Zakari 13:2 - Kazambale lé Sebe Sauunu 1979

² Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Zakari 13:2 ပူးပေါင်းရင်းမြစ်များ

1 Minwiinzannu 22:22

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

Lɛrɛvɔ Sɛbɛ 16:4

Wo miyilinu kɛlɛ di, yé woo vlanburuwo bale bɛnu zuo; Nyɛ lé wa zanaan yobanfɛ nya, maa ’ka ’bɛ zanaan lo. Maa wo tɔ fé an lɔlu nyaa? Pelo!

Fwile 22:13

Dé wi ma mian yé é tuo, é dan a nagɔɔn lɛ wenayefɛ nya, yé é ’ka dan a ma mianle banwo lɛ lo.

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Ézai 2:18

Miyilinu faa ta é dan saan lɛ.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Ézékiɛl 12:24

Yé yuɛziwenu lé wo ke é pla, wo valé dabliwenu, wo ’ka dan kɛlɛ lɛ Izraɛl munu méléna é ziin lo.

Ézékiɛl 13:23

Bɛwemalé ka ’ka dan boayuɛziwenu ye lɛ é dɛrɛ lo, yé ka ’ka dan balelawe fe lɛ é dɛrɛ lo. Maa dan anlé munu si lɛ ka lee, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 14:9

Dé balelayezan a nyi si léé, é saanwe fé, ’té maa Gakelebale ɛ yee balelayezan saan. Maa dan an bɛ kɛlɛ lɛ a ma, yé maa dan a sɛrɛ lɛ tata anlé munu Izraɛl méléna.

Ézékiɛl 30:13

Mizan Gakelebale léma: Maa dan miyilinu sɛrɛ lɛ tata yé maa dan Nofa lé yonu si lɛ ana. Éjipiti munu nwiinzan ’ka dan kɛlɛ lɛ é dɛrɛ lo yé maa dan kana blɛn zén lɛ Éjipiti tɛrɛlamunu gi.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Ézékiɛl 36:29

Maa dan ka tiridɔwenu faa si lɛ ka lee. Maa dan ’sa laa lɛ ka lɛ yé maa dan a fan lɛ kiɛre. Maa ’ka dan lɔrɔ dɔ lɛ ka va é dɛrɛ lo.

Ézékiɛl 37:23

Wo ’ka dan wobo tiri dɔ lɛ wolé miyilinu koo, wolé bozowenu koo, wolé bélidɔwe sɛrɛlenu koo, wo nya é dɛrɛ lo. Fɛ faa lé wo nyana ana yé wo wenyané kɛlɛ, maa dan wo si lɛ ana yé maa wo kɛlɛ tegele. Wo dan kɛlɛ lɛ anlé munu nya, yé an dan kɛlɛ lɛ wolé Bale nya.

Ézékiɛl 43:7

Yé é lé an lɛ léma: Blami be, fɛkona lé anlé fuablin ke, yé fɛkona lé maa an gane dɔraan. Ana duo lé maa dan nyana lɛ Izraɛl munu méléna lɛɛfaama, ’bɛ glɛ ’ka lo. Izraɛl munu valé ’wo nwiinzannu ’ka dan an tɔ bɔle sɛrɛ lɛ wolé miyilinu bɔle valé ’wo nwiinzan blɛnnu galenu zanale nya wolé gɔ nwiin yobannanu na lo.

Ézékiɛl 6:6

Fɛ faa lé ka nyanaan ana, ana flanu é dan kɛlɛ lɛ é ’bin nya, yé kalé gɔ nwiin yobannanu guru é dan zana lɛ a gi, yé ka dan daan lɛ kalé yobannanu ma yé ka wo vo; wo dan kalé miyilinu yéli lɛ yé wo ta é dan saan lɛ. Yé kalé miyilinu lé ka a dɔ yiri zé nya bɛ, wo dan wo sɛrɛ lɛ, yé ka bɛ panyanamanu é dan sɛrɛ lɛ tata.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

OZÉ (Osée) 2:17

’Bɛna lé maa dan alé dɔrɔféinu nɔ lɛ a lɛ, yé maa dan Akɔɔ pɛnguru gi nɔ lɛ a lɛ léé, sin, zi a a lɛ, yé ’bɛna lé é dan lɛrɛ vɔ lɛ bélé a boroné la bléyi va zé zo, bélé a sile Éjipiti tɛrɛ la bléyi va zé zo.

OZÉ (Osée) 2:19

Maa dan Baalnu tɔ si lɛ i ’léé, yé i ’ka dan wo tɔ bɔra lɛ é dɛrɛ i ’léé lo.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Matio 12:43

Dé yo tiridɔle si mi gi, éé goo flinna gini lɛ fɛna galenu na, yé é ’ka a yé lo.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

WENÉNÉ LÉ LUK A GYE (Évangile selon Luc) 11:20

Naa, dé Kazambale bɛnwɔlɛ nya lé maa yonu sié munu gi, ’té Kazambale lé plale mi nwiin da ka va.

Bélidɔwesɛbɛ Fiézan 12:3

Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Jozué 23:7

Bɛn ’konu lé wo vo ka méléna, té ka vɔɔ wo nya lo, té ka wolé balenu tɔ fe lo, yé té ka bale ’nyɔɔn wolé balenu tɔ nya lo, té ka wo bɔ lo, yé té ka dia wo ’lɛ lo.

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.