Zakari 2:8 - Kazambale lé Sebe Sauunu 1979

⁸ Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

Zakari 2:8 ပူးပေါင်းရင်းမြစ်များ

Wepélisiananu 20:6

Kazambale lé a lɛ nyɛ fla léé: Maa a gi dɔɔ léé, i we ’ko kɛlɛ i bli gi fu nya. Maa é ziin, maa ilé wenyané kɛlɛle an ma yi ga. Bɛwemalé maa ’ka zi nɔ lɛ i lɛ léé, i bɛ mane a ma lo.

2 Minwiinzannu 24:2

Kaldénu lé sunyanu koo, Sirinu lé sunyanu koo, Moab munu lé sunyanu koo, Amɔn munu lé sunyanu koo, Gakelebale wo pa zia Jojakim ma; é wo pa zia Juda ma a sɛrɛle we gi, dére lé Gakelebale a fe é wuozannu balelayezannu lɔlu nya, a yɛrama.

Lɛrɛvɔ Sɛbɛ 17:8

’I an takuun bélé yuɛzooné takuunle zo; ’I an ta béli dɔ i bɛa buale an ta nya,

Wegɔnévɔlenu 7:2

’I tawo anlé weplale yɛrama yé i dan vo lɛ é yuɛma. We lé maa a paa i gi, ’i yuɛ pa a va bélé i yuɛzooné zo.

Ézai 49:19

Ilé fɛnanu lé wo ’wii ana ta, ’té mi ’ka ana lao lo, Ilé tɛrɛ lé ke é sɛrɛle, É sia bléyi ’ko va, é dan kɛlɛ lɛ kiéné munu ma. Munu lé woo ’wiié i ta turu, wo dan si lɛ i ma baa.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Ézékiɛl 25:12

Mizan Gakelebale léma: É dɔ Édom munu gi léé, ’wo ɛ we lɛ gi paan Juda munu ma, yé wo we lɛgi pa wo ma, ’bɛna lé wo ’wobo gyɛ we nya.

Ézékiɛl 25:15

Mizan Gakelebale léma: Naa, é dɔ Filisitinu gi léé, ’wo ɛ we lɛgi paan, yé wo we lɛgi pa ’wo bli faa nya, serele bole nya, ’té é sɔ wo lɛ léé, ’wo fɛ faa guru zanaan a gi ’wolé zapale blɛɛn nya,

Ézékiɛl 26:2

Blami be, Tii munu we nana Jérusalɛm munu ma, ’té wo wé: Aa! Aa! Fla lé ke munu faa gona nya, wa ’wiioo, wa ’wii! Sin, wo dan ’wo yara nɔla lɛ ko vazia; kolé fla é dan fan lɛ fɛ zinnu nya, ’té Jérusalɛm a é ’bin nya.

Ézékiɛl 26:20

maa dan i vuli lɛ, munu lé woo zunwo guru blɛn wɔlɛ ma yɛrɛgimunu vazia, wo va. Maa dan i pla lɛ tɛrɛwɔlɛ ma, fɛana lé mi éé voo é do lɛɛfaama a glɛ ’ka lo, ana, munu lé wo zun guru wɔlɛ ma, wo sɔnɔ, té munu ’é nyana i ta é dɛrɛ lo we gi. Yé maa dan tɔbɔle ta dɔ lɛ mi yuɛmalenu lé tɛrɛ zé nya.

Ézékiɛl 35:5

Mizan Gakelebale léma: Maa a é yuɛma. Naa, zapale lé é ’ka nyaan lo, é a i gi yé i Izraɛl munu zuo bin gwɔun nya, we tɔntɔn bɔ wo ma yian nya, ’bɛ yi nya, bléyian va lé wolé weple lɛ sɔɔ, ’bɛ bléyi va; amalé maa dan i bɔra lɛ, yé wo i nyɛ zana, yé nyɛ é dan yoro lɛ i zuo; naa, i ’ka sɔn vɔ lɛ nyɛ zanale ma lo, azamalé nyɛ é dan yoro lɛ i zuo.

Ézékiɛl 36:11

Maa dan blaminu valé winu ’léé gi gyɛ lɛ ka nwiin di. Wo gi é dan gyɛ lɛ yé wo dan fan lɛ. É sɔ an lɛ léé, munu é nyana ka nwiin bélé é vinin zé zo, yé maa dan zin kɛlɛ lɛ ka lɛ yé ’bɛ é gié é vinin zé ta, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 38:11

I dan a fe lɛ léé: Maa dan nwa lɛ tɛrɛ lé ana zi ’lɛ ke é sole, a ma; munu lé wo ke drɔɔ, ’té wa é nyanale woboma duaa, ’té gɔrɔ ’ka wolé fla zi bɛ lo yé wolé duoli valé é lɛtanfɛ ’ka bɛ lo, maa dan ’wii lɛ wo ta.

Ézékiɛl 38:14

Bɛwemalé, blami be, ’i balelawe fe. Bé fe Gɔg lɛ léma: Mizan Gakelebale léma: Iin, yian nya lé anlé munu Izraɛl é dan nyana lɛ woboma duaa, i dan ’bɛ gi dɔɔ lɛ.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 1:13

Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Amɔs 1:9

Gakelebale léma: Tii munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo luu ’léé kiɛre pa Édom munu lee, yé gipawe lé wa kɛlɛ ’wo bwenu va, a sele saan wo gi, azama.

Misé 4:11

Sin bɛn gɔnɔ kiɛre zén ékeva yé wo péli vɔ ka ma, yé wo léé: Wolé tɛrɛ sɔnné ’é sɛrɛ ma, yé ko Siɔn sɛrɛna ye ma.

Misé 5:6

Jakɔb kulu pɔnénu é dan kɛlɛ lɛ migɔnɔ kiɛre va bélé lolu lé é si Gakelebale va, a zo, bélé fli lé é vɔ lu ta, a zo. Wo bli ’ka blami lɛ lo, yé wolé we do kpen ’ka sié blaminu va lo.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Abaku 2:17

Naa, glawenu lé bé kɛlɛ Liban tɛrɛ lɛ, wo dan nɔla lɛ i ta, yé winu kulu gale é dan di kini lɛ i gi; naa, i munu nyɛ zana, yé i glawe kɛlɛ tɛrɛ ’ko la, fla valé é tamunu ma, azama.

Abaku 2:8

Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Sofoni 2:8

Bléyian va lé Moab valé Amɔn munu anlé munu sɔnɔ, yé wo nwa wolé tɛrɛ glɛnu ma boblɛn nya, maa Moab munu lé sɔnɔdérenu ’ma, yé maa Amɔn munu lé wo ma we sɛrɛ dérenu ’ma.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 2:9

Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

Zakari 8:5

Flaworo dii é dan fan lɛ pɛniɛnu valé blɛnnu nya, ’té woo zana gya.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Matio 25:45

An dan a zi pa lɛ wo lɛ léé: Maa lé ka lɛ webozen nya léé, a gɔnɔ faa‐an nya lé ka ’ka we ’konu kɛlɛ lɛ an zuané kiiénénu ’ko va mi do lɛ lo, ka ’ka a kɛlɛ lɛ maa ɛ lɛ lo.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 17:18

Fɛan zo lé i an pa zia tɛrɛ la, a zo duo lé maa wo pa zia tɛrɛ la é ziin.

Kelewenu 9:4

É dia tɛrɛ va, yé é dére do ’ma yé ’bɛ lé a lɛ léé: Sɔl, Sɔl, mɛmalé i nyané paan an taa?

Bélidɔwesɛbɛ Fiézan 32:10

Gakelebale Izraɛl ye bwi gi, Fɛana lé mi do kpen ’ka lo, ’té tɛrɛ éé siaan kanale nya, ana; É a pa, ’té é a a zi; É a takuun bélé é yuɛ zooné zo,

2 Tɛsalɔnik munu 1:6

Kazambale éé we kɛla tegele amalé munu lé woo kle paan ka ta bɛ, é dan kle pa lɛ wo ta.

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.