Zakari 13:7 - Kazambale lé Sebe Sauunu 1979

⁷ Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Zakari 13:7 ပူးပေါင်းရင်းမြစ်များ

Lɛrɛvɔ Sɛbɛ 2:2

Mɛmalé tɛrɛ la minwiinzan blɛnnu éé nwaan ’Té mi blɛnnu woo péli vɔa wo va do Gakelebale valé élé nyɔnɔzénnwiinzan maa?

Ézai 1:25

An dan fɛ duun lɛ i lɛ; an dan ilé gɔɔlifu bo ’yibo lɛ bélé gwɛn lé wa zén a va. An dan lɛe wɔlɛnu si lɛ a ma.

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 47:6

Gakelebale lé gwɔun, i dan flin lɛ mɛ bléyi vaa? ’I wɔra i kɔlɛ gi é ziin, Yé ’i vo ana drɔɔ.

Ézékiɛl 21:28

Wolé bale ’nyɔɔnle é ke lɛ we ma, é dɔ wo gi léé, ’monédɔdére a é pla. Naa, wolé weple sele éé dɔa minwiinzan blɛn gi, amalé é dan wo kun lɛ.

Ézékiɛl 21:3

Bé fe yirinwana bɛyilazia pɔrɔ lɛ léma: ’I tɔné dɔ Gakelebale dére lɛ. Mizan Gakelebale léma: Maa dan i kyɛ vɔ lɛ yé yili drɔɔdrɔɔnu faa valé yili galenu faa, yee kyɛ ’ko é dan wo ble lɛ. Kyɛnɛnɛ blɛn ’ko ’ka dan diri lɛ pelo, yé fɛnu faa lé wo ke tɛrɛ yuɛ la é dan wo ble lɛ, é sia yirinwana bɛyilazia fɔɔ yé é bɔ yirinwana bɛbolazia.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Ézékiɛl 7:6

A nyaana looo, a nyaana lo. É bɔ i ma, bé ye, é a dana.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Zakari 11:11

Maa ’bɛ sɛrɛ ’bɛ yi la, yé nyanaizénla ’blanu lé wo yuɛ vo an va bɛ, wa gi dɔɔ ’bɛ zo léé, Gakelebale dére lé.

Zakari 11:4

Gakelebale, anlé Bale léma: ’Blanu lé wo dan wo gyɛ lɛ, ’ka fɛ nɔ wo lɛ.

Zakari 11:7

’Blanu lé wo dan wo gyɛ lɛ bɛ, an kun fɛ nɔle ma wo lɛ; weboen lé, wa nyanaizénla ’blanu nya ’blanu va. Maa ’blatabinyili fié si, yé maa a do tɔ pa, zin, yé maa a do tɔ pa, nanale. Yé maa vo ’blanu pana.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 10:42

Yé dé miomian ’yi drɔɔ kanané do nɔ mi kiénénu ’ko va mi do lɛ é pla, a kɛlɛle an zuozan nya we ma, ’bɛzan é dan a ma gooli ye lɛ kpɔ. É ’ka dan vuru lɛ a ma lo. Maa fe ka lɛ.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 18:10

’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 18:14

A zo duo léé, ka Ti lé é ke la gi, é ’ka alé blibɔmawe nya léé, nunukénénénu va né do kpen ’é san lo.

Matio 26:31

Yé Jézu lé wo lɛ léé: Anlé we é dan ka faa kele lɛ é béli ’ko; naa, é a é gyɛle Kazambale lé sɛbɛ gi léé: Maa dan ’blatabinzan gyɛ lɛ yé alé ’bla trubɛnu é dan fwila lɛ.

Matio 26:56

Naa, we ’konu faa bɔ, we lé balelayemunu a gyɛ Kazambale lé sɛbɛ gi, a lɛsɔɔle we ma. ’Bɛ zuo Jézu zuomunu si ’é zi vlan nya.

Maak 14:27

Jézu lé wo lɛ léma: Anlé we é dan ka faa kele lɛ. Naa, wa gyɛ Kazambale lé sɛbɛ gi léé: An dan ’blatabinzan gyɛ lɛ, yé ’blanu é dan fwila lɛ.

Maak 14:50

Yé Jézu zuomunu faa si é zi, yé wo fwila.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LÉ LUK A GYE (Évangile selon Luc) 17:2

Dé wo fɛzɔngɔlɛ yere ’bɛzan bɔrɔ ma yé wa vuli wɛyi va, ’bɛ fila vɔ é mini né kiénénu ’ko va né do ’wuo sɛrɛle ta.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

WENÉNÉ LE JAN A GYE (Évangile selon Jean) 10:38

Naa, dé maa wo paan, dé ka bli ’ka vo an lɛ lo, ka bli ’é vo yee nyanama ’konu lɛ, kalé a gi dɔɔle valé kalé a yele we gi léé, an Ti a an gi yé maa a an Ti gi.

WENÉNÉ LE JAN A GYE (Évangile selon Jean) 14:1

Té ka we do kpen gibɔrɔ pa lo. ’Ka bli vo Kazambale lɛ yé ’ka bli vo an lɛ é ziin ma.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 16:15

Fɛ faa lé é ke an Ti lee, é a anzé nya, bɛwemalé maa léé, we lé é dan a fe lɛ ka lɛ, anlé we lé.

WENÉNÉ LE JAN A GYE (Évangile selon Jean) 16:32

Ka ye, a bléyi é dan bɔ lɛ yé é bɔ tɛkɛ, yé ka dan fwila lɛ yé ka faa é go kalé fɛna do do, yé ka an vo an do; naa, an Ti a an va, amalé maa ’ka an do lo.

WENÉNÉ LE JAN A GYE (Évangile selon Jean) 5:23

léé, fɛan zo lé woo an Ti tɔ bɔa, wo maa, a Be, tɔ bɔ a zo. Mi lé é ’ka maa Bale Be tɔ bɔa lo, an Ti lé é an pa zia, é ’ka ’bɛ tɔ bɔa lo.

WENÉNÉ LE JAN A GYE (Évangile selon Jean) 8:58

Jézu lé wo lɛ léé: Maa fe ka lɛ kyɔ webozen nya, bléyian va lé Abraam ’ka lo, ’té maa ana.

Kelewenu 2:23

we lé Bale a kɛlɛ é kyɛn, é valé ébo dɔɔwe yɛrama lé wo Jézu ’ko pa ka lee, yé ka a nɔ mi nyanénu lɛ léé, ’wa blin yili la.

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Filip munu 2:6

É ’ka ’yee valé Bale bɔle ékema ye lɛ é blibɔmawe nya lo, dɔlé ’té yee ɛ ke Kazambale dɔbɛ gi a pélisia bléyi va.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.