Zakari 1:16 - Kazambale lé Sebe Sauunu 1979

¹⁶ Bɛwemalé Gakelebale léma: Maa dan da lɛ Jérusalɛm va nyanai zénle nya; maa dan anlé kɔn dɔ lɛ ’bɛna é ziin, yé wo dan kɔnbale pla lɛ Jérusalɛm.

Zakari 1:16 ပူးပေါင်းရင်းမြစ်များ

JOB (Job) 38:5

De ɛ a sangi valé a ’wuola fee? Bé gi dɔɔ? De ɛ tɛrɛ dan bawɔrɔ soi a taa?

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 34:11

É dan kɛlɛ lɛ valusanbla valé ’téli zé nya; pɔrɔkurubéli valé kanwéi é dan nyana lɛ ana. Ana é dan vo lɛ é pla bélé vun zo; ana sɛrɛle tata é dan bɔ lɛ ékema.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Ézékiɛl 40:3

É go an nya ’bɛna, yé maa mi do ye ana bina bélé zéné zo. Lɛn bawɔrɔ do valé fɛdanyili a a lee. ’Té é a é dɔle gɔrɔ ’léé.

Ézékiɛl 47:3

Bléyian va lé mi ’ko bié yirinwanazia, ’té bawɔrɔ do a a lee; yé é ’yi dan é yoro zuozia; dé é bɔ mɛtrɛ wuru fié yɔ soru, yé é ’yi ’ko kini an nya, yé ’bɛna ’yi bɔ an gane seené ma.

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Agajé 1:14

Juda tɛrɛ la gbɔrɔnama Séaltiɛl be Zorobabɛl koo, Balebanmunu ’lɛzan Josadak be Jozué koo, mi pɔnénu faa koo, Gakelebale nyanama pa wo bli gi. Wo da yé wo kun lai sunyanu lé Gakelebale, wolé Bale lé kɔn dɔle ma,

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 2:4

É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 2:6

Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Zakari 4:9

Zorobabɛl kɔn ’ko gane vɔ yé é dan a béli vɔ lɛ, yé i dan a gi dɔɔ lɛ léé, lai sunyanu lé Gakelebale ɛ an pa zia ka va.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.