Zakari 13:9 - Kazambale lé Sebe Sauunu 1979

⁹ Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Zakari 13:9 ပူးပေါင်းရင်းမြစ်များ

2 Samuɛl 7:24

Yé i ilé munu Izraɛl dɔ gligli wo kɛlɛle ilé munu nya lɛɛfaama we ma; yé bii, oo Gakelebale, bii kinin wolé Bale nya.

JOB (Job) 23:10

Duowo, dé maa a tawona zi‐an ta, é a dɔɔ; Yé dé é an gi dan kɔɔn, é dan an ye lɛ tegele bélé kyan zo.

JOB (Job) 28:1

Woo gɔɔlifu sié é kulina, Yé woo kyan sié é kulina a selele we ma;

Lɛrɛvɔ Sɛbɛ 144:15

Munu lé wolé we ke ’bɛ zo, wozé a néné. Munu lé wozé Bale ke Gakelebale nya, wozé a néné.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Wegɔné Ma Lɛrɛ 2:16

An sɔlɛzan a anzé nya, yé maa a yee ɛzé nya; Élé trubɛ blena kɛla bolu lé goonu méléna.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 48:10

Maa ka pa fɛseleégibɔ gi bélé gɔɔlifu zo; Maa ka gi dan ’furu kyɛ lé ke we tɔntɔn nya, a va.

Ézai 58:9

Yé i dan Gakelebale laa lɛ, yé é dan we lɛ; i dan siaa lɛ yé é dan a fe lɛ léé: Maa lo. Dé i daan yaale ma mi ta, dé i daan bon‐ɛnle ma mi nya, é valé mi sɔnɔdérenu fele ma,

Jérémi 24:5

Gakelebale Izraɛlnu lé Bale léma: Fɛan zo lé bé ye léé, bɔrɔyiliporo kenu a é zima, a zo léé, Juda munu lé maa wo nwa ’ko yé wo go wo nya luu gi Kaldé tɛrɛ la, wa é zima, yé maa dan wezin kɛlɛ lɛ wo lɛ.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Jérémi 9:6

I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 14:11

léé, té Izraɛl munu é si an ma baa é dɛrɛ lo we ma, yé té wo ’wobo tiri dɔ Bale sɔnné faa sɛrɛle nya é dɛrɛ lo we ma. ’Bɛna lé wo dan kɛlɛ lɛ anlé munu nya, yé maa dan kɛlɛ lɛ wolé Bale nya. A zo lé Mizan Gakelebale a fe.

Ézékiɛl 20:38

Tɔnégiplɛplɛzannu valé munu lé woo nwaan an ma, maa dan wo si lɛ ka va. Tɛrɛ lé wo ke a ta bɛnnu nya, maa dan wo si lɛ ’bɛna. Naa, wo ’ka dan go lɛ Izraɛl tɛrɛ la lo. Yé ka dan a gi dɔɔ lɛ léé, maa ɛ ke Gakelebale nya.

Ézékiɛl 36:28

Tɛrɛ lé maa a nɔ ka tranu lɛ, ka dan nyana lɛ a ta; ka dan kɛlɛ lɛ anlé munu nya, yé maa dan kɛlɛ lɛ kalé Bale nya.

Ézékiɛl 37:27

An nyanana é dan kɛlɛ lɛ wo va. Maa dan kɛlɛ lɛ wolé Bale nya yé wo dan kɛlɛ lɛ anlé munu nya.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 12:10

Mi kiɛre é dan kɛlɛ lɛ sauun, yé wo gi é bɔ, yé wo kɛlɛ wéiin. Weplekɛlɛmunu é dan wenaané kɛlɛ lɛ, yé wenyané kɛlɛmunu va mi do kpen ’ka dan we ’ma lɛ lo. Naa, munu lé wo ’wuo ke wo ta, wo dan we ’ma lɛ.

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Lévinu 26:12

Maa dan tawo lɛ ka va, yé maa dan kɛlɛ lɛ kalé Bale nya, yé ka dan kɛlɛ lɛ anlé munu nya.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Kelewenu 2:21

Yé dé miomian Mizan tɔ laa, é dan béli lɛ.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

1 Piɛri 4:12

’Kaa lé ka sɔ an lɛ, té ka gi é vuru ka gidanwe lé é ke ka ma tɔntɔn bélé vɔnɔ zo bɛ, a ma lo; ’bɛ ’ka mi givuruwe nya lo.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.

Wegɔɔnle 8:10

Lanje yaazan béli fɛn, yé monéné blɛn lé éé bié bélé sona zo, é si la gi yé dé yuu a yaa tɛrɛan ta éé diaan a do ta yé a fié é voo, yé yee monéné dia é ziin ’yibɔnanu ta.

Wegɔɔnle 8:11

Wo monéné ’ko tɔ laama Abisɛnt. ’Yi yaazan nɔla abisɛnt nya, yé ’yi vo bélé ziri zo, amalé ’yi munu gyɛ.

Wegɔɔnle 8:12

Lanje ziɛnzan béli fɛn yé é yiri fén yaazan diri yé é moné fén yaazan diri, yé é monéné yaa yaa va monéné do do diri, yé fɛna fu ta yuo vɔ sɛ, yé béli gunu taa dɔra.

Wegɔɔnle 8:7

A vininzan béli fɛn, yé goowɔlɛlɛɛ valé kyɛ lé ke é vɔɔle nyɛ nya, wo wo vuli tɛrɛ va; yé tɛrɛ fén yaazan kyɛ ble, yé tɛrɛ faa la, yili yaa yaa va, yili do do kyɛ ble, yé lu drɔɔdrɔɔ faa kyɛ ble.

Wegɔɔnle 8:8

Lanje fiézan béli fɛn, yé fɛ do lé é ke bélé gɔ blɛn zo, ’té kyɛ a zi lɛ sɔɔ, wa vuli wɛyi va. Yé wɛyi fén yaazan kinin nyɛ nya,

Wegɔɔnle 8:9

yé dé ’yi wuo fɛ yuɛmalenu a yaa, a do é gaan yé a fié é voo. Yé dé ’yitagoro a yaa fɛofɛana, a do é sɛra, yé a fié é voo.