Zakari 2:11 - Kazambale lé Sebe Sauunu 1979

¹¹ Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 2:11 ပူးပေါင်းရင်းမြစ်များ

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Fwile 12:49

Flazan valé bɛn lé ke é nyanale ka va, wo fiénu lé bélidɔwe a do.

Ézai 45:14

Gakelebale léma: Éjipitinu lé fuafɛnu koo, Étiopi lé tɛrɛ tɔnɔ koo, Sabémunu lé ke grɔgrɔ bɛ, wozé koo, A faa é dan da lɛ i va, yé wa kɛlɛ izé nya; Munu ’konu, wo dan tawo lɛ ka zuo, Wo dan gié lɛ gɔgɔbale nya wo ma, Wo dan dia lɛ ’wo bli la ka ’lɛ, ’té woo ’wo ma dunnuan, léé, Ka do kpen va lé Bale ke, Dé é ’ka yee nya lo, Bale bɛ ’ka lo.

Ézai 48:16

’Ka bié an va, yé ’ka tɔné dɔ. É sia a pélisia bléyi va, maa ’ka we do kpen fe lɛ kyeen gi lo, We ’konu pélisiana, ’té maa ana. Yé sin, Mizan Gakelebale é maa valé é Léli nwunvɔ.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Ézai 52:11

’Ka gooo, ’ka go, ’ka si ana, Té ka mane fɛ tiridɔle do kpen ma lo. ’Ka si Babilɔn munu méléna. Ka lé ka Gakelebale lé bɔnu sié, ’Kabo kɛlɛ é zima.

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 50:8

’Ka fwi Babilɔn; ’ka si Kaldé tɛrɛ la yé ka kɛlɛ bélé ’blagɔnénu lé wo ke ’blanu ’lɛ, wo zo.

Ézékiɛl 33:33

Dé we ’konu bɔ bléyian va, — yé bé ye, wa bɔna, — wo dan a gi dɔɔ lɛ léé, balelayezan do ana yi la ’wo méléna.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Zakari 1:16

Bɛwemalé Gakelebale léma: Maa dan da lɛ Jérusalɛm va nyanai zénle nya; maa dan anlé kɔn dɔ lɛ ’bɛna é ziin, yé wo dan kɔnbale pla lɛ Jérusalɛm.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 3:10

Lai sunyanu lé Gakelebale léma: ’Bɛ yi la, ka faa do do ka dan ka bɔlunu laa lɛ, ’té ka a é nyanale kalé dɔrɔyili valé bɔrɔyilinu wuo.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:23

’té maa a wo gi, ’té bii a an gi, wo kɛlɛle tegele mi do nya we gi, yé tɛrɛlamunu a gi dɔɔ léé, bii ɛ an pa zia yé wa dɔɔ é ziin léé, wo sɔ i lɛ, bélé an sɔ i lɛ fɛan zo a zo.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

Kelewenu 28:28

Kazambale lé mi sile we gi ’ko, wa we pa bɛn bɛnu ɛ lɛ zia, yé wo dan a ’ma lɛ. ’Ka we ’ko gi dɔɔ ma.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.