Zakari 11:9 - Kazambale lé Sebe Sauunu 1979

⁹ Yé maa léé: Maa ’ka ka pana é dɛrɛ lo. Dé yee lé éé gaan, ’bɛ ’é ga ma; dé yee lé éé zamaga woo, ’bɛ a wo ma, yé wo lé wo vo, ’wo wo ke wi ble ma.

Zakari 11:9 ပူးပေါင်းရင်းမြစ်များ

Jérémi 19:9

Maa dan a kɛlɛ lɛ léé, wo ’wo benu valé ’wo lunu wi ble, yé wo saa é dan ’wo ke wi ble lɛ. Wolé kleblele valé wolé nyanéblele ’ko, é si wo nyanézannu valé munu lé é sɔ ’bɛnu lɛ léé, ’wo wo gyɛ, wo va.

Jérémi 23:33

Dé munu ’ko léé, dé balelayezan do léé, dé Balebanzan do léé, dé é a laa i lee léé, mɛ wevɔmilɛ dére lé Gakelebale a fee? ’I wevɔmilɛ dére ’ko fe wo lɛ léé: Gakelebale léma: Maa dan sɔn vɔ lɛ ka ma.

Jérémi 23:39

bɛwemalé, ka ye, an gi é dan san lɛ ka ma; an dan son vɔ lɛ ka valé fla lé maa a nɔ ka valé ka tranu lɛ, a ma. An dan ka bin lɛ an yara ma baa;

Jérémi 43:11

É dan da lɛ yé é dan Éjipiti munu bla lɛ; munu lé wozé ke ga nya, ’wo ga ma, munu lé wozé ke luubale nya, ’wo kɛlɛ luubale gi ma, yé munu lé wozé ke gwɔun nya, ’wo wo gyɛ gwɔun nya ma.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Zakari 13:8

Gakelebale léma: Ana tɛrɛ faa la, maa dan mi lɛ fié kulu ga lɛ yé wo dan zamaga wo lɛ, yé a lɛ do é dan vo lɛ.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 21:19

É bɔrɔyili ye zi ma yé é bié a ma, naa, a laa saa lé é a ye a nwiin, yé é lé a lɛ léé: Té i poro é baa é dɛrɛ monomono lo ma. Tɔɔn bɔrɔyili ga.

Matio 21:43

Amalé, maa lé ka lɛ léé: Kazambale é dan élé fuatɛrɛ si lɛ ka lee, yé é dan a nɔ lɛ bɛn bɛ lé, ’bɛ é dan a ma tɔnɔ nɔ lɛ a lɛ, ’bɛ lɛ.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

WENÉNÉ LE JAN A GYE (Évangile selon Jean) 8:21

Jézu lé é ziin wo lɛ léé: Maa a gona, yé ka dan an gini lɛ, yé ka dan ga lɛ kalé wenyané nya ka lee; yé fɛana lé maa ke gona, ka ’ka bɔa gole lɛ ana lo.

WENÉNÉ LE JAN A GYE (Évangile selon Jean) 8:24

Bɛwemalé maa lé ka lɛ léé, ka dan ga lɛ kalé wenyanénu nya ka lee. Naa, maa a mian nya, dé ka bli ’ka vo lɛ a lɛ léé, maa a ’bɛ nya lo, ka dan ga lɛ kalé wenyanénu nya ka lee.

Wegɔɔnle 22:11

Mi lé é ke mi ple nya, ’é vo élé weple gi; mi lé a tiri ke é dɔle, ’é vo é tiridɔle gi; mi tegele ’é vo élé we tegele kɛlɛna; mi lé é ke sauun ’é vo duowo sauun.