Zakari 10:6 - Kazambale lé Sebe Sauunu 1979

⁶ Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 10:6 ပူးပေါင်းရင်းမြစ်များ

Lɛrɛvɔ Sɛbɛ 89:21

Maa an wuozan David ye; Yé an nyɔnɔ ’lɛzan zén a ta.

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Ézai 54:8

An bliflile do gi, maa yara yɔɔ i ma bléyi sɛ nya, Naa, i sɔle an lɛ glɛ ’ka lo, amalé an nyanai é dan zén lɛ i ta; I tabozan, Gakelebale ɛ fe.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 30:20

Wo benu é dan kɛlɛ lɛ bélé é vinin zo, Wo dan zén lɛ ékeva yifaama an ’lɛ, Munu lé woo yaan wo ta, maa dan we lɛdɔ lɛ ’bɛnu faa gi.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 31:31

Gakelebale léma: Ka ye, a yi é dan bɔ lɛ, yé maa dan gipawe dɛrɛ do kɛlɛ lɛ Izraɛl valé Juda munu va.

Ézékiɛl 36:11

Maa dan blaminu valé winu ’léé gi gyɛ lɛ ka nwiin di. Wo gi é dan gyɛ lɛ yé wo dan fan lɛ. É sɔ an lɛ léé, munu é nyana ka nwiin bélé é vinin zé zo, yé maa dan zin kɛlɛ lɛ ka lɛ yé ’bɛ é gié é vinin zé ta, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 36:37

Mizan Gakelebale léma: Bé ye, we ’ko ta é ziin, maa zi nɔ Izraɛl munu lɛ léé, wo we ’konu laa an lee. Wean maa dan kɛlɛ lɛ wo lɛ, yee lé ke ’ko: Maa dan wo fan lɛ bélé trubɛ zo.

Ézékiɛl 37:16

Yé bii blami be, ’i yilifee do si yé ’i sɛbɛ gyɛ a ta léé: Juda munu valé Izraɛl munu lé woo zén‐é wo va bɛ, wozé lé. ’I yilifee do si é ziin, yé ’i sɛbɛ gyɛ a ta léé: Jozɛfu zé lé. Éfraim munu valé Izraɛl munu faa lé woo zén‐é Éfraim va bɛ, wolé yili lé.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

OZÉ (Osée) 1:7

Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

OZÉ (Osée) 2:23

Gakelebale léma: ’Bɛ yi la, maa dan lanu dére ’ma lɛ, yé wo dan tɛrɛ dére ’ma lɛ,

Abudias 1:18

Jakɔb lé munu é dan kɛlɛ lɛ bélé kyɛ zo, Yé Jozɛfu lé munu é dan kɛlɛ lɛ bélé kyɛnɛnɛ zo, Naa, Ézau lé munu é dan kɛlɛ lɛ lɔɔ zo, Yé wo kyɛ é dan vɔ lɛ lɔɔ ’léé, yé a kyɛ é ble, Yé Ézau lé mi do kpen ’ka dan vo lɛ ana lo, Naa, Gakelebale ɛ fe.

Misé 4:13

Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Misé 4:6

’Bɛ yi la, maa dan gane tɔntɔn munu nyana lɛ an va. Munu lé wo wo bin, maa dan wo zén lɛ ékeva, munu lé maa nyané pa wo ta, wo koo, a zo lé Gakelebale a fe.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 7:16

Bɛn gɔnɔnu é dan a ye lɛ yé wo gi é dan blin lɛ wo ma. Dé wolé plɛplɛ a blɛn‐oo, wo dan ’wo bɛ bua lɛ ’wo lɔlu la, yé wo tɔné é dan ’wii lɛ wo ’wuo ma.

Zakari 1:16

Bɛwemalé Gakelebale léma: Maa dan da lɛ Jérusalɛm va nyanai zénle nya; maa dan anlé kɔn dɔ lɛ ’bɛna é ziin, yé wo dan kɔnbale pla lɛ Jérusalɛm.

Zakari 10:12

Maa dan wo dɔ lɛ gligli Gakelebale lé plɛplɛ nya, Yé wo dan tawo lɛ a tɔ gi. A zo lé Gakelebale a fe.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Zakari 8:11

Lai sunyanu lé Gakelebale léma: Naa, sin, maa ’ka bɛn ’ko pɔnénu lɛ bélé é vinin zé zo lo.

Zakari 9:16

’Bɛ yi la Gakelebale wolé Bale é dan wo si lɛ we gi Bélé alé munu lé trubɛ zo; Naa, wa fuaneé lé tɔkoro ma gɔlɛwezannu lé wo dan bi lɛ alé tɛrɛ la, wo nya.