenu dɔ gligli ma.

WENÉNÉ LÉ LUK A GYE (Évangile selon Luc) 4:35

Jézu we gyɛ a lɔlu la yé é léé: ’I tadɔ. ’I si mi ’ko gi. Yé yo a dia zén‐ékevamunu méléna yé é si a gi yé é ’ka we do kɛlɛ lɛ a lɛ lo.

WENÉNÉ LÉ LUK A GYE (Évangile selon Luc) 9:42

Dé né bié yo tiridɔle a dia tɛrɛ va yé é a sunsun dɔ. Jézu siaa yo tiridɔle ta, yé é nézan béli yé é a nɔ é ti lɛ.

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

Rom munu 16:20

Mi vo drɔɔ Bale é dan Satan ’wii lɛ ka gane wuo laoɛ. Kaazan Jézu Krist lé zin ’é kɛlɛ ka ta ma.

Rom munu 8:33

Munu lé Kazambale wo si a va ézé nya, de ɛ dan we dɔ lɛ wo nwiin? Kazambale ɛ mi kɛla tegele.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

SEBE LÉ JUD A GYE (Épitre de Jude) 1:23

yé a kenu é ziin, ’ka nyanai zén wo ta kanale nya, fɔɔ, wolé varɔ boen lé wo dɔbɛ kyɛn a tiri dɔ bɛ, yé ka kana ’bɛ lee.

SEBE LÉ JUD A GYE (Épitre de Jude) 1:9

Yé lanjenu faa ’lɛzan Misɛl boen ke aan wo za kɛlɛna yonufaatagɔné va Moizi kɔlɛ ta, é ’ka dɔ lɛ a gi léé, é sɔnɔdére fe a ma lo, naa, é we dɔ é wo a nwiin léé: Mizambale ’é ilé we ble ma.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.