Zakari 10:12 - Kazambale lé Sebe Sauunu 1979

¹² Maa dan wo dɔ lɛ gligli Gakelebale lé plɛplɛ nya, Yé wo dan tawo lɛ a tɔ gi. A zo lé Gakelebale a fe.

Zakari 10:12 ပူးပေါင်းရင်းမြစ်များ

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Ézai 2:5

Jakɔb lé munu, ’Ka da, kaa tawo Gakelebale lé san va.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Kolɔs munu 3:17

Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Ézai 45:24

Wo dan a fe lɛ an lɛ léé: Gakelebale do kpen gi lé wetegele valé plɛplɛ ke; Munu faa lé wo bli fli a ma, Wo dan da lɛ a va, wo gi blinle wo ma we gi.

Wepélisiananu 24:40

Yé é lé maa lɛ léé, Gakelebale lé ’é tawo a ’lɛ, é dan ’élé lanje do pa lɛ maa va, yé anlé tawowe é dan vɔ lɛ a ma, yé an le do si ’é be na nya ’é ti lé kɔn gi, ’é ti lé munu va.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Zakari 12:5

Juda mi blɛnnu é dan fe lɛ ’wo bli gi léé: Jérusalɛm munu lé ke kolé plɛplɛ nya, lai sunyanu lé Gakelebale wolé Bale tɔ gi.

Wepélisiananu 5:24

Énɔk tawo Bale va, yé Bale a si, bɛwemalé wo ’ka a ye lɛ lo.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

Ézékiɛl 30:24

Maa dan Babilɔn nwiinzan blɛn bɛnu dɔ lɛ plɛplɛ; maa dan anlé gwɔun pa lɛ a lee; maa dan Faraɔn bɛnu yéli lɛ yé é dan dunnu lɛ a ’lɛ bélé munu lé wo ke gana, wo dunnule zo.