Zakari 12:4 - Kazambale lé Sebe Sauunu 1979

⁴ Gakelebale léma: ’Bɛ yi la, maa dan wisoonu faa gi blin lɛ ’wo ma, yé maa dan wo tazannu yuɛi nɔɔ lɛ. Naa, dé maa a migɔnɔnu lé wisoonu faa yuɛ ’wiina, maa dan an yuɛ pa lɛ Juda munu ta.

Zakari 12:4 ပူးပေါင်းရင်းမြစ်များ

1 Minwiinzannu 8:29

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

2 Minwiinzannu 6:14

Wisoonu koo, goronu koo, sunyanu kiɛre koo, é wo nwunvɔ yé wo bɔ fla é béli yé wo fla zi lɛ sɔɔ.

2 Minwiinzannu 6:18

Sirimunu da Élizé vazia. Yé é bazoro Gakelebale lɛ léé: Ilé zanté, ’i munu ’ko yuɛ ’wii. Yé Gakelebale wo yuɛ ’wii, Élizé dére yɛrama.

2 Minwiinmunu lé Wezuofe Sɛbɛ 6:20

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

2 Minwiinmunu lé Wezuofe Sɛbɛ 6:40

Sin, anzé Baleoo Bale, i yuɛnu ’é vo é fuole yé ’i tɔné dɔ ba lé wa zoro fɛkona, a lɛ.

2 Minwiinmunu lé Wezuofe Sɛbɛ 7:15

Sin, an yuɛ é dan vo lɛ é fuole, yé an dan an tɔné dɔ lɛ ba lé wa zoroan fɛkona, a lɛ.

Néémi 1:6

’i an ban i tɔné nya, yé i yuɛ é vo é fuole an lɛ. Ba lé i wuozan ke a zorona bléyi ’ko va, i wuozannu Izraɛl lé we ma bladi nyanadi, ’i tɔné dɔ a lɛ. An Izraɛlnu lé wenyané fé, wenyanénu lé ko kɛlɛ i ma, maa a wo fena. Naa, maa valé an ti lé kɔn gi munu, ko wenyané kɛlɛ.

Ézai 24:21

’Bɛ bléyi va Gakelebale é dan we lɛdɔ lɛ laworona sunyanu gi la gi, yé é dan we lɛdɔ lɛ tɛrɛla minwiinzannu gi tɛrɛ la.

Ézai 37:17

Gakelebale, ’i an ban i tɔné nya, yé ’i tɔné dɔ an lɛ. Gakelebale, ’i yuɛ fuo yé bé nagini. Sansérib lé é Rabasaké nwunvɔ Bale yuɛmale sɔnɔle we gi, bé dére faa ’ma ma.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Ézékiɛl 38:4

Maa dan i biéra lɛ, yé maa dan kɔ vɔ lɛ i puo gi. Maa dan bii valé ilé sunyanu faa bɔra lɛ a gi. Wa wisoonu valé wotazannu lé wo ke é ’lɛrɛle kaii, wo nya; wa mi gu blɛn lé botakuunfɛ kiéné valé a blɛnnu ke wo lee, ’té woo faa éé gwɔun li kɛla, wo nya.

Ézékiɛl 39:20

Ka dan kan lɛ wisoonu valé wotazannu wi nya; ka dan kan lɛ nyanazannu valé gulidanmunu faa wi nya. A zo lé Mizan Gakelebale a fe.

Daniɛl 9:18

Anzé Bale, ’i an ban i tɔné nya; ’i tɔné dɔ an lɛ; ’i yuɛ fuo yé ilé fla lé é vo é ’bin nya, bé nagini. Fla lé wo i tɔ laan ana, bé nagini. É ’ka lé ko a tegele amalé ko a zanté vɔna i lɛ lo; i nyanai zénle blɛn lé we ma lé ko a kɛlɛna.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Zakari 12:11

’Bɛ yi la, wo dan gyɛ bo lɛ kaii Jérusalɛm, bélé gyɛ lé wa bo Adadrimɔn, Mégidɔn gɔ worona, a zo.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

Zakari 12:5

Juda mi blɛnnu é dan fe lɛ ’wo bli gi léé: Jérusalɛm munu lé ke kolé plɛplɛ nya, lai sunyanu lé Gakelebale wolé Bale tɔ gi.

Zakari 12:6

’Bɛ yi la maa dan Juda mi blɛnnu kɛlɛ lɛ bélé kyɛ lé wa sɔn yili gale méléna, a zo, bélé sonakyɛ zo ’sanwunnu méléna. Wo dan ’wo zi munu faa ble lɛ, ’wo bɛyila valé ’wo bɛbola, yé Jérusalɛm é dan vo lɛ é pa gi.

Zakari 14:15

Wisoonu koo, mulɛnu koo, nyɔgɔménu koo, sokofalenu koo, wi faa lé wo ke wo nyanana bɛ, wo koo, bawurumagyɛ é dan wo gyɛ lɛ é ziin. Bawurumagyɛ ’ko a bélé a koɛ zo.

Zakari 9:8

Maa dan dɔ lɛ anlé kɔn zi, a takuunle sunya palunu lee we gi, é valé munu lé woo goo, ’té woo dan bɛ, wo lee, yé yaamitazan ’ka dan gié lɛ wo sɔnɔ é dɛrɛ lo; naa, sin, an yuɛnu a é pale a ta, azama.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Bélidɔwesɛbɛ Fiézan 28:28

Gakelebale é dan ka ’wuo sɛrɛ lɛ, yé é dan ka yuɛ ’wii lɛ yé é dan ka tavo lɛ;