Zakari 10:2 - Kazambale lé Sebe Sauunu 1979

² Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Zakari 10:2 ပူးပေါင်းရင်းမြစ်များ

Wepélisiananu 31:19

Laban a ’élé ’blanu kyɛɛ bɔina aan wo Rasɛl é ti lé miyiliné si kyeen nya,

1 Minwiinzannu 22:17

Misé a zi pa léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.

JOB (Job) 13:4

Naa, ’kaa, we lé ka dɔa ka ’wuo gi, viéwe lé, Ka faa a dɔtrɔ gyétrɛn boanu nya.

JOB (Job) 21:34

’Bɛ zo lé woo mi tɔrɔ paan ’koo? Dére faa lé ka we zi pa an lɛ a nya bɛ, dabli saa lé.

Ézai 41:29

Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Ézai 44:9

Munu lé woo miyilinu kɛla, woo faa a é boa, wo panyanama zima ’ka we do kɛla lo. Woboen a fé wobo ma; wo ’ka fɛna yé lo; ’wuo ’ka wo ta lo, amalé yara é dan wo gyɛ lɛ.

Ézai 46:5

Ka dan an dan lɛ de ɛ ma yé ko bɔ ’bɛ nya ékemaa? Ka dan de ɛ gɔɔn lɛ an bɔmazan nya, yé ’bɛzan é kɛlɛ bélé an zoo?

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 14:13

Maa a zi pa léma: Aa! Mizan, Gakelebale, bé ye, balelayezannu lé wo lɛ léé: Ka ’ka dan gwɔun ye lɛ lo, lɔrɔ ’ka dan ka gyɛ lɛ pelo; naa, Bale é dan vole drɔɔ bozen nɔ lɛ ka lɛ fɛkona.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 27:10

Naa, woo balelawe fé ka lɛ vié nya, léé, ka si kalé tɛrɛ la baa yé maa ka bin yé ka zamaga wo.

Jérémi 27:14

Balelayezannu lé wa fé ka lɛ léé: Ka ’ka dan kɛlɛ lɛ Babilɔn nwiinzan blɛn wuozannu nya monomono lo, té ka tɔné dɔ wo lɛ lo. Naa, woo balelawe fé ka lɛ vié nya.

Jérémi 27:9

Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Jérémi 29:8

Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Jérémi 37:19

Yé balelayezannu lé wo balelawe fe ka lɛ léé, Babilɔn nwiinzan blɛn ’ka dan da lɛ ka valé kalé tɛrɛ ma lo, wa kyɛɛn?

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 51:23

I nya lé an ’blatabinzan valé ’blanu gyɛ, I nya lé an féipazan valé élé dirinu gyɛ, I nya lé an minwiinzannu valé flazannu gyɛ.

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 8:11

Woo anlé munu manɔn paan gi nyané nya, ’té wa fé léé, ’i vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Ézékiɛl 21:21

Ilé plɛplɛ zén ékeva, ’i nɔla i bɛyila; ’i dɔ, ’i nɔla i bɛbola; ’ilé gwɔun duun i zi fɛfaana.

Ézékiɛl 21:29

Amalé Mizan Gakelebale léma: Ka kalé weple sele dɔ an gi kalé bélidɔwe sɔnnénu sɛrɛle gɔrɔ la koo, kalé wenyanénu nagɔɔnle ka kɛlɛwenu faa gi koo, wo nya. Naa, ka wo sele dɔ an gi, amalé ka nyanézan é dan ka kun lɛ.

Ézékiɛl 34:5

Wo kini ékema; wo pazan ’ka lo, azama. Wo kɛlɛ bwigiwinu faa blefɛ nya, wo kini ékema.

Ézékiɛl 34:8

Mizan Gakelebale léma: Maa a é yuɛma. Anlé munu pazannu ’ka lo, amalé wa ’wiina wo ta; wo kɛlɛ bwigiwinu faa blefɛ nya. Naa, anlé ’blanu pazannu ’ka wo gi bɔrɔan anlé ’blanu ma lo, wobozen lé wa paan, yé wo ’ka anlé ’blanu paan pelo.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Abaku 2:18

Miyili nyaale tɔnɔ a mɛ fɛ nya yé nyanamapazan a nyaan? Yé fɛfoto selele lé éé viéwe paan mi gi, ’bɛ é mɛ we nyian wo mi ma, yé nyanamapazan lé é a sele bɛ, yé éé paan a taa? dɔlé ’té é a bobogyɛ miyilinu ɛ kɛlɛna bɛ.

Zakari 11:17

Mipazan boazan lé é élé ’blanu vo mi, we tɔntɔn ’é bɔ ’bɛzan ma ma. Gwɔun ’é vɔ a bɛ ma yé gwɔun a bɛyila yuɛ fɔn ma. A bɛ ’é ga a ma ma, yé a bɛyila yuɛ ’é diri ma.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

Matio 9:36

Jézu mi gu ye aan wo a nyanai zén wo ta; wo fuu ’ka wo ta lo, yé wa tɔɔtɔɔ bélé ’blanu lé wo tabinzan ’ka lo, wo zo.

Maak 6:34

Jézu zun aan wo ’yitagoro gi, é mi gu blɛn ye. Wa bélé ’blanu lé wo tabinzan ’ka lo, wo zo; amalé Jézu nyanai zén wo ta, yé é kun we kiɛre paale ma wo gi.

Weblezannu 18:14

Yé gɔné soru lé wo go Lais tɛrɛ nagini lɛ é vinin bɛ, wo lé ’wo bwenu lɛ léé: Ka gi dɔɔ léé, éfɔdi koo, térafim koo, miyili nyaale koo, miyili folile koo, wa kɔnnu ’ko gii? We lé é a lé ka kɛlɛ, ka ye sin.