Zakari 10:5 - Kazambale lé Sebe Sauunu 1979

⁵ Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Zakari 10:5 ပူးပေါင်းရင်းမြစ်များ

2 Samuɛl 22:43

Maa wo pun dɔa bélé tɛrɛ va vun zo, Maa wo ’wiié, maa wo zɔn‐o an gane nya bélé fla zinu ta voli zo.

2 Samuɛl 22:8

Wo tɛrɛ puo, ’té a ma éé nyɔɔn‐an, Lanu ganevɔna éé nyɔɔn‐an, A bliflile we ma lé wo manu nyɔɔn.

2 Minwiinzannu 9:33

Jéu léé: ’Ka a vuli tɛrɛ va. Wa vuli yé a nyɛ nwɛɛn flagɔrɔ valé wisoonu ta. Jéu a zɔn wisoo gane nya;

Lɛrɛvɔ Sɛbɛ 18:42

Woo siaan yé mi do ’ka wo lɛ yé ’bɛ é wo si we gi lo, Woo siaan Gakelebale lɛ, yé ’bɛ ’ka a zi paan wo lɛ lo.

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Lɛrɛvɔ Sɛbɛ 33:16

Gulidanzannu kiɛre boen, wo ’ka minwiinzan sié we gi lo, Plɛplɛbozen é ’ka guliwuovolɛzan sié munu lee lo,

Lɛrɛvɔ Sɛbɛ 44:5

Oo Bale, i a an nwiinzan blɛn nya; ’I guliwuo nɔ Jakɔb lɛ.

Lɛrɛvɔ Sɛbɛ 45:3

I a é nɔnɔmi é mini blami benu ta, Zin a é zénle i lɔlu gi Amalé Bale i drɔɔ vo yifaama.

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 25:10

Naa, Gakelebale bɛ nyané a gɔ ’ko ɛ ta; wo Moab zɔn ’wo gane nya fɛ ’ko ɛ na, fɛan zo lé woo lɔɔ zɔn‐o ’wo gane nya kɔn fwina, a zo.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 41:12

Munu lé woo i ’léé wɛɛan I dan wo nagini lɛ yé i ’ka dan wo ye lɛ é dɛrɛ lo; Munu lé woo guli vɔa ka lɛ, Wo dan kɛlɛ lɛ é boa yé wo kulu é dan ga lɛ.

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Ézai 8:9

Munu, ’ka siaa gulidandére plɛplɛ nya, yé wo dan ka ’wii lɛ. Ka lé ka ke é nyanale baa, ’ka an ban ka tɔné nya. ’Ka ma’lɛrɛ gulidanle we ma, yé wo dan ka ’wii lɛ. ’Ka ma’lɛrɛ gulidanle we ma, yé wo dan ka ’wii lɛ.

Ézékiɛl 38:15

’Bɛ zuo, i dan si lɛ ilé tɛrɛ la, yirinwana bɛbolazia, tɛrɛ glɛ mun la, bii valé bɛngɔnɔ kiɛre nya i va, ’té ka faa a wisoonu ta, ’té ka a mi gu blɛn nya, sunyanu palu plɛplɛ nya.

Amɔs 2:15

Savulizan ’ka dan é dɔna ye lɛ lo, yé gane ta kelekelezan ’ka dan so lɛ a gi lo, yé wisootazan ’ka dan ébo béli lɛ lo.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Zakari 12:4

Gakelebale léma: ’Bɛ yi la, maa dan wisoonu faa gi blin lɛ ’wo ma, yé maa dan wo tazannu yuɛi nɔɔ lɛ. Naa, dé maa a migɔnɔnu lé wisoonu faa yuɛ ’wiina, maa dan an yuɛ pa lɛ Juda munu ta.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Zakari 14:13

’Bɛ yi la, Gakelebale é dan dikinimigiwe blɛn kɛlɛ lɛ wo va; a do é dan kun lɛ é bɔluzan bɛ ma, yé wo dan guli dan lɛ ’wo ke va.

Zakari 14:3

Gakelebale é dan da lɛ yé é dan guli dan lɛ bɛn ’konu va, fɛan zo lé é guli dan guli blɛn danyi nya, a zo.

Zakari 9:13

Juda lé ke anlé sa nya, maa gana, ’Té Éfraim ɛ ke anlé sawɔlɛ nya; Bii Siɔn, maa dan ilé munu nwa lɛ Bii Javan lé munu ma. Yé maa dan i kɛlɛ lɛ bélé nyanazan lé gwɔun zo.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 4:3

migidanzan bié a sɔnɔ yé é léé: Dé i a Kazambale Be nya, bé fe gɔlɛ ’konu lɛ léé, ’wo kinin buru nya.

WENÉNÉ LÉ LUK A GYE (Évangile selon Luc) 24:19

Yé é lé wo lɛ léé: Mɛ we léé? Yé wo lé a lɛ léé: We lé é kɛlɛ Nazarɛtzan Jézu lɛ, yee lé. É a balelayezan lé é ke plɛplɛ we kɛlɛle valé dére fele gi Kazambale valé munu faa yuɛ va, a nya.

Kelewenu 18:24

Juifi mi do ana wa laama Apolɔs, wa yaa Alézandri; é a wefezan zima nya yé é Kazambale lé sɛbɛ gi wenu dɔɔ é zima, yé é da Éfɛz.

Kelewenu 7:22

We lé Éjipitinu a dɔɔ, wa faa paa Moizi gi. É a plɛplɛ dérenu valé we kɛlɛlenu gi.

2 Korɛnt Munu 10:4

Gulidanfɛnu lé ko guli daan wo nya bɛ, wo ’ka tɛrɛla gulidanfɛnu nya lo; naa, wa plɛplɛ Kazambale lé plɛplɛ nya fla plɛplɛ guru zanale a gi we ma.

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

2 Timoté 4:7

An guli zin dan; maa anlé za kɛlɛle lɛ sɔɔ; an bli vo Kazambale lɛ.

Jozué 10:14

Yi ’ko zo ’ka bɔ lɛ é vinin lo, yé ’bɛ zoɛ yi ’ka bɔ lɛ a zuo lo, Gakelebale mi dére ’ma, naa, Gakelebale Izraɛl ta guli dan, azama.

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.

Wegɔɔnle 19:17

Yé maa lanje do ye é dɔle yiri ta. Yé é siaa dére plɛplɛ nya yé mianénu faa lé wo ke sina la worona, é lé wo lɛ léé: ’Ka daoo, ka da! ’Ka zén ékeva Kazambale lé fɛti blɛn kɛlɛle we ma,

1 Samuɛl 16:18

A wuomunu va mi do léé: Bé ye, maa Bɛtléɛm mi Izai be do ye, yé é kɔnɔ gyɛle dɔɔ; é a mi plɛplɛ nya é ziin, nyanazan nya, gulidanzan nya, éé we fé é zima yé a yara a nɔnɔmi yé Gakelebale a a va.