Zakari 2:12 - Kazambale lé Sebe Sauunu 1979

¹² Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

Zakari 2:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:6

naa, maa Jérusalɛm si a va léé, an tɔ ’é kɛlɛ ana, yé an David si a va léé, ’é pla anlé munu Izraɛl nwiin.

Esitɛɛ 6:13

We faa lé é bɔ Aman ma, é a zuo fe é na Zérɛs valé é béénu faa lɛ. Yé alé wedɔɔzannu valé a na Zérɛs lé a lɛ léé: Maadosé lé i tɔ ta kun zanale ma a ’lɛ, dé ’bɛ a Juifi mi nya, ’té i ’ka bɔa we do kɛlɛle lɛ a lɛ lo. Naa, i tɔ ta é dan zana lɛ taawo.

Lɛrɛvɔ Sɛbɛ 105:15

Yé é léé: Té ka bɛ mane munu lé an nyɔnɔ zén wo nwiin, wo ma lo, Té ka wenaané bɔ anlé balelayemunu ma lo.

Lɛrɛvɔ Sɛbɛ 132:13

Iin, Gakelebale Siɔn si ézé nya, É sɔ a lɛ léé, ’é kɛlɛ é nyanana nya.

Lɛrɛvɔ Sɛbɛ 132:14

Yee ɛ ke an flinna nya lɛɛfaama; Naa, an bli bɔ ana ma, amalé maa dan nyana lɛ ana.

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 33:12

Bɛn lé Gakelebale ke wolé Bale nya, wozé a néné. Migɔnɔ lé Bale wo si a va élé tɔnɔ nya, wozé a néné.

Lɛrɛvɔ Sɛbɛ 82:8

Baleoo, Bale, ’i nwa, ’i tɛrɛlamunu lé we ble. Naa, bɛnnu faa a izé nya.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 17:14

Dé nyanadi pa tɔɔn, wo guru zana a gi fiaa; dé tu ’ka tan kini lɛ lo, ’té wo fwi é kwakwa. Munu lé woo ’wiié ko ta, ’té woo fɛnu sié ko lee gla nya, wozé é dan kɛlɛ lɛ fɛan zo, yee lé ke bɛ.

Ézai 41:9

Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 51:19

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl lé ke alé tɔnɔ nya. A tɔ lé lai sunyanu lé Gakelebale.

Zakari 1:17

’I siaa é ziin léma: Lai sunyanu lé Gakelebale léma: Anlé flanu é dan fan lɛ fɛ zinnu nya é ziin; Gakelebale é dan Siɔn tɔrɔ paa lɛ é ziin, yé é dan Jérusalɛm si lɛ a va.

Zakari 3:2

Yé Gakelebale lé Satan lɛ léé: Satan, Gakelebale ’é i tadɔ ma. Gakelebale lé é Jérusalɛm si a va, ’é i tadɔ ma. Kyɛ péliné lé wa gana kyɛ va, yeean é ke bɛ loo?

Bélidɔwesɛbɛ Fiézan 32:10

Gakelebale Izraɛl ye bwi gi, Fɛana lé mi do kpen ’ka lo, ’té tɛrɛ éé siaan kanale nya, ana; É a pa, ’té é a a zi; É a takuun bélé é yuɛ zooné zo,

Bélidɔwesɛbɛ Fiézan 32:9

Naa, Gakelebale zé lé ke élé munu nya; Jakɔb ɛ ke azé tɔnɔ nya.