Zakari 13:3 - Kazambale lé Sebe Sauunu 1979

³ Dé mi do a a va léé, ’é balelawe fe é ziin, a yaati valé a yaabu é dan a fe lɛ a lɛ léé: I vié wo Gakelebale tɔ gi, amalé é ’ka lé i vo é yuɛma lo. Dé é balelawe fe, a yaati valé a yaabu é dan a gyɛ lɛ.

Zakari 13:3 ပူးပေါင်းရင်းမြစ်များ

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 23:34

Yé dé balelayezan léé, dé Balebanzan léé, dé munu ’ko va mi do léé, dé é a fe léé, Gakelebale éé we vɔa lou mi lɛ, maa dan we lɛdɔ lɛ ’bɛzan gi, yee valé élé munu nya.

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Ézékiɛl 13:23

Bɛwemalé ka ’ka dan boayuɛziwenu ye lɛ é dɛrɛ lo, yé ka ’ka dan balelawe fe lɛ é dɛrɛ lo. Maa dan anlé munu si lɛ ka lee, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 14:9

Dé balelayezan a nyi si léé, é saanwe fé, ’té maa Gakelebale ɛ yee balelayezan saan. Maa dan an bɛ kɛlɛ lɛ a ma, yé maa dan a sɛrɛ lɛ tata anlé munu Izraɛl méléna.

Ézékiɛl 43:7

Yé é lé an lɛ léma: Blami be, fɛkona lé anlé fuablin ke, yé fɛkona lé maa an gane dɔraan. Ana duo lé maa dan nyana lɛ Izraɛl munu méléna lɛɛfaama, ’bɛ glɛ ’ka lo. Izraɛl munu valé ’wo nwiinzannu ’ka dan an tɔ bɔle sɛrɛ lɛ wolé miyilinu bɔle valé ’wo nwiinzan blɛnnu galenu zanale nya wolé gɔ nwiin yobannanu na lo.

Matio 10:37

Mi lé é ti valé é bu we minié an ta, a yara ’ka lé, ’é kɛlɛ anzé nya lo; yé mi lé é be valé é lu we minié an ta, a yara ’ka lé, ’é kɛlɛ anzé nya lo;

WENÉNÉ LÉ LUK A GYE (Évangile selon Luc) 14:26

Dé mian da an va yé a ti koo, a bu koo, a na koo, alé nénu koo, a bwenu valé a burunu koo, abozen lé tɛrɛla koo é ziin, dé wo za ’ka a gi lo, é ’ka bɔa kɛlɛle lɛ an zuozan nya lo.

2 Korɛnt Munu 5:16

Bɛwemalé, é sia bléyi ’ko va, ko ’ka mi do kpen dɔɔa mi nya tɛrɛlamunu lé midɔɔbɛ nya lo, yé dé ko Krist dɔɔ tɛrɛlamunu lé midɔɔbɛ nya é kyɛn, lao ko ’ka a dɔɔa é dɛrɛ ’bɛ bɛ gi lo.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Bélidɔwesɛbɛ Fiézan 33:9

Lévi lé ’é ti valé ’é bu lé we ma léé, É ’ka wo ye lɛ lo. É ’ka ’é bwenu ma kunna yé lo, É ’ka ’élé nénu dɔɔa lo. Naa, woo i dére lɛdɔama, Yé woo tawoo ilé gipawe ta.