Zakari 10:9 - Kazambale lé Sebe Sauunu 1979

⁹ Maa dan wo sɔɔla lɛ munu méléna, Yé dé wa baa, an sele é dan dɔ lɛ wo gi; Wo valé wolé nénu é dan vo lɛ é yuɛma, yé wo dan da lɛ wo pa gi é ziin.

Zakari 10:9 ပူးပေါင်းရင်းမြစ်များ

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Esitɛɛ 8:17

Tɛrɛ faa valé fla faa lé minwiinzan blɛn dére valé alé bélidɔwe bɔ wona, ginanale koo, ginanale blɛn koo, fɛti sɛné valé a blɛnnu koo, woo saa ɛ ke ana Juifinu zé nya. Juifinu lee kanale zén tɛrɛ ’ko la munu kiɛre gi, amalé wo wobozen kinin Juifinu nya.

Ézai 44:21

Jakɔb‐oo, we ’konu sele ’é dɔ i gi ma; Izraɛl, i a an wuozan nya, azama. Maa i bɔra, bii a an wuozan nya; Izraɛl, i sele ’ka dan saan lɛ an gi lo.

Ézai 64:4

Munu lé woo wetegele kɛla ginanale nya, ’té woo tawoo ilé zinu ta, ’té i sele a wo gi, i tawoo wo ’lɛ. Naa, ko wenyané kɛlɛ, amalé i bli fli. Ko dan vo lɛ kle blena kolé wenyané ma fɔɔ yé ko si we gi.

Ézai 65:23

Wo ’ka dan nyanama pa lɛ yé ’bɛ é vo é pla lo, yé wo ’ka dan né yaa lɛ yé ’bɛnu é zamaga wo wo yuɛ va lo; wo dan kɛlɛ lɛ bɛn lé Gakelebale a drɔɔ vo, a nya, ’bɛzama, yé wo valé wolé nénu é dan vo lɛ ékeva.

Ézai 65:9

Maa dan Jakɔb kulu kɛlɛ lɛ, yé maa dan an zaragɔ kɛlɛ lɛ Juda punlazan do zé nya; munu lé maa wo si a va, tɛrɛ ’ko é dan kɛlɛ lɛ wozé nya, yé an wuozannu é dan nyana lɛ ana.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 51:50

’Kaa lé ka so gwɔun lee, ’ka go, té ka dɔ lo. Yé tɛrɛ baa lé ka bɔ ana, ’ka bɔn‐in bɔrɔ Gakelebale ma ’bɛna, yé Jérusalɛm sele ’é dɔ ka gi.

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

OZÉ (Osée) 2:23

Gakelebale léma: ’Bɛ yi la, maa dan lanu dére ’ma lɛ, yé wo dan tɛrɛ dére ’ma lɛ,

Amɔs 9:9

Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Misé 5:7

Jakɔb kulu pɔnénu é dan kɛlɛ lɛ bɛngɔnɔnu va bɛn kiɛrenu méléna bélé golizra zo pɔrɔ gi winu va, bélé golizra boroné zo ’bla palunu méléna. Dé é a giéna, éé fɛ zɔn‐o é gane nya, ’té éé a wi kinié ékema, yé mi do kpen ’ka a sié a lee lo.

Kelewenu 8:1

Étiɛne gyɛle sɔ Sɔl lɛ. A yi duo nya wo nyané pa Jérusalɛm léglizigimunu ta é baba, yé wo faa nwɛɛn Judé tɛrɛ valé Samari tɛrɛ la. Nwunvɔzannu saa ɛ vo Jérusalɛm.

Kelewenu 8:4

Wo lé wo nwɛɛn bɛ, wo go fɛfaana Bale dére fele nya.

Rom munu 11:24

Bii lé i ke bwi gi ɔliviyili dɔbɛ nya, dé wo i bɔi yé wo i dɔ é ziin ɔliviyili bozen lé i ’ka a dɔbɛ nya bɛ lo, a pun ’léé, ’té wonu lé wo ke ɔliviyili bozen dɔbɛ nya, wo ’ka dan wo dɔ lɛ é ziin wobozen lé ɔliviyili pun ’léé loo?