Zakari 2:6 - Kazambale lé Sebe Sauunu 1979

⁶ Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Zakari 2:6 ပူးပေါင်းရင်းမြစ်များ

Wepélisiananu 19:17

Wo wo si fla aan wo, ’bɛnu va mi do lé wo lɛ léé: ’Ka go vlan nya kabo bélile we gi; té ka yuɛ vɔ ka zuo lo; té ka dɔ bwi la lo; ’ka vlan buru gɔ vazia, dé ka da zamaga wo.

Lɛrɛvɔ Sɛbɛ 44:2

Nyanamanu lé i wo pa é vinin, ko tranu bléyi va Wa zuo fe ko lɛ. Oo Bale, ko wo zuo ’ma ko tɔné nya.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Jérémi 1:14

Yé Gakelebale léé: Dirikiniwe é dan si lɛ yirinwana bɛbolazia yé é sɔɔla tɛrɛ ’ko la munu faa ma.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 31:38

Gakelebale léé: Ka ye, a yinu é dan bɔ lɛ yé wo dan fla ’ko pa lɛ é ziin Gakelebale tɔ bɔle we ma, é sia Ananéɛl lé dɔtafɛ ma fɔɔ yé é bɔ flagɔrɔ sun ’léé ma.

Jérémi 31:8

Ka ye, maa dan munu si lɛ yiri‐nwanazia tɛrɛ la, yé an da wo nya, Maa dan wo si lɛ tɛrɛ glɛ sina yé maa wo zén ékeva; Yuɛwiizannu valé ganesuruzannu a wo va, Bɔnlomu valé néyaalomu a wo va. Migu blɛn lé é ke dana ’ko é ziin, yee lé.

Jérémi 50:8

’Ka fwi Babilɔn; ’ka si Kaldé tɛrɛ la yé ka kɛlɛ bélé ’blagɔnénu lé wo ke ’blanu ’lɛ, wo zo.

Jérémi 51:45

anlé munu, ’ka si a méléna; ka faa do do, ’ka so Gakelebale lé bliflile baba lee, yé ka vo é yuɛma.

Jérémi 51:50

’Kaa lé ka so gwɔun lee, ’ka go, té ka dɔ lo. Yé tɛrɛ baa lé ka bɔ ana, ’ka bɔn‐in bɔrɔ Gakelebale ma ’bɛna, yé Jérusalɛm sele ’é dɔ ka gi.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Ézékiɛl 11:16

Amalé bé fe léma: Mizan Gakelebale léma: Dé maa wo vo é sile ka ma baa bɛnnu méléna, dé maa wo kini ékema wo nwɛɛnle nya tɛrɛ bɛnu ta, maa dan kɛlɛ lɛ bléyi sɛ nya wo yɔɔna nya, tɛrɛnu lé wo go ana, ana.

Ézékiɛl 17:21

Alé sunyanu va vɔbwigizannu faa é dan ga lɛ gwɔun ’léé, yé wo lé wo dan vo lɛ ana, wo dan fwila lɛ fɛfaana. Yé ka dan a gi dɔɔ lɛ léé, maa Gakelebale ɛ fe.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Daniɛl 11:4

A kɛlɛle blɛn zuo, alé plale mi nwiin é dan sɛrɛ lɛ, yé a gi é dan bɔi lɛ lagi fu ziɛn vazia. É ’ka dan kɛlɛ lɛ a kulunu zé nya lo, yé alé plɛplɛ ta é dan zana lɛ. Naa, wo dan a kini lɛ ékema, yé é dan kɛlɛ lɛ mi bɛnu zé nya.

Amɔs 9:9

Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Zakari 1:16

Bɛwemalé Gakelebale léma: Maa dan da lɛ Jérusalɛm va nyanai zénle nya; maa dan anlé kɔn dɔ lɛ ’bɛna é ziin, yé wo dan kɔnbale pla lɛ Jérusalɛm.

Zakari 2:7

Siɔn munu, ’kaa lé ka nyanaan Babilɔn munu va, ’ka vɔ flii.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Maak 13:27

Yé maa dan anlé lanjenu nwunvɔ lɛ yé munu lé maa wo si a va anzé nya, maa dan wo si lɛ tɛrɛsun ziɛn ta, é sia tɛrɛ glɛ sina fɔɔ yé é bɔ la glɛ sina yé maa wo zén ékeva.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

Wegɔɔnle 18:4

Maa dére do ’ma la gi é ziin yé é léé: Anlé munu, ’ka si fla ’ko la, dé ka da pa a va alé wenyané kɛlɛle gi, yé bawurumagyɛ lé é dan a gyɛ lɛ bɛ, dé é da vɔ ka ma.

RUT (Ruth) 4:1

Boaz go flagɔrɔ ’léé yé é nyana. Yé bé ye, mi lé mi tabose ke a lɛ, ’té Boaz alé we fe bɛ, é a giéna. Boaz lé a lɛ léé: ’I da, ’i nyana.