Zakari 2:13 - Kazambale lé Sebe Sauunu 1979

¹³ Munu faa ’é tadɔ Gakelebale ’lɛ ma. Naa, é nwa ’é nyanana sauun na, azama.

Zakari 2:13 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:27

Balebanzannu valé Lévinu nwa yé wo munu drɔɔ vo; wo wo dére ’ma, yé wolé bazoro dére bɔ fɔɔ la gi Gakelebale nyanana sauunna.

Lɛrɛvɔ Sɛbɛ 11:4

Gakelebale a é bankɔn sauun gi, Gakelebale lé webleblin a la gi; A yuɛ éé blaminu naginian, ’Té a yuɛlakɔné éé wo gi daan.

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Lɛrɛvɔ Sɛbɛ 78:65

Mizan nwa bélé yigyɛzan vuole zo, É nwa bélé nyanazan lé nwɛ a gyɛ, a zo.

Ézai 14:2

Bɛn bɛ gi munu é dan Izraɛl si lɛ yé wo go wo nya Izraɛl lé tɛrɛ la, yé munu lé ’bɛnu da wo nya bɛ, ’bɛnu é dan kɛlɛ lɛ Izraɛlnu leegɔnénu valé wo leelomu nya, Gakelebale lé tɛrɛ la. Munu lé wo kɛlɛ ’bɛnu lé luu nya, ’bɛnu é dan kɛlɛ lɛ woé luu nya, yé wo dan pla lɛ yaawotazannu nwiin.

Ézai 19:16

’Bɛ yi la, Éjipiti munu é dan kɛlɛ lɛ bélé lomu zo. Dé wa ye léé, lai sunyanu lé Gakelebale nwa ’wo ma yé wa ye we kɛlɛna, wo ma é dan nyɔɔn lɛ, yé kana é dan zén lɛ wo gi.

Ézai 41:1

’Kaa ’yiworona tɛrɛ lamunu, ’ka tadɔ yé ’ka tɔné dɔ an lɛ. Munu bli ta ’é dɔ plɛplɛ ma; ’Wo bié, ’wo we fe ma. Kaa zén ékeva, kaa we ble.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Ézai 63:15

Bii lé i ke lagi mi, ’té i nyanana ke sauun, ’té a tɔ ke é bɔle, bé nagini; i fuu dɔle i ta valé ilé plɛplɛ a kyɛɛn? I bli éé kɔɔan i gi fɛan zo, ’té i nyanai éé zén‐é an ta é vinin bɛ, é ’ka ’bɛ zo an vazia é dɛrɛ lo.

Jérémi 25:30

Yé bii Jérémi, i dan we ’konu faa fe lɛ wo lɛ balelawefele nya; bé fe wo lɛ léma: Gakelebale é dan siaa lɛ la gi plɛplɛ, É dan siaa lɛ é nyanana sauun na, yé a dére zuogi é go wele nya; É dan siaa lɛ plɛplɛ é nyanana ma, É dan siaa lɛ tɛrɛlamunu faa ta, Bélé munu lé woo dɔrɔ zɔn‐o wo gane nya, wo zo.

Abaku 2:20

Gakelebale a élé kɔn sauun gi; tɛrɛ faa ’é tadɔ a ’lɛ ma.

Sofoni 1:7

’Ka tadɔ Mizan Gakelebale ’lɛ; naa, Gakelebale lé yi bɔ é pu, naa, Gakelebale élé saraka ma’lɛrɛ, élé sarakabofɛ blezannu si a va é kyɛn.

Sofoni 2:9

Lai sunyanu lé Gakelebale, Izraɛl lé Bale léma: Maa a é yuɛma. Moab é dan kɛlɛ lɛ bélé Sɔdɔm zo, yé Amɔn é dan kɛlɛ lɛ bélé Gɔmɔɔ zo. Lélinu é dan tuu lɛ wona, yé wo dan vo lɛ wɛtɛrɛ valé nyéné saa nya yifaama. Anlé munu pɔnénu é dan ’wii lɛ wo ta, yé anlé bɛngɔnɔ pɔnénu é dan wo si lɛ ’wozé nya.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Zakari 4:9

Zorobabɛl kɔn ’ko gane vɔ yé é dan a béli vɔ lɛ, yé i dan a gi dɔɔ lɛ léé, lai sunyanu lé Gakelebale ɛ an pa zia ka va.

Zakari 6:15

Munu lé wo ke baa, wo dan da lɛ yé wo dan nyanama pa lɛ Gakelebale lé kɔn gi; yé ka dan a gi dɔɔ lɛ léé, lai sunyanu lé Gakelebale an pa zia ka va. Dé ka tɔné dɔ Gakelebale, kalé Bale dére lɛ, we ’ko é dan kɛlɛ lɛ.

Rom munu 3:19

Ko a gi dɔɔ léé, we faa lé bélidɔwe ke a fena, é a fena munu lé wo ke bélidɔwe la, wo lɛ, mi faa ’léé lɛ tanle we gi yé munu faa ’é kɛlɛ wegyɛmunu nya Kazambale yuɛ gi.

Rom munu 9:20

Gba, bii blami, de ɛ ke bii nya za vɔna Kazambale vaa? Bɔ a fé é dɔzan lɛ léé: Mɛwemalé i an dɔ ’ko zoo?

Bélidɔwesɛbɛ Fiézan 18:21

Dé ka fe ka bli gi léé, dé ’yee, Gakelebale, ’ka dérean fe lɛ lo, ko ’bɛ gi dɔɔan kaa? a gi lé ke ’ko:

Bélidɔwesɛbɛ Fiézan 18:22

We lé balelayezan a fe, dé é ’ka bɔ lɛ lo, dé a lɛ ’ka sɔɔ lɛ lo, ’bɛ gi léé, we ’ko, ’yee Gakelebale ’ka ’bɛ fe lɛ lo; ’té balelawe lé é a fe bɛ, ’té abo ’wuogiwe lé; té ka kana a lee lo. A zo lé Gakelebale a fe an lɛ yi la koo.

Bélidɔwesɛbɛ Fiézan 26:15

Bii lé i ke la gi i nyanana sauun na bɛ, bé nagini; ’ilé munu Izraɛl drɔɔ vo, tɛrɛ lé bé nɔ ko lɛ, ibo ’nyɔɔn ko tranu lɛ fɛan zo, a zo, tɛrɛ nyɔnɔzan ’ko, bé drɔɔ vo ma.