Zakari 11:6 - Kazambale lé Sebe Sauunu 1979

⁶ Gakelebale léma: An nyanai ’ka zén‐é é dɛrɛ tɛrɛ ’ko la munu ta lo. Ka ye, maa ɛ munu vɔa ékema, yé maa ɛ wo paan wo nwiinzan blɛn lee; wo dan ’wii lɛ tɛrɛ ’ko ta, yé maa ’ka dan a si lɛ wo lee lo.

Zakari 11:6 ပူးပေါင်းရင်းမြစ်များ

Lɛrɛvɔ Sɛbɛ 50:22

Kaan ka gi éé saan Bale ma, ’ka yuɛ pa kabo va ma; Dé an da ka wi kini ékema, ’té mi do ’ka ka sié an lee lo.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 3:5

Yaale mi ta é dan kɛlɛ lɛ munu méléna. Wo dan yaa lɛ wo ke ta, yé mi faa do do é dan yaa lɛ é bɔluzan ta. Pɛniɛ é dan guli vɔ lɛ mi segele lɛ, yé boazan é dan guli vɔ lɛ tɔzan lɛ.

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Jérémi Lé Wuvɔ Sɛbɛ 5:8

Luunu pla ko nwiin, Yé mi do ’ka ko sié wo lee lo.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

OZÉ (Osée) 1:6

É bɔn si é ziin, yé é né yaa le nya. Yé Gakelebale lé Ozé lɛ léé: Bé tɔ pa Lo‐Rusama; a gi léé, nyanai ’ka dan zén lɛ lo; naa, an nyanai ’ka dan zén lɛ Izraɛl munu ta é dɛrɛ lo, yé maa ’ka dan wo ma we vo lɛ é dɛrɛ lo.

OZÉ (Osée) 2:10

Yé é ’ka a gi dɔɔ lɛ léé, maa ɛ ’sa valé nwɛ dɛrɛ valé nyɔnɔ no é lɛ lo; yé gɔɔlifu valé kyan lé maa a nɔ a lɛ, é a kɛlɛ Baal banfɛ nya.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 6:14

Ka dan fɛ ble lɛ yé ka ’ka kaan lo, ’té lɔrɔ a ka ma duowo. Ka dan fɛ tadɔ lɛ yé é ’ka dan vo lɛ ana lo, yé fɛ lé é vo ana, maa dan ’bɛ nɔ lɛ gwɔun lɛ.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Zakari 11:14

’Bɛ zuo anlé ’blatabinyili fiézan lé maa a tɔ pa nanale bɛ, maa a yéli; ’bɛ gi léé, Juda valé Izraɛl sɛrɛ wo ke gi.

Zakari 11:5

Munu lé wo wo lɔ bɛ, wo ’ka wo vo lo, woo wo bɔrɔ boo. Wo dan?-?munu léma: Ko a fua blena, amalé ’wo Gakelebale drɔɔ vo ma. Yé wo pazannu ’ka wo soo we lee lo.

Zakari 11:9

Yé maa léé: Maa ’ka ka pana é dɛrɛ lo. Dé yee lé éé gaan, ’bɛ ’é ga ma; dé yee lé éé zamaga woo, ’bɛ a wo ma, yé wo lé wo vo, ’wo wo ke wi ble ma.

Zakari 14:13

’Bɛ yi la, Gakelebale é dan dikinimigiwe blɛn kɛlɛ lɛ wo va; a do é dan kun lɛ é bɔluzan bɛ ma, yé wo dan guli dan lɛ ’wo ke va.

Zakari 8:10

Kɔn gane vɔbléyi ’lɛ, ’té blami ’ka élé nyanama ma ban yé lo, yé nyanama pa winu zé ban ’ka lo; wo nyanézannu lé we ma, munu ’ka sié fla drɔɔ, ’té woo dan fla drɔɔ lo, yé an daan munu faa ma léé, ’wa kɛlɛ ’wo ke lɛ.

Malasi 4:6

Yé é dan né tinu bli nɔla lɛ ’wolé nénu vazia, yé é dan nénu bli nɔla lɛ ’wo tinu vazia, dé an da da yé an bale pa wolé tɛrɛ ma.

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.

Matio 24:10

É ziin, mi kiɛre é dan diéra lɛ, yé wo dan ’wo ke liwo lɛ yé wo dan ’wo ke za pa lɛ.

WENÉNÉ LE JAN A GYE (Évangile selon Jean) 19:15

Naa, wo siaa léé: ’Bé gyɛ, ’bé gyɛ! ’Bé gyɛ yiliblan ta! Pilat lé wo lɛ léé: Maa ka nwiinzan blɛn gyɛ yiliblan taa? Balebanmunu segelenu léé: Sézaa ɛ ke ko nwiinzan blɛn nya é do kpen.

1 Tɛsalɔnik munu 2:16

Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.