Zakari 10:7 - Kazambale lé Sebe Sauunu 1979

⁷ Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

Zakari 10:7 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 43:34

Fɛblele lé ke Jozɛfu ’lɛ, é a pa zia wozé nya. Yé Bɛnjamɛn zé mini wozé ta gɔnɔ soru. Yé wo dɔrɔ mini, yé wo gi nana a va.

Lɛrɛvɔ Sɛbɛ 102:28

Naa, bii, éé voo i dɔbɛ duo gi, Yé i lɛɛ ’ka lɛɛnu va lo.

Lɛrɛvɔ Sɛbɛ 104:15

Yé nwɛ lé éé mi gi nanaan, Yee valé nyɔnɔ lé éé mi yara kɛla yɔrɔyɔrɔ, éé wo bɔraan, É valé buru lé éé mi dɔa plɛplɛ, wo nya.

Lɛrɛvɔ Sɛbɛ 13:5

Léé, té an nyanézan a fe léé, ’é maa kele lo. Yé dé é kɛlɛ léé, an tawo yé an dia, té an mazannu gi é nana lo.

Lɛrɛvɔ Sɛbɛ 28:7

Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

Lɛrɛvɔ Sɛbɛ 33:21

Naa, alé we ma lé ko gi a é nanale, Naa, ko bli a é vole a tɔ sauun lɛ.

Lɛrɛvɔ Sɛbɛ 90:16

’I ilé nyanama gɔɔn i wuozannu lɛ ma, Yé wolé nénu i dɔɔ mi blɛn nya ma.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 38:19

Mi yuɛmale ɛ i tɔ zin fé, iin, mi yuɛmale lé; Maa ke kyɔ fɛan zo, a zo mi lé. Né ti éé ilé yara pale we la gɔɔn‐an élé nénu lɛ.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 66:14

Ka dan a ye lɛ, yé ka dan fan lɛ ginanale nya, yé ka wɔlɛi é dan dɔ lɛ ka ma bélé lutolu zo. Gakelebale é dan élé plɛplɛ nagɔɔn lɛ é wuozannu lɛ, naa, a nyanézannu é dan alé bliflile dɔɔ lɛ ’wo kɔlɛ ma.

Jérémi 32:39

Maa dan bli do vɔ lɛ wo gi, yé maa dan zi do gɔɔn lɛ wo lɛ, léé, ’wo kana an lee yifaama, wo valé wolé nénu lé we zin yele we ma.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Abaku 3:18

Naa, duowo, an gi é dan nana lɛ Gakelebale gi, An gi é dan nana lɛ an siéwegizan Bale gi.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Zakari 9:15

Lai sunyanu lé Gakelebale é dan wo tabin lɛ; Wo dan fɛna faa ble lɛ, wo dan paalu gi gɔlɛnénu kele lɛ; Wo dan nyɛ mini lɛ, yé wo vun é dan we lɛ bélé nwɛgyɛzannu zo; Wo dan fan lɛ a nya bélé wi nyɛ zéngikana zo, Bélé balebanna sunlanu zo.

Zakari 9:17

Yiba! we nyian é wo mi lɛ ’bɛ zoo? Fɛ nɔnɔmi a ’bɛ zoo? ’Sa é dan pɛniɛnu tin lɛ Yé dɔrɔ dɛrɛ é dan blɛnnu tin lɛ.

WENÉNÉ LÉ LUK A GYE (Évangile selon Luc) 1:47

An Siéwegizan Bale lé we ma lé an léli gi éé nanaan,

WENÉNÉ LE JAN A GYE (Évangile selon Jean) 16:22

Bɛwemalé ka é ziin, ka bli gi kyɛ a sin, naa, maa dan ka ye lɛ é ziin, yé ka gi é dan nana lɛ, yé mi do kpen ’ka dan ka gi nanale si lɛ ka lee lo.

Kelewenu 13:33

Kazambale a lɛ sɔɔ, kaa lé kaa ke wolé nénu nya, kaa lɛ, Jézu nwale gamunu va nya, we lé ke é gyɛle Lɛrɛvɔ sɛbɛ a kuru fiézan gi, a yɛrama; wo léé: Bii ɛ ke an be nya. Maa i yaa kyɔ.

Kelewenu 2:26

Bɛwemalé an gi éé nanaan, ’té an nɛnɛ la a néné, Yé an kɔlɛ boen é dan flin lɛ, ’té an bli a we lɛ,

Kelewenu 2:39

Blivolɛdére a ’kaa valé kalé nénu koo, munu lé wo ke baa koo, kazé nya. Munu ’lééan Mizan kozé Bale é dan wo laa lɛ, wo ’léé duo lé.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.