Zakari 1:6 - Kazambale lé Sebe Sauunu 1979

⁶ Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Zakari 1:6 ပူးပေါင်းရင်းမြစ်များ

2 Minwiinzannu 15:12

’Bɛ zo lé dére lé Gakelebale a fe Jéu lɛ, a lɛ sɔɔ; é léé: I benu é dan nyana lɛ Izraɛl lé webleblin ta fɔɔ yé é bɔ i kulu ziɛnzan ma.

JOB (Job) 6:29

’Ka nɔla, té ka kɛlɛ miplenu nya lo; ’Ka nɔla yé ka gi dɔɔ léé, we ’ka an nwiin lo.

Ézai 21:17

Kédaa munu lé wo ke savulizannu lé nyanazannu nya, wo ’léé é dan vo lɛ sɛ. Gakelebale, Izraɛl lé Bale ɛ fe, azama.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Ézai 55:11

A zo duo lé an dére lé éé sié an ’léé, É ’ka nɔlaan an va é pla lo, ’Té é anlé blibɔmawe Valé an bɔn‐in bɔrɔmawe faa lɛ sɔɔ é wo.

Jérémi 23:20

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 26:15

Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

Jérémi 28:17

Yé balelayezan Aanania ga ’bɛ lɛɛ ’ko lé moné sɔrafiézan nya.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 36:28

’I sɛbɛ dɛrɛ bɛ si, yé dére faa lé é ke é gyɛle sɛbɛ vininzan lé Juda nwiinzan blɛn Jojakim a kyɛ ble bɛ, a gi, ’i yee dére duo gyɛ.

Jérémi 39:16

’I go bé fe Étiopi mi Ébɛd‐Mélɛk lɛ léé: Lai sunyanu lé Gakelebale, Izraɛl lé Bale léma: Bé ye, wenu lé maa wo bɔle fla ’ko ma zuo fe, ’té wa wenaanénu nya, wo ’ka wezinnu nya lo, wo dan bɔ lɛ yi ’ko nya i yuɛ va.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:28

Mi ’léé kiéné lé wo so gwɔun lee, wo dan si lɛ Éjipiti tɛrɛ la yé wo dan go lɛ Juda tɛrɛ la. Naa, Juda munu faa lé wo da nyana lɛ Éjipiti tɛrɛ la, dé an dére lɛ é dan sɔɔ lɛɛ? ɛɛ, dé wozé lɛ é dan sɔɔ lɛɛ? wo dan a ye lɛ.

Jérémi 44:29

Yé Gakelebale léé: Tɔmase do é dan kɛlɛ lɛ, ’bɛ nya lé ka dan a gi dɔɔ lɛ léé, maa dan we lɛdɔ lɛ ’wo gi fɛkona, kalé a dɔɔle we ma léé, an dére lɛ é dan sɔɔ lɛ wenaané bɔle ka ma nya.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 5:14

Amalé Gakelebale, lai sunyanu lé Bale, léma: Naa, ka we ’ko fe, amalé é sɔ an lɛ léé, an dére ’é kɛlɛ bii Jérémi ’léé kyɛ nya, yé munu ’ko ’é kɛlɛ yili gale nya, yé kyɛ ’é wo ble.

Jérémi Lé Wuvɔ Sɛbɛ 1:18

Gakelebale a tegele, Naa, é we fe an lɛ yé an bɔrɔ vɔɔ a ta. ’Kaa migɔnɔ faa, ’ka tɔné dɔ, ’ka anlé nyanéblele ye. Anlé blɛnnu valé anlé pɛniɛnu go luu gi.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 3:42

Ko wenyané kɛlɛ, ko nwa Bale ma, I ’ka ko ma we vo lɛ lo.

Ézékiɛl 20:43

Ka giébɛnu valé ka kɛlɛwenu lé ka kabo tiri dɔ wo nya bɛ, wo sele é dan dɔ lɛ ka gi ’bɛna, yé ka lɔrɔ é dan nyaa lɛ kabo ma, we vɔnlenu lé ka wo kɛlɛ, wolé we ma.

Ézékiɛl 37:11

É lé an lɛ léma: Blami be, mi wɔlɛ ’konu a Izraɛl munu faa nya. Bé ye, wo léé, ’wo wɔlɛnu a é gale, ’wo bli ’ka we lɛ é dɛrɛ lo, ’wa é sanle.

Daniɛl 4:28

We ’konu faa bɔ minwiinzan blɛn Nébukanɛsaa ma.

OZÉ (Osée) 5:9

We lɛdɔ wo gi yi nya, Éfraim guru é dan zana lɛ a gi; we lé maa ke a fena Izraɛl bɛnnu lɛ, sɔbɛlawe lé.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

Amɔs 9:10

Anlé munu va wenyanékɛlɛzannu faa lé wa fé léé, we tɔntɔn ’ka dan bɔ lɛ ’wo lɛ lo, wo dan wo faa gyɛ lɛ gwɔun nya.

Zakari 1:7

Darius plale mi nwiin lɛɛ fiézan lé moné vu ta dozan lé wa laama Sébat, ’bɛ lé yi yɔ do wɔlɛ ziɛnzan nya, Gakelebale we fe balelayezan Ido be Bérékia be Zakari lɛ yé é léma:

Malasi 3:18

Yé ka dan a ye lɛ é ziin léé, mi tegele zé a é yɛrama, yé mi nyané zé a é yɛrama; mi lé ’bɛ éé Bale bɔa, ’bɛ zé a é yɛrama, yé mi lé ’bɛ ’ka Bale bɔa lo, ’bɛ zé a é yɛrama.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Mi Nɔnɔle 32:23

Naa, dé ka ’ka a kɛlɛ lɛ lo, ka wenyané kɛlɛ Gakelebale ma, yé ka we ’ko dɔɔ ma: kalé wenyané é dan ka kun lɛ.

Mi Nɔnɔle 33:56

Yé we lé é sɔ kɔɔn an lɛ léé, maa kɛlɛ wo lɛ, maa dan a kɛlɛ lɛ ka lɛ.

Matio 24:35

La valé tɛrɛ é dan gié lɛ, naa, an dérenu ’ka dan gié lɛ monomono lo.

Bélidɔwesɛbɛ Fiézan 28:15

Naa, dé ka ’ka Gakelebale, kalé Bale dére lɛdɔ lɛ a ma lo, yé bélidɔwenu faa valé a sɔnnénu faa lé maa wo fe ka lɛ kyɔ, dé ka ’ka vo lɛ wo la yé ka wo pa lo, bale lé é dan a pa lɛ ka ma yé é ka kun, yee lé ke ’ko:

Bélidɔwesɛbɛ Fiézan 28:2

Dé ka Gakelebale kalé Bale dére lɛdɔma, ka valé kalé fɛna drɔɔ é dan vo lɛ fɛan zo, yee lé ke ’ko:

Bélidɔwesɛbɛ Fiézan 28:20

We faa lé ka a kɛlɛle pélisia, bale pale koo, di kinié migiwe koo, wenyané lɛ kinile ka lɛ koo, Gakelebale é dan wo faa kɛlɛ lɛ ka lɛ a gi, fɔɔ yé ka kulu é ga yé ka zamaga wo, kalé weple kɛlɛle lé wo ka kun yé ka sɔn vɔ maa, Gakelebale ma, wolé we ma.

Bélidɔwesɛbɛ Fiézan 28:45

Balepadére ’konu faa é dan ka kun lɛ, wo dan vo lɛ ka ma, yé wo dan kɛlɛ lɛ kazé nya fɔɔ yé ka kulu é ga, ka ’ka Gakelebale kalé Bale dére lɛdɔ lɛ a ma lo, yé alé bélidɔwenu valé a sɔnnénu lé é wo fe ka lɛ, ka ’ka wo ta tawo lɛ yé ka wo pa lo, azama.

1 Tɛsalɔnik munu 5:4

Naa, bwenu, ka ’ka gunutinu va yé ’bɛ yi ’ko é bɔ ka ma fiaa bélé kyeenwozan dale zo lo.