Zakari 1:12 - Kazambale lé Sebe Sauunu 1979

¹² Yé Gakelebale lé lanje we fe yé é léma: Lai sunyanu lé Gakelebale, Jérusalɛm valé Juda lé flanu lé i bli vo flina wo ma a lɛɛ yɔ yaa wɔlɛ vu lo, i nyanai é dan zén lɛ wo ta mɛ yi laa?

Zakari 1:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

Lɛrɛvɔ Sɛbɛ 102:10

I bli nwale valé i bli flile lé we ma lé An vungoi blé fɛblele pa gi, Yé an yuɛyi a é vɔɔle an mininwɛ nya. Naa, i an nwa yé i an vuli baa.

Lɛrɛvɔ Sɛbɛ 102:13

Naa, bii Gakelebale, ilé plale mi nwiin glɛ ’ka lo, Yé i tɔ sele a mi kulu faa gi.

Lɛrɛvɔ Sɛbɛ 69:5

Munu lé wan za paan é pla, Wo kiɛre mini an nwiin nwinnu ta. Munu lé wa a va léé, wo an saan, wa plɛplɛ, Wa an nyanézannu nya é pla. Fɛ lé maa ’ka a sia lɛ kyeen nya lo, é a lé maa a lɛgi nɔ duowo.

Lɛrɛvɔ Sɛbɛ 74:10

Baleoo, Bale, yaamitazan é dan ko sɔnɔ lɛ fɔɔ bléyi kyɛn vaa? Ko nyanézan é dan serele bo lɛ i tɔ ma yifaamaa?

Lɛrɛvɔ Sɛbɛ 79:5

Yiba! Gakelebale, i ’ka wé ko zi loo? Yé i bli é dan vo lɛ flina ko ma ’bɛ zoo?

Bale Lé We Gifezan 3:3

fɛ gyɛbléyi a, yé fɛ bélibléyi a; fɛ zanabléyi a, yé fɛ dɔbléyi a;

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 12:4

Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 15:17

Maa ’ka nyana lɛ mi ma wenanazannu va léé, an gi ’é nana wo va lo; naa, ilé plɛplɛ lé we ma lé an nyana an do; naa, bii an fan wɛwɛ nya.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Daniɛl 12:6

Wo va mi do we fe mi lé lɛnsɔ ke a ta, ’té é a é dɔle yuu ta loru, a lɛ léé: We blɛnnu ’ko é dan nyaa lɛ mɛ bléyi vaa?

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

Abaku 1:2

Gakelebaleoo, Gakelebale! Gɔnɔ nɔ nya lé an siaa i lɛ yé i ’ka i tɔné dɔ lɛ an lɛ loo? Wa glawe kɛlɛna an lɛ, amalé an siaa, yé i ’ka bɔ lɛ an va lo.

Zakari 1:8

Maa nagini é béli, ’té mi do a wisoo kanakana ta, ’té é a é dɔle miiteyilinu méléna furɔ va; ’té wisoo kanakananu koo, a gbamblɛnu koo, a funu koo, ’té wa zuo.

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?