Zakari 1:4 - Kazambale lé Sebe Sauunu 1979

⁴ Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Zakari 1:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:6

Nwunvɔzannu go minwiinzan blɛn valé alé mi segelenu lé sɛbɛ nya wo lee Izraɛl valé Juda tɛrɛnu faa la. Yé minwiinzan blɛn dére lé é a fe, wa fe munu lɛ, léé: Izraɛl munu, Gakelebale lé ke Abraam koo, Izak koo, Izraɛl koo, wolé Bale nya, ’ka da a va ka pa gi, léé, ka lé ka so Asirinu nwiinzan blɛn lee, yé yee Bale ’é da ka va é ziin.

2 Minwiinmunu lé Wezuofe Sɛbɛ 30:7

Té ka kɛlɛ bélé ka tranu valé ka bwenu zo lo. Wo wenyané kɛlɛ Gakelebale wo tranu lé Bale ma, yé Bale wo sɛrɛ tata, ka a ye fɛan zo, a zo.

2 Minwiinmunu lé Wezuofe Sɛbɛ 34:21

’Ka go, sɛbɛ lé wa ye, ’ka a gi dére ta we laa Gakelebale lee, maa valé munu lé wo vo Izraɛl valé Juda tɛrɛ la, kolé we ma. Naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

Ezidras 9:7

É sia ko tranu bléyi va, ko a weanwiinzan blɛnnu nya, fɔɔ yé é bɔ kyɔ, yé kolé weplenu lé we ma lé i ko pa minwiinzan blɛn bɛnu lee, yé wo ko gyɛ gwɔun nya, yé wo kolé fɛnu sia gla nya, yé wo go ko nya luu gi yé yara a ko ’wuo ma fɔɔ kyɔ, ko nwiinzannu valé kolé Balebanzannu koo, ko faa lé.

Néémi 9:16

Naa, ko tranu kɛlɛ boblɛnzannu valé bɔrɔvɔɔzannu nya i nwiin. Wo ’ka ’wo tɔné dɔ lɛ ilé bélidɔwe sɔnnénu lɛ lo.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Ézai 31:6

Izraɛl munu, ’ka nɔla, mi lé ka vo ka bɛ zuo baa, a va.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Jérémi 25:8

Bɛwemalé lai sunyanu lé Gakelebale léma: Ka ’ka ka tɔné dɔ lɛ an dérenu lɛ monomono lo,

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 3:14

Gakelebale léma: ’Kaa nwamimazannu, ’ka da ka pa gi. Naa, maa a kazan nya. Maa dan mi do do si lɛ fla do do ta, yé an dan mi fié fié si lɛ ka nyanale gi do do yé maa da ka nya é ziin Siɔn.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 4:1

Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Jérémi 44:16

We faa lé bé fe ko lɛ Gakelebale tɔ gi, ko ’ka dan i lɛdɔ lɛ a ma a gɔ do kpen gi lo.

Ézékiɛl 14:6

Bɛwemalé, bé fe Izraɛl munu lɛ léma: Mizan Gakelebale léma: ’Ka da ka pa gi. ’Ka yara si kalé miyilinu ta; ’ka yara si kalé bozofɛnu faa ta.

Ézékiɛl 20:18

Maa lé wo benu lɛ léé, té ka tawo ka tinu lé wepladérenu yɛrama lo; té ka we kɛlɛ wo gɔnɔlawenu yɛrama lo, yé té ka kabo tiri dɔ wolé miyilinu nya lo.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 33:4

Dé mian é béli dére ’ko ’ma, yé é tɔné sia a ta, yé gwɔunzan bɔ a ma fiaa, alé we a ébo nwiin.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

Amɔs 5:24

Naa, wedrɔle ’é kɛlɛ bélé ’yiyoro zo, yé we tegele ’é kɛlɛ bélé ’yiyoro plɛplɛ lé é ’ka bélié lo, a zo.

Misé 2:6

Wo léé: Té i balelawe fe lo; té wo ’bɛ zo we fe balelawe fele nya lo ma. Dére naanénu ’ka nyaan lo.

Zakari 1:3

Amalé bé fe wo lɛ léma: Lai sunyanu lé Gakelebale léma: ’Ka da maa, lai sunyanu lé Gakelebale va é ziin, yé maa dan da lɛ é ziin ka va. A zo lé Gakelebale a fe.

Zakari 7:7

Bléyian va lé munu a é nyanale Jérusalɛm woboma duaa, é valé é zi flanu nya, ’té munu a é nyanale yirinwana bɛyilazia fɛna pɛblɛɛna, we lé Gakelebale a fe balelayemunu vininnu lɔlu nya ’bɛ bléyi va, ka ’ka a gi dɔɔa loo?

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.