Zakari 2:5 - Kazambale lé Sebe Sauunu 1979

⁵ yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 2:5 ပူးပေါင်းရင်းမြစ်များ

Lɛrɛvɔ Sɛbɛ 125:2

Fɛan zo lé gɔblɛnnu Jérusalɛm zi lɛ sɔɔ, A zo duo lé Gakelebale élé munu zi lɛ sɔɔan, Bléyi ’ko va fɔɔ lɛɛfaama, a glɛ ’ka lo.

Lɛrɛvɔ Sɛbɛ 3:3

Mi kiɛre a fena anlé we ma léé: Bale ’ka dan bɔ lɛ a va é dɛrɛ lo. Ka ye do.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Lɛrɛvɔ Sɛbɛ 48:12

Siɔn gɔblɛn tamunu gi éé nanaan, Juda lé tɛrɛla blɛnnu gi éé nanaan é baba, Ilé weblelenu lé we ma.

Lɛrɛvɔ Sɛbɛ 48:3

Gɔ ’ko a é nɔnɔmi, éé tɛrɛlamunu faa gi nanaan, Siɔn gɔblɛn lé. A san do lé é ke yirinwana bɛbolazia, minwiinzan blɛn lé fla a ’bɛna.

Lɛrɛvɔ Sɛbɛ 85:9

Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 31:9

Di kinile wo gi lé we ma lé wo dan si lɛ wolé guliyɔɔkɔn plɛplɛ gi, yé wo nwiinzannu ma é dan nyɔɔn lɛ yé wo dan sɔn vɔ lɛ wolé drapo ma. Gakelebale lé alé kyɛ ke Siɔn yé alé ’furu a Jérusalɛm, yee ɛ fe.

Ézai 32:18

Anlé munu é dan nyana lɛ fɛna drɔɔ na, wo dan nyana lɛ kɔnnu lé wo ’ka ’wiié lo, wo gi, wo dan nyana lɛ fɛna drɔɔ na.

Ézai 33:21

’Bɛna lé Gakelebale givuruwe blɛnnu kɛlɛ ko lɛ weboen nya; ’bɛna lé é kɛlɛ ko lɛ bélé yuu blɛnnu zo, bélé ’yi laala blɛn zo. ’Yitagoro lé wa vɔa payili nya, é ’ka dan bɔ lɛ ’bɛna lo; ’yitagoro blɛn ’ka dan bɔ lɛ ’bɛna lo.

Ézai 4:5

Gakelebale é dan lati valé kyɛgoi dɔ lɛ é yiéyi, yé é dan kyɛnɛnɛ blɛɛnnu dɔ lɛ é béli Siɔn gɔ faa nwiin valé alé munu zénna ékeva na; Gakelebale lé fuasan é dan kɛlɛ lɛ fɛ faa nwiin bélé sɔban valé sɔkɔn zo

Jérémi 31:39

A glɛ é dan gié lɛ fɔɔ yé é bɔ Garɛb gɔpané ma, yé ’bɛ zuo é dan plin lɛ Goat san bɛ do la.

Ézékiɛl 38:14

Bɛwemalé, blami be, ’i balelawe fe. Bé fe Gɔg lɛ léma: Mizan Gakelebale léma: Iin, yian nya lé anlé munu Izraɛl é dan nyana lɛ woboma duaa, i dan ’bɛ gi dɔɔ lɛ.

Ézékiɛl 42:20

Gɔrɔguru lé é kɔn ’ko zi lɛ sɔɔ, é a dan é bɛ ziɛn la; a zuo torole kɛlɛ fɛdanmayili nya wuru fié yɔ soru, yé a laala kɛlɛ fɛdanmayili nya wuru fié yɔ soru; gɔrɔguru ’ko a fɛna ’lɛzan valé fɛna pla glɛ nya.

Ézékiɛl 47:3

Bléyian va lé mi ’ko bié yirinwanazia, ’té bawɔrɔ do a a lee; yé é ’yi dan é yoro zuozia; dé é bɔ mɛtrɛ wuru fié yɔ soru, yé é ’yi ’ko kini an nya, yé ’bɛna ’yi bɔ an gane seené ma.

Zakari 1:16

Bɛwemalé Gakelebale léma: Maa dan da lɛ Jérusalɛm va nyanai zénle nya; maa dan anlé kɔn dɔ lɛ ’bɛna é ziin, yé wo dan kɔnbale pla lɛ Jérusalɛm.

Zakari 2:10

Siɔn munu, ka gi ’é nana, yé ’ka siaa ginanale nya. Naa, ka ye, maa da yé maa dan nyana lɛ ka méléna. A zo lé Gakelebale a fe.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Zakari 9:8

Maa dan dɔ lɛ anlé kɔn zi, a takuunle sunya palunu lee we gi, é valé munu lé woo goo, ’té woo dan bɛ, wo lee, yé yaamitazan ’ka dan gié lɛ wo sɔnɔ é dɛrɛ lo; naa, sin, an yuɛnu a é pale a ta, azama.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.